قبل أيام دق علي أخوي الغالي زميلي ( أبو أريام ) وقال وين أنت يارجال ؟ قلت في الدوام !!!!!
قال ما تقدر تمر علي بحفر الباطن ؟
قلت لا والله أنا مداوم وأنت اجازة ولا يجي لي أطلع لو ساعة من الدوام
قال أجل تراي بأرسل لك ( غرض ) مع رجالٍ تعرفه
قلت ( وشهو ؟ ) قصدي ( متى ؟ ) قصدي انت كريم وحنا نستاهل !!!!!
المهم وبعد سويعات دق على الرجال في المدينة العسكرية بالحفر وقال وين أنت وفي ثواني وأنا عنده ( ما صدقت خبر خ )
لقيت أبو أريام الله يجزاه خير مرسل لي كم قميرية صيد الصبح وكيس رز إكس إل اللي يصرفونه في الجمعيات في الكويت يقول جايني كيسين هدية وأرسلت لك واحد ( طيب ورى ما أرسلت الاثنين كلهن ؟ !!!!! خ ماينعطى وجه )
الرز هذا لي سنين وأنا ادوره دورة , لذيذ لآخر حبة , غير معقول أبد , إدمان ما ادري وشهم حاطين فيه هالهنود
المهم سلمكم الله كبسنا القميريات على كم كاس من هالرز وطلعنا لكم بكبسة لا تنسى
والله يكثر خيرك يابو أريام وأبوك يعطي البل وإن شاء الله نردها لك في الافراح
نترككم مع الصور ونتمنى لكم حسن المشاهدة
هذا كيس الرز صورته لكم مع الجهتين
القميري في الصحن
ما فيه تفاهم بننتفه ونكشت عليه مع العائلة في الحال
الرز مغسول ومنقوع
وهذي المكونات وجاهزين للإقلاع
يتبع ..... يتبع
تكشين اليصل
تجهيز القميري بعد عمل الشلوطة النهائية
البصل بدأ يتحمر
والقميري ياخذ له كم قلبة لين يتحمر مع البصل
ولا ننسى صرار حايل
ثم باقي المقادير من البهارات
نضيف الماء ونخليه لين يفوح ونشييك على الملح ثم نكتمه بالكاتم لمدة 25 دقيقة ( القدر المستخدم هو قدر إكسبريس صناعة مغربية أفضل من قدر السيف بل ويضاهي قدور السب وسعره أرخص من السب )
وبعد 25 دقيقة نفك الكاتم ونكب الرز ونخليه يشرب الماء قبل ما نكتمه ونبدأ في تحضير الكشنة في مقلاة
بصل شرائح , ليمون أسود مطحون , قليل من الزيت , صنوبر , زبيب , فلفل رومي شرائح , بهارات الكيف
نحركها مع بعض لين يتقمر البصل
واول ما يبدأ الرز يشرب الماء
نحط الكشنة فوق الرز ونغطيه بالكامل
ثم نكتمه لمدة 10 دقائق على نار هادئة
يتبع ..... يتبع