توبليرون
11-12-2022 - 01:55 am
اهلا وسهلا
القوة يا اعضاء وزوار احلى بوابة
اليوم بحط لكم شي غير عن المطاعم وقلنا لازم يم المطاعم
نحط شي فيه فايدة لكم ولنا ...المهم نشوف
رحنا نتريق بمطعم السوليدير ...شوقتنا فروحة للذهاب هالمرة
انا وابو العيال لان البنات دوامات عاد ....بوفيه ريوق ولا اروع
ما صورت ولا صورة للريوق لاني ما احب اصور وانا مع ابو يوسف
خلصنا الريوق وقلنا خل نتمشى على البحر والصبح هدوء وجو حليو
ورحنا عند ممشى شاطئ العقيلة ....نشوف الصور يعني صج وكلمة حق
حكومتنا ما تقصر ومهتمة بالناحية الصحية للمواطن والمقيم وهي للجميع لانها مجانية
وليست محتكرة لناس معينين او وقت محدد متى ما رغبت بممارسة هذه الرياضة ما
عليك الا تروح لاقرب ممشى واكيد بيكون في منطقتك واحد .....وين ما تروح تلاقي
في كل مناطق الكويت الاماكن المخصصه للمشي ...ووزعت فيها الاجهزة الرياضيه
اللي تخدم ممارسي هذه الرياضة وكذلك اهتمت بتوزيع الالعاب الخشبية اللتي
تنمي اللياقه البدنية للصغار ....قريب من اهاليهم ...نشوف الممشى بالصور
وان شاءالله يعجبكم المكان ونقول لكم الرياضة للجميع
اول ما نزلنا من السيارة .......
الممشى والالعاب
وانتم بكرامة ....من ناسي صندله ....يحليل الجويتي
الجهاز الاول وجربناه خفيف ..لتقوية عضلات الارجل واليدين
الجهاز الثاني ...اعتقد لتقوية عضلات اليدين والبطن
وهذه لتقوية عضلات عيالكم وترفيهم بعد
شوفو منو تحت الالعاب ...قوم نظف مو راز وجهك ......المكان صج يبيله تنظيف
برادات الماي
جهاز ثاني لتقوية عضلات اليدين والساقين
لو تكملون سيداا بتلاقون ملاعب طائرة وسله ...يمكن يوجد 6 ملاعب
والحين نروح صوب البحر
الممشى كله مبلط
درج النزول للشاطئ...وفيه ممر للعربات
وصلنا البحر ... كله صخر
لا لا مو كله صخر يعني تدخلون داخل ما في صخر ان شاءالله رمله حلوة للسباحة
يا سلام على الماية
مد
الحداقة يحدقون ...
زباد البحر
ماي نظيف ....بس غير صالح للشرب
عجبتني حيل هالصورة .....ترى اصور بدون ما اشوف عدل لان اصور من الايفون وتدرون اشلون تصير الشاشة بالشمس
الرملة .....ياني احب كل ذرة رمل من ترابج يا ديرتي
هني اخر الممشى .....عند المصافط
قريب من..... نادي شاطئ العقيلة للعائلات
واللي ما يدل شاطئ العقيله ...نقوله هم قريب من فندق سفير الفنطاس
وان شاءالله نشوفكم بموفور الصحة والعافيه
ولا تنسون العقل السليم في الحسم السليم
رحلتي الى الكويت
خوش تقرير مو بس اكل ومطاعم رياضة بعد
الله يعز حكومتنا الي تشجع على الرياضه وموفرة هالجهزة الي اتمنى من المرتادين والمستخدمين انهم يحافظون عليها لانها وضعت من اجلهم