amro18
15-09-2022 - 05:34 am
سؤالي الاول انا مسافر على الخطوط السعوديه وتصل الطائره الساعه الواحد ظهرا وارغب السفر مباشره الى سنغافوره عن طريق اير اسيا والرحله المتوفره الساعه الثانيه وخمسون دقيقه يعني في بينهم ساعه وخمسين دقيقه فهل استطيع اني الحق على الرحله
سؤالي الثاني هل خطوط اير اسيا تقلع من نفس المطار اللي راح اوصل له وانا قادم من جده
سؤالي الثالث هل استطيع ان احصل على الفيزه السنغافوريه من المطار السنغافوري
ماهي طرق النقل الى سنغافوره غير الطيران وماهي الطريقه مثلا قطار او باص و كيف طريقتهم
والله اقل من ثلاث ساعات مغامره لأن الخطوط السعوديه نادرا تقلع علي وقتها
يعني نادرا تصل في وقتها بعد فما تظمن الخطوط السعوديه واقل فرق اشوف ثلاث ساعات
و بعد ماتظمن الزحمه في تخليص الجوازات والتبصيم ممكن تاخذ وقت طويل
او انك تغير جدولك وتجلس بسيلانقور او بورت ديكسون اول ليلتين او ليله
و طيران آير آسيا يقلع من مطار ثاني مو نفس المطار اللي بتصلون له وبين المطارين
حوالي 20 دقيقه تقريبا
وحاول تشيك رحلات داخليه بدل آير آسيا علي طيران الماليزيه او السنغافوريه ممكن
تحصل بسعر معقول وتطير من نفس مطار كوالالمبور الدولي
بالنسبه للفيزا السنغافوريه ماعتقد تقدر تحصل عليها من المطار لازم من بلدك تاخذ تقريبا اسبوع
واتوقع تقدر تاخذها من سفارة المملكه بماليزيا يعني ممكن تزور ماليزيا اول وتاخذ الفيزا من هناك
ولكن طبعا لازم تتأكد قبل ماتروح تكلم السفاره السعوديه في ماليزيا وتستفسر منهم او تكلم السفاره
السنغافوريه هنا بالمملكه و تتأكد منهم افضل لا تاخذ يكلامنا هنا وتبي تريح راسك خذها من هنا وارتاح
والأفضل السؤال عن الفيزا وسؤالك الأخير تتوجه لبوابة دول آسيا الأخري وتستفسر هناك
والأخوان هناك بيفيدونك إن شاء الله