بانكوك المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
kwt_00
05-12-2022 - 07:42 pm
اليوم واصل بانكوك الساعه عشر الصبح والامور فوق الممتازه وكل. شي طبيعي وانا حاليا اكتب لكم وانا قاعد اشرب جاي نعناع من قهوة ناصر المصري والاموره عاديه انا اللي شفته من مياه وانا بالطياره قبل لا ننزل في مطار بانكوك بربع ساعه كان في ماي متفرق يعني يبعد عن المطار تقريبا ساعتين بالقرى والمستشفى الامريكي شغال ويستقبل جميع المرضى عادي واعتذر اذا ما رديت عليكم لان ما عندي وقت واللي ناوي يسافر يسافر ولا يحاتي والله على ما اقول شهيد لان هذي امانه ولازم اتكلم بالصحيح شكرا


التعليقات (8)
أبو عزيز
أبو عزيز
سلام عليكم بالفعل أخوى الوضع طبيعي أنا اليوم رجعت من تايلاند

حسن الحمادي1
حسن الحمادي1
الف الحمد لله على سلامة الوصول و ترد بسلامة ان شاءالله
ارجو اعطاءنا بالمعلومات عن الفيضانات من ارض الحدث مباشرة و يفضل تكون معانا اون لاين مباشرة
تقبل تحياتي

الـولهان
الـولهان
مشكور اخوي وتروح وترجع بسلامة
ارجو انك تفيدنا اكثر بخصوص الفيضانات لحضة بلحضة

ابوليونه
ابوليونه
الحمد لله على السلامه سفره سعيده .

binayd
binayd
الحمد لله على السلامه اخوي وتستحق سلامة الوصول اخوي الكويتي تسير وترجع الكويت بالسلامه .........ما قصرت والله يجزيك بالخير على المعلومه ويعطيك الصحه والعافيه ............

kwt_00
kwt_00
صباح الخير على الجميع مشكورين على الردود الحلوه والله يسلمكم بدايه اعذروني من اي خطئ مطبعي لان تواصلي معاكم عن طريق الاي فون المهم امس من المغرب لغاية اخر الليل وانا بشوارع بانكوك افتر على التوكتوك الوضع طبيعي جميع الاسواق الشعبيه البتنو نام ونات بازار وبالليل متعشي بالمطعم الايراني اللي بسوق العرب اللي مقابل مطعم الحسين وانا حاليا اكتب لكم وانا بالمستشفى الامريكي الدور 11 لعمل فحوصات شامله مجرد جيك اب وحاله الساعه عندي 9 صباحا والوضح فوق الممتاز وانا رايح المستشفى الجو مو طبيعي شمس ويذكرني بجو ام الدنيا مصر خلاصة الكلام اقسم بالله ياجماعه الوضع عادي والتهويل بالاخبار صراحه كلام فاضي واللي يبي يروح يركب ولا يتردد
ودمتم

badr.nf
badr.nf
تروح وترجع لنا سالم غانم يارب وفي الشفاء العاجل يارب
اخوي ماعليك كلفة انا مسافر انا وزوجتي ايش احسن فندق تنصحني فيه والصراحة احب الفنادق الخمسة نجوم ماعلي من السعر اهم شي الفخامة والموقع انتظر اجابتك ودمت بكل خير

kwt_00
kwt_00
badr.nf
الله يسلمك بالنسبه للفنادق انا صراحه ماعندي خبره في بانكوك يمكن الاخوان. يفيدونك اكثر وحسب ما اشوف في فندق اسمه لاند مارك انا اشوفه الانسب لطلبك تقدر تحجزه عن. طريق موقع بوكنق لان اغلب العوايل الخليجيه فيه واذا تبي قريب عند المستشفى الامريكي خطوتين وتكون فيه فندق زينث قمه وقريب من كل شي وفيه مطعم اسلامي وكله عوايل خليجيه


خصم يصل إلى 25%