a7la36r
29-01-2022 - 03:53 am
انا رايح لواشنطن دي سي واورلاندو
ولفيت المنتدي ولقيت مواضيع حلوه كثير طلبي ودي احد يكتب الاماكن الحلوه والاسواق والملاهي على شكل نقاط؟
والسؤال الاهم في اورلاندو عندي مشكله بالاطفال يعني ماراح اقدر العب الالعاب الخطره والحل اني اتناوب انا وامهم مره انا اركب وهي تمسك العيال والعكس وكان ودي اسئل عن البيبي ستر كيف طريقتهم ومدتهم باليوم وتكلفتهم
وايش تنصحوني فندق باورلاندو قريب من كل شي وحلو مره وفخم وسعر حتي 300 دولار
وشكر را
اخي الحبيب احلا عطر اذا مو غلطان
اولا اورلاندو الجميله اذا تبي تسكن فيها انصحك تسكن في شارع اسمه الانترناشيونال درايف وهو الشارع الاكثر شهرة في اورلاندو وقريب من كل شي على سبيل المثال يونيفرسال ستوديو و السي ورد وتن وورلد كلهم على نفس الشارع بس بينهم مسافه وهذا اللي في امريكا كل شي بعيد عنك ولازم تاجر سيارة وضروريه او تستخدم الباص اللي يطلع كل ساعه من الفندق ويلف على الاتراكشن
انصحك اخوي في فندق جربته شخصيا ومريح وقريب من كل شي واسمه امباسي سويت(embassy suites hotel) وهو تابع لسلسه فنادق هلتون الشهيرة وليلته تقريبا 100 دولار في غرفه ستوديو من غرفتين مع فطور بوفيه كامل مع المشربات في العصر مجاني وفيه بيبي ستر مع الفندق بس ماجربته
وانصحك بالالعاب مثل ماتبي تروح تلعب بالتناوب مع زوجتك وفي العاب للكبار والصغار بس ما انصحك تخلي اعيالك في الفندق خلهم يستانسون وفي عربات للتاجير في كل منتزة وبارك يعني ماعندك عذر اخذهم وياك
تروح وترجع بالسلامه اتمنى اني افدتك واذا تبي تسال مايردك الا السانك
اخوك ناصر كويتي