في قسم نيوزلندا مب حاذفين موضوعك لان وضعها مختلف
المهم انا انصحك انك تحدد لك دوله حق اللغه ،،
راح تتعب اذا بدور في كل دوله بهالطريقه
واذا تبي تستفيد وتقرر هدفك ،، اقرأ قبل ماتسآل
عندك الموضوع الرسمي لمعاهد بريطانيا ،، عط نفسك كم ساعه وتصفحه ،، بتستفيد وبتعرف المعاهد اللي ينصحون بها الاخوان .. وعقب ماتكون فكره شامله عن وضع المعاهد وبتكون عندك لسته . سوولك لسته من المعاهد اللي يمدحونها الاعضاء ،، وسو مفاضله مابينهم واستشير الاخوان
هذا رايي لك
تحياتي

السلام عليكم اخوي
انا اعرف هذه المعهد موجود في اوكلاند نيوزلاند
اهو له افرع كثيره في دول وايده ابصراحه معهد كبير و ثقه
و فيه كورسات كثيره و يدرس اكثر من لغه
يعني مو بس لغه الانجليزيه و حتى اسعارهم معقوله جدا
مدري شنو المعلومات الي تحتاجها بخصوص المعهد هذه!!
اكتبلي شنو تبي اتعرف عن المعهد هذه و انا حاضره
بالتوفيق

لاتلوموني يا اخوان لاني والله دخت ، مره اقول نيوزلندا ، مره بريطانيا ، مره كندا ، والله دخت ههه
لكن عموما اشكركم على التفاعل وماقصروتو ، واختي بنت الكويت يعطيك العافية وبيض الله وجهك . لكني ودي اروح شهرين الى ثلاث شهور اخذ دورة بسيطة ، ظنك فيه فايدة والا لا ؟

والله يا اخوك اذا تبي تسفيد خذ هنا 3 كورسات اقل شيء علي الاقل بتكون عندك خلفيه لو بسيطه
اذا 3 شهور نيوزيلاندا بتكون تكاليفها هي الافضل من غيرها حسب ما اشوف ولا بنت الكويت ومشرفنا أكثر خبره
بس عنوان المووضع مبين انها قافله معك

امبين وايد انك محتار
و معاك حق و محد يلومك اخوي
انا اعتقد دراسة لغه لمدة 3 اشهر فقط مفيده جدا حسب مجهود الطالب اكيد
في عندنا طلبه كثار يقدمون على كورسات 3 اشهر و يستفيدون من الكورس هذه
برايي تدرس لغه في الخارج افضل بكثير من تدرس لغه في بلدك
و لاسباب كثيره و معروفه اعتقد
بالنسبه اذا محتار بين الدول ابصراحه الشي راجعلك
يعني انا الي اعرفه بريطانيا و نيوزلاندا نفس الشي الفرق بس نيوزلاندا بلد بعيد
لكن كمستوى دراسي ف الاثنين ممتازين و يمكن ارشح نيوزلاندا اكثر لان نيوزلاند بلد لا يوجد فيه عرب كثير
صحيح في طلبه كثار عرب لكن قليل يلتقون في بعض و شعب نيوزلاندي شعب اجتماعي مع طلبه الغرب
و انصحك اذا ان شاء الله تنوي تدرس في نيوزلاندا
اعتقد شهر 11 و 12 و 1 لان الفتره هذه عطله صيفيه للجامعات و اكثرية طلبة العرب ترجع لديارهم
و القرار لك اخوي و اذا احتجت مساعده اكثر ان شاء الله ما اقصر معاك
بالتوفيق