كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Moon Ambassador
08-12-2022 - 05:28 pm
بسم الله الرحمن الرحيم
اتمنى انكم بأتم صحه وعافية ,, واعتذر بصراحه على تأخر صدور الجزء الاخير من رحلتي لأسباب السفر وعدم توفر الوقت الكافي ..
https://artravelers.com/p/re/639620
الجزء الاخير ..
كوالالمبور
عاصمة ماليزيا ,, وتعتبر اكبر المدن الماليزية وهي المركز الثقافي والمالي والاقتصادي
وصلنا إلى كوالالمبور وسكنا في فندق تريدرز
موقع الفندق http://www.shangri-la.com/en/property/kualalumpur/traders
مدة الاقامة
5 ليالي
التكلفة
4-00 رينجت = 4401.61 ريال سعودي

هذي الغرفة

اطلالة الغرفة

اطلالة على البرج في اوقات مختلفة

بعدها توجهنا الى شارع العرب وتعشينا مره وحده في هالمطعم وبصراحه كان عادي جدا واعطيه تقييم 4 من 10

اخذنا جولة في شارع العرب

طبعا رجعنا في معاناتنا مع التكاسي ,, وكل تاكسي يحط سعر من راسه
وبما اننا ناوين نطلع ونروح ونجي لازم لنا تاكسي ,,
رجعنا الفندق وبديت ابحث عن التكاسي واتصل بهذا وهذا حتى وصلت لواحد كويس
اتفاقنا معه الساعه 25 رينجت ,, وكان ارخص واحد وملتزم بمواعيده ,،
اليوم الثاني توجهنا الى جنتنج هايلاند
Genting
هذا في طريقنا متوجهين الى محطة التلفريك الي توصلنا الملاهي

زحمة يادنيا زحمة

طبعا هذا يصورك واذا وصلت فوق تلاقي صورك معروضه ويقولون لك ب 100 رينجت ,,
فقلت خلني انا اصورك وارتاح

وصلنا بعد رحلة دامت 13 دقيقة

هذا اكبر فندق يمتلك عدد غرف في العالم ,,

دخلنا الملاهي على بداية الضباب والاجواء الي تفتح النفس

طبعا مع البرد والاجواء الحلوه ماينقصك الا هذا

طبعا بعد لفلفه ولعب ووناسه وصار المكان زحمه زيادة عن اللازم ,, قررنا نرجع
وهذا طريق العوده وكان الجو خيالي الى ابعد درجه وخاصه ان الامطار كانت
خفيفه جدا

بعدها توجهنا للفندق وكذا انتهى اليوم الثاني في كوالالمبور


رحلتي الى ماليزيا
التعليقات (8)
Moon Ambassador
Moon Ambassador
اليوم الثالث تمشينا حول الفندق ورحنا مكان اسمه
Aquaria

دخلنا واعتقد ان تذكرة الدخول تقريبا ب 60 او 50 رينجت ,, بصراحه ناسي بس حول السعر هذا
وبدأت الجولة

طبعا طلعنا من هذا المكان وتوجهنا وتمشينا شوي في حديقة Twin Towers
وكان في مطر على خفيف يعني الجو كان قمة الروعه

توجهنا الى البرج نبي نطلع ,, ولكن للاسف كان صيانه لمدة يومين

بعدها توجهنا الى السوق الصيني ,, وللاسف طبعا ماكان في وقت للتصوير ,,
السوق الصيني من الاماكن الرائعه في ماليزيا ,, ويتوفر فيه كل شي ,, ولكن مشكلته مزدحم جدا جدا
ويكثر فيه النشالين لذلك خذ الحيطه والحذر ,,
وانصح الي يروح له انه يحاول يجادلهم في السعر لانهم يدرون انك عربي وبتدفع ,,
كثير اشياء اخذتها وكانت بأسعار رمزيه ولكنها قمة الروعه ,،
بعدها رجعنا الى سوريا مول وهذي بعض الصور الملتقطة والتبطح والتسدح الي صار قدام البرج

بعدها تمشينا للفندق راجعين بعد يوم شاق

اليوم التالي كان التخطيط اننا نروح لحديقة Zoo Negara وبعدها المتحف الاسلامي وبعدها Lake Garden
ويكون اليوم اللي بعده رحلتنا ان شاء الله الى السعودية ,,,

Moon Ambassador
Moon Ambassador
راح نبدأ ب
Zoo Negara
واحنا ماشين كان في عرض في اخر الحديقة ,,
واول ماوصلنا لقينا ماشاء الله شكلة اطفال وشكلهم من ثلاث مدارس تقريبا ,, حاضرين العرض
اشكالهم صراحه تهبل تحس انك تتابع فيلم (انيمي)
وخاصه من سوالفهم وهواشهم وضحكهم
طبعا لفت انتباهي الطفله هذي ,, بعمرها ومتحجبه
هذي اعتقد ان عمرها فوق 100 سنة
هذا ماترك احد في حاله ,, اول ماتقرب منه يطمر فيك
عليه نومه
بعدها توجهنا الى المتحف الاسلامي
Islamic Museum
طبعا المتحف الاسلامي من المتاحف الي تستحق نظرة تأمل ووقفة مع النفس
اغلب التحف والمخطوطات من الصين والهند وقليل من الشرق الاوسط
دخلنا وكان قدامنا مجسمات لأشهر المساجد الاسلامية في العالم وفي دول مختلفة ,,،
تصميم متعوب عليه
اكبر مجسم عندهم
هذا احد معاجم اللغة
طبعا وانا امشي بين المخطوطات لفت نظري مخطوطه قديمة جدا وفيها نسل الانبياء ,, وبدأت اصورها من البداية واحاول اكملها لاني ناوي اطبعها ان شاء الله وافصلها ,,،
هذي بعض الصور منها
وهذا مكتوب انه اول ستار للكعبة
هذي شكلها العصا السحرية لاني مدري وش سالفتها
ياعيني على الكشخة
هذا المسدس خطير واحس الي صنعه انه مهايطي
بعدها نزلنا سوق المتحف نتفرج واول مادخلت انصدمت بهذا السعر واخذت نفسي وطلعنا بلا سوق بلا هم قيمتها 32000 رينجت ,,،

Moon Ambassador
Moon Ambassador
طلعنا من المتحف وتوجهنا إلى
Lake Garden
مكان بصراحه في قمة الروعه والروقان ,,, وحقها تاخذ لك فرشة ويكون معك قهوة وشاهي وتتبطح وتتأمل

قصة حب تايلندية
قصة حب تايلندية
ألف حمد لله على سلامتكم
ما شاء الله تبارك الرحمن
تصوير خرافي
وايد عجبني
تسلم الأيادي يارب
شنو نوع الكاميرا ؟؟

ابوفيصل السعودي
ابوفيصل السعودي
تصويرك رائع ..
وتقريرك اروع

ام الغربه
ام الغربه
سلمت يداك عن جد التقرير ممتع وشامل وننتظر منك تقارير عن مدن اخرى ان شاء الله

شغب قلم
شغب قلم
يعطيك الف عافيه بس مب كانه المزارت ب5ليال قليله جداً.
وإلا التسوق أخذ وقتكم .؟؟
التصوير حكايه ثانيه
لاخلاولاعدم

Moon Ambassador
Moon Ambassador
يعطيكم العافية على مروركم وتعليقكم ،، لاعدمناكم
بالنسبه لنوع الكاميرا فهي كانون 550d


خصم يصل إلى 25%