نوته المسافره
وكل عام وانتم بخير
السفره قربت بتاريخ 8/نوفمبر
توقعتكم برتجعوون اللحين وثآريكم مآ سآفرتو ههه عمومآ تروحون وترجعون بالسسلآمه
وحابه استفسر عن كم شغله
طبعآ وصولنا للفيينا يوم الثلاثاء الساعه 1 الظهر
ونبي ع طول نروح للسالزبورغ
فاقرب قطار متى وكم سعر التذكره؟
كل سآعه الظآهر أو أقل يتحرك قطآر يعني عآدي الوقت وسعر التذكره للشخصين بس أنا درجه أولى ب 80 يورو
واذا فيه احداثيات مطاعم حلوه بسالزبورغ بكون شاكره لكم
مآ جلست والله بسآلز بورغ ولآ كآن أفدتك بس تقدرين تآخذين من نفس الموقع بالبحث عن أحدآثيآت
وطبعآآ حنا معنا سياره
وبرضو نبغى نروح للزيلامسي
وعندنا بزيلامسي اربع ايام
وين تنصوحنا نقضيها
طبعآ المنآطق السيآحيه الصيفيه رآح تكون مقفله
فيه أعلى قمة في كآبرون والقرى القريبه منهآ يعني أن شاء الله بتستفيدون من الآربع أيآم بالتمشي
وهل نقدر نروح ونرجع بنفس اليوم
الى فينيسيا او ميونيخ
أتوقع أنه مسستحيل لآنه بعيده عليكم وتعب
وش الاماكن الي تنصوحننا بها
والسوال الاهم :
من وين نحول الفلوس من سعودي الى يورو
طبعآآ حنا بسكاكا ماعندنا ولا مكان يحول الفلوس لليورو
هل بالمطار فيه موجود ووين مكانه طبعآ بالرياض او مطار القاهره او مطار فيينا
بالريآض في بنك الرآجحي دآخل المطآر يحولكم فلوس وفآتح 24 سآعه لآني يوم أوصل السعوديه صرفت منهم الساعه 2 بالليل وكآن موجود الموظف
وكم اليورو يساوي ريال اللحين
5.11 جربت لك تسعيره 10000 ريآل طلعت 1956.90 يورو
وهاذي الاسئله لو تجاوبوني عليه
ان شاء الله راح تكون سفرتنا 100% حلوه
وشكرآ لكم مره اخرى
واسفه ع كثرة الاسئله
بس مانقدر نستغني عنكم
الله يوفقكم يآرب

عبدالرحمن بن عبدالعزيز
تسلم اخوي عبدالرحمن وماقصرت وانا قرايت موضوع عن مجمع اسمه Forum1 بسالزبورغ بس مكانه ماادري وين ياليت لو يفيدني احد

ممكن الذهاب والعوده بنفس اليوم الى ميونخ
حتى فينيسيا لكن فينيسيا بيكون المشوار متعب

لي شهر جاي من النمسا
القطار كل ساعه يحرك قطار وأغلبها فاضيه
يعني طالع طالع الله لايعوق بشر
سعر تذكرة القطار الدرجه السياحيه شخصين ب88 يورو
يعني الشخص ب44 يورو
طبعا أقصد السياحيه
وانا متأكد من السعر مليون بالميه
حتى أني قصيت سياحيه وأغلطت ركبت درجه أولى فجاني الموظف وقال أنت تذكرتك سياحيه قلت أدري
قال وليش راكب هنا ههه
اثرني راكب أولى
المهم سويت فيها أبو زعط وقلت لايكثر كم الفرق
ويدق الجهاز وقاال على التذكره الوحده 30 يورو زياده قلت له معصي
ورحت للدرجه السياحيه
بالنسبه لتحويل الدراهم
فيه بسكاكا فرع للراجحي أسمه ((تحويل الراجحي))
هذا الفرع خاص بالحوالات الماليه والعملات
وبحثت بصديقي قوقل
وقال لي أن فيه
سكاكا الشارع العام, سكاكا, الجوف
هاتف:
04-6247109
فاكس:
04-6257805
الأحداثيات والأماكن السياحيه في زيلامسي
https://artravelers.com/p/re/108635
وهذا رابط رائع فيه أحداثيات وفيه أماكن سياحيه
https://artravelers.com/p/re/409136
بالنسبه لسؤالك
حاولت البحث عنها بقوقل ولم أجد عنها شيئا
ولكن اتضح لي أنه مزارع للورود فقط ولايوجد فيها اي شيء اخر مسلي
الشيء اللي بيكون حظكم حلو لو انه فاتح مزارع الفراوله
مزرعة الفراولة في سالزبورغ Walser Erdbeerparadies
تحتاج 10 دقائق فقط من سالزبورغ للوصول اليها وهي عبارة عن حقل فراولة كبير تقطف منه ماتشآء من الفراولة وتحاسب عند الكاونتر
احداثية مزرعة الفراولة:
N47 46.356 E12 57.693
وهاذي معلومه أخذتها من شخص زار هذه المزرعه ووجدها مغلقه
((موسم الفراوله هذا العام 2011
بدأ من تاريخ 18 مايو الى تاريخ 28 يونيو وغالبا اغلب المزارع قريبه من هذا التاريخ))
وهذا أيميلهم[email protected] اذا تبون تسألونهم
ماأنصحكم بفينسيسا ولا ميونخ
أجعلو سفركم للأسترخاء
واذا تبغون تروحون لميونخ للتسوق ماهي بعيده حوالي 180 كيلو من زيلامسي
بس لاتنسون ستكر ألمانيا تشترونه للسياره قيمته تقريبا 7 يورو تاخذون من اي محطه على الطريق
لاتنسون البحيرات في ضواحي سالزبورغ
ولف قانق - سانت جيلين - فوشل أم سي
أبدأو بالأبعد وهي ولف قانق ثم سانت جيلين وأخير الأقرب فوشل ام سي
ولف قانق فيها بحيره حلوه وخيال وقطار بخاري يوديكم فوق فوق وبتشوفون مناظر بانوراميه خياليه
سانت جيلين وروعة بحيرتها ذات اللون الكرتوازي
فوشل أم سي أيضا بحيرتها رائعه وأعتقد ان فيها تلفريك وزحليقه
بالنسبه لأحداثيات هذه القرى موجوده بالرابط الثاني للأحداثيات اللي كتبته لكم
موفقين خير

تروحون وتردون بالسلامه ياتوته
انصحك بالاوت لت اللي بسالزبورغ اللي جنب المطار جدا حلو

وليد الرس https://artravelers.com/يعطيك الف عافيه اخوي وشكرآآ لك وبالنسبه للتحويل الراجحي الي بسكاكا ماعندهم السالفه
اخووي جاءهم وقالوا ماعندنا يورو قالهم طيب دولار قالوا ماعندنا شيء

قايدعنادك
الله يسلمك
بس اخووي عندي تصحيح لك انا نوته مو توته
وان شاء الله راح نمره الاوت لت

ليش تخلون الذهاب على فيينا وانت على طول من يوم ماتوصل بتروح على سالزبورغ
خلي الذهاب والعوده ميونخ اقرب لكم 168 كيلو ما له داعي تروحون فيينا