سلطنة عمان المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مهندس قطري
04-12-2022 - 11:37 pm
ياشباب حبيت اسألكم عن الفناادق خمس نجووم بمسقط الجديده غير شيدي وشانغريللا ...... ايش رايكم ب جرااند هل هو قديم وكيف موقعه وايش تنصحوون بخمس نجوم قريب من الاماكن السياحيه او ممكن تقترحون لي اساامي ثلاث فناادق ....بالنسبه لشيدي وشانغريلا انا جربتهم شانغريلا بعيد شووي وشيدي حلو ابقى فندق جديد اذا تعرفون لا تبخلون علينا


التعليقات (9)
OmaniHero
OmaniHero
هلا والله بمهندسنا شخبارك بتنورنا بطلتك
اخوي دام جربت شيدي وشانغريلا خلاص انساهم لانه في كثير فنادق احسن
شوف ياخوي جراند حياه خمس نجووم وموقع حلوا صح قديم بس جديد بنفس الوقت اذا دخلته راح تتغير نظرتك انا شخصيا ارتاح في هالفندق مدري ليش واذا انت مو عاجبك عادي ترا في خيارات
اولا فندق الانتر 5 نجووم وطبعا الانتر في نفس المنطفه اللي فيها جراند حياه واللي هي القرم وموقعه جدا ممتاز
ثانيا معاك فندق الشاطئ في منطقه القرم 3 نجووم بس نظيف جدا
ثالثا فندق رمادا نفس اللي عندكم بقطر اكيد تعرفه اللي جنب اشارات رمادا
رابعا كراون بلازا في منطقه القرم ايضا فندق ممتاز واللي محليه موقعه مطل على شاطئ القرم
خامسا فندق كورال هذي كلها فنادق ممتازه ومتاكد راح ترتاح انشالله
اذا انا في مكانك راح اختار الانتركونتننتال لانه موقعه ممتاز وقريب من ممشى الشاطي وقريب من السينما وقريب من مركز الماسه
هالفنادق كلها بمنطقه القرم وانشالله عاد ما تحتار وتختار واحد منهم
وابشر دام وصلت عمان ترا البلد بلادك والناس اهلك كيف لا وحبيبنا عربي خليجي وقطري بعد
واي استفسار ترا جاهزين

مهندس قطري
مهندس قطري
الله يباارك فيك اخوي وعندي ربع بعمان انشااء الله بزورهم يعني تنصح بالانتر كونتيننتاال اكثر من جرااند مشكور اخووي.. بس عندي سؤال هل في اثنين انتركونتيننتال لانه في واحد اسمه قصر البستان حسيت اني ضعت

OmaniHero
OmaniHero
افاا ماحبيتها منك تضيع واخوانك موجودين !!!
شوف ياخوي قصر البستان انتركونتننتال غير عن الانتركونتنتال
اخاف لو تسكن بقصر البستان ما تطلع منه ههه قصر البستان هو مكان تجمع رؤوساء الخليج يعني غير كلش عن الفنادق الثانيه
قصر البستان هذا في منطقه سداب -مطرح- مسافه 25 دقيقه عن القرم واللي فيها الانتركونتنتال وجراند حياه
طبعا من افضل الفنادق في الشرق الاوسط واحسن فندق في عمان بلا منازع اللي هو قصر البستان اذا اخترته اعتقد الغرفه بالليله مو اقل من 120 ريال عماني (1200) ريال قطري وطبعا الفندق يوفر خدمه نقل مجانيه لمسافه 15 كم من موقع الفندق يعني ممكن تزور سوق مطرح وقصر العلم وفيه حديقه كبيره بكل العابها حق الاطفال وفيه 5 مطاعم راقيه
والحين القرار بايدك واي استفسار ترا حاضرين وما يردك الا الكيبورد

مهندس قطري
مهندس قطري
جزاك الله الف خير ما قصرت وبارك الله فيك

omani_engr
omani_engr
بس اضيف على معلومة عماني هيرو ان قصر البستان روعة بكل المقاييس
بس شوي بعيد عن مركز مسقط لكن ما واجد طبعا

مهندس قطري
مهندس قطري
جزاكم الله خير جميعا

مهندس قطري
مهندس قطري
يالريع واحد من الشباب يقول لي لاتروح نزوى فيها سحر ممكن يسحرونك بمجرد النظر هالكلام صحيح ولا لا ....

بوحازم الشنفري
بوحازم الشنفري
مهندس قطري
ههه حتى هاري بوتر ما يقدر يسوي كذا ^_^
هناك تهويل كبير للمسألة ولا تخاف، درب خضر والله يبعد عنكم الجن والشياطين

سالم بن سيف
سالم بن سيف
مهندس قطري
وش هالكلام وأنا أخوك . يعلم الله أني ذهبت الى نزوى عدة مرات وأني وجدت كل الترحاب والحب والمودة من أهل المنطقة
وبعدين السحر موجود في كل مكان وليس حكر على مناطق معينة بحد ذاته .. انت تعوذ بالله وحصن نفسك والله الحافظ
تحياتي


خصم يصل إلى 25%