بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



ترانس ترانس
تجربتي لحمام سوفلار Sofular Hamami
19-10-2014 - 05:15 am

اللي يدور حمام تركي في استنبول مايجيه الا الاتراك هذا الحمام التاريخي يصلح له ۔ الحمام قديم من القرن ال16 وغير مشهور للسياح وهذا اللي انا ادور عليه

موقع الحمام على شارع سوفلار وبالتحديد لمن تنزل من محطه ترام يوسف باشا تمشي مسافه 100 متر يسار المحطه يجيك تقاطع تعديه وبتشوف بدايه شارع سوفلار تمشي 100 متر ويكون الحمام على يدك اليمين بدايه الطلعه

اللي يبي الوصف بشكل احسن يشوف خرائط قوقل تساعد في الوصول للحمام بكل سهوله


تجربتي كالتالي:

اول ما دخلت والا ذا العثماني الاصلي ابو شنب واقف قدامي يطبق المناشف قاللي كلمه مدري وشهي تكييس ومساج؟ قلت ايه هذا المطلوب قاللي موني يقصد فلوس قلت اكتب في الورقه كتب 39 قلت له ليره تركي؟؟ قال ايه!! طبعا انا قاري رد للقدير zaqwsx بخصوص حمام غلاطه سراي انه ب 120 ليره فما صدقت لمن قاللي 39...۔ المهم عطيته 50 ليره الا ويرد لي 11 ليره قلت والله جد الموضوع مو ب 120 ليره قاللي افصخ الجوتي والبس شبشب ووداني غرفه تبديل ملابس حطيت اغراضي لبست الفوطه واخذت المفتاح معي للحمام الرئيسي .۔ طبعا كل اللي موجودين شنبات وكل واحد عليه كرش نص متر ماشاء الله مبين طول هالسنين دفس بالكباب...۔ المهم ماعلينا والله يقوللي رح اجلس هناك على البلاطه الحاره وارقد قلت طيب يا افندم ..۔ المهم كان في اثنين كبار في السن وكل واحد شايف شغله مع زبون وانا اطالع وانتظر يجيني الدور ...۔ الا واشوف انواع الفغص والطقطقه قدامي قلت الله يستر الدعوة مافيها بشويش جهز نفسك باي شي شف لك شي تحطه بين اسنانك لاجت ساعه الجد ..۔ المهم جلست على البلاطه الحاره ربع ساعه تقريبا اناظر في السقف وفي البنيان العثماني مع الفتحات اللي يدخل منها نور الشمس ومع قوة الاندماج في السقف وفجأه وبدون سابق انذار وبكل هدوء ولا واحد مدلك جديد غير اللي شفتهم يجي ويحط ايده علي قلت اعوذ بكلمات الله التامات من شر ما خلق من انت وش بتسوي قاللي ريلاكس ريلاكس (هههه بالتركي طبعا) وادقق في عينه والا يطلع اعور ..۔ انت مين اللي صحاك من النوم وقاللك تعال فيه واحد عربي ينتظرك؟

المهم ذبحني والله ياهو قوي ابن اللذينا خلاني احس اني لاحول ولاقوة تحت ايده ..۔ بس الحمد لله ما طول كلها 10 دقايق تدليك وبعدها قاللي انصراف ..۔ وعلى مكان التفريك بالليفه الخشنه... ياهو طلع بلاوي من جلدي ..۔ المراد ابتدا بالليفه الخشنه بس بدون صابون تقريبا 5 دقايق كامل الجسم عمل لي صنفره ..۔ وبعدها بالصابون وبالليفه الخشنه 5 دقايق كامل الجسم وبعدين جاب ليفه انعم للوجه .۔ وبعدين ختم بليفه ناعمه للجسم كله وكل شويتين يكب علي ما حار ..۔ وبكيذا خلصنا ۔


طبعا وهو يصنفر قط علي كلمة كأني فهمت انه يبي بخشيش يعني اكراميه ! قلت ابشر انت بس اهم شي انك متغدي ومروق ( كل شي ولا زعلك طال عمرك)

المشكلة ادور والا مافيه الا 50 ليره وال 11 اللي ردها لي راعي الاستقبال۔ والله البلشه ذا الاعور وش يفكني منه ..۔ وادور والا عندي فكة كم ليره تركتهم على الطاوله ومسكت الباب على طول .۔ طبعا ما صدقت اني طلعت بكامل اعضائي ومن فرحتي خذت هذي الصوره تذكار






في امان الله





المشاركات

تَّيمـ تَّيمـ
تجربتي لحمام سوفلار Sofular Hamami


:)

ما عندهم قسم نسائي


تَّيمـ تَّيمـ
تجربتي لحمام سوفلار Sofular Hamami


نسيت أقولك نعيماً .۔ و أنه ريحة الصابون أوصلت عندنا


ambaba ambaba
تجربتي لحمام سوفلار Sofular Hamami


الحمد لله على السلامة
حمام الهنا


maro_toni maro_toni
تجربتي لحمام سوفلار Sofular Hamami


حمد لله على السلامة..
كنت هسالك عندهم قسم نسائى او لا..
بس بعد وصفك للى حصل..انا عمرى ما هفكر اروح xD
نعيما ^^


ترانس ترانس
تجربتي لحمام سوفلار Sofular Hamami


الله ينعم عليكم
ههههه حلوة منك يا تيم
اشوى ان اهاتي ماوصلت
تحياتي


رحال عاشق رحال عاشق
تجربتي لحمام سوفلار Sofular Hamami




نعيما ترانس ، حمام الهنا

تجربة جميلة ، بس كيف مستوى نظافة الحمّام التركي والمدلكين ؟



ترانس ترانس
تجربتي لحمام سوفلار Sofular Hamami


الله ينعم عليك وعقبالك
بصراحه لازم اجرب مكان ثاني عشان تصير المقارنه معقوله
هذي اول تجربه لي في عالم الحمامات هههه


ابن اسكندرية ابن اسكندرية
تجربتي لحمام سوفلار Sofular Hamami


نعيما و حمام الهنا :)


كريم بن الاكرام كريم بن الاكرام
تجربتي لحمام سوفلار Sofular Hamami


نعيما....لكن كيف حسيت بعد الحمام ..... خفيف طاير في السما؟



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

تجربتي لحمام سوفلار Sofular Hamami