الحمدلله على السلامة
وبانتظارك
هولمز

وعليكم السلام

ما دامك سافرت للنمسا عبر الخطوط السعودية عبر فرانكفورت

هل تؤيد السفر بنفس طريقتك

وألا متعب خط فرنكفورت قارمش

تحياتي لك

متااابعين و موفق خير باتقرير
نبي صور اذا امكن

الله يسلمكم وشاكر ومقدر تشريف الجميع...وان شاء الله الكل يستفيد لأن فيه اماكن رحلتلها مافيه احد ذكرها في المنتدى.

طائر الغربة بالنسبة للسفر على الخطوط السعودية انا كنت مضطر لأن كانت عندي تذاكر مدفوعه وبتروح علي اذا ماسافرت بها...

وبالنسبة للخط اللي سويته انا ممتاز جداً ومريح واستخدمت جميع المواصلات المريحه لي ولعائلتي وللجيب والخط بصراحه ماتحس فيه من متعة الجو والطبيعه... وغير كذا انت توك واصل ومتحمس ونشيط وماعندك مشكلة في مسكت الخط... وخلك مثلي انك ترجع السيارة في ميونخ وتستخدم المترو(تشتري بارتنر تكت وتختار المدة حلوه واقتصادية) وترجع لفرانكفورت بالقطار وكان سعر التذكره الى فرانكفورت تقريباً 60يورو...بس حط في بالك معلومه يمكن الكثير وانا اولهم ماكنت اعرفها ان البنزين عندهم غالي جداً ...البنزين كان فاضي عندي وعبيت تقريباً بـــ500 ريال
وعلى فكره انا رجعت السيارة في ميونخ ورجعت الى فرانكفورت بالقطار.

وبالنسبة للتاريخ ياعيسى ولا تزعل خطأ مطبعي من 11\9\2011 الى 29\9\2011

وان شاء الله ما اتأخر بالتقرير...لحين ما اجهز الاماكن والاحداثيات...بس المشكلة ان وقتي ضيق جداً

انتظروني

هلا والله منتظر التقرير عزيزي

<< ملاحظه في توقيعك تبنى وليس تبنا ( الف مقصورة : تبنى من البناء )

اسف على التدقيق لكن لفت انتباهي توقيعك بشكل شديد جدا.۔

توقيع رائع وكلمات ( ملياااااانة )

بالتوفيق

..

بسم الله نكمل التقرير

الوصول الى مطار فرانكفورت وكان يوافق احداث 11 سبتمبر وكنت متخوف من شدة التدقيق والتفتيش ويضيع على الوقت غير كذا التعب...وتفاجئت بالعكس لم يتم تفتيشي ولا السؤال عن المبالغ اللي احملها فقط عند نزولي من الطيارة تم ايقافي وسؤالي عن الكيس اللي في يدي..وعلمته ...قال Welcome to germany...

نزلت من الطائرة وتم الوقوف لتختيم الجوازات ثم اخذ الشناط ثم التوجه الى مكتب يورب كار لإستلام السيارة ثم الانتقال الى المواقف لإستلام السيارة وكل هذا كان بيسر وسهولة جداً.

استلمت السيارة وشغلت القارمن وعلى الفندق على طول وكان الجو ماطر...ولأني اول مرة اسوق في اوروبا انواع المخالفات وتقطيع الاشارات والسرعة ...الحمدلله وصلت الى فندق الانتر وكان اللي ينزل الشناط باكستاني مسلم وسألت عن مواقف مجانية لأن مواقف الفندق ب27يورو في اليوم والحمدلله دبرلي موقف مجاني...

بعد الراحه والصلاة وتغيير الملابس تم الانتقال على شارع زيل وكان فاضي تقريباً والمحلات مسكرة لأنه يوم السبت والاحد المحلات تكون مغلقه
وهذه احداثيات شارع المشاة زيل :

بعدها الرجوع الى الفندق والاستعداد الى الانتقال الى قارمش.

اليوم الثاني الساعة 7 صباحاً بعد تجهيز الفطور والقهوة والشاي مسكنا الخط الى قارمش وتبعد تقريباً 400 كيلو عن فرانكفورت... وكان الخط بصراحه روعه غيم وامطار وطبيعة شئ جديد وحلو عشان كذا ماحسيت بالخط وتعبه نهائياً.

تم الوصول الى قارمش الى فندق اطلس جراند وكان سعر المواقف في اليوم ب8 يورو وسألتهم عن مواقف مجانية وفعلاً اعطوني كرت ب50 يورو لمواقف قريبه من الفندق وعند الخروج من الفندق ارجع الكارت وآخذ ال50 يورو..

بعد الراحة وتنزيل الشنط تم الانتقال على سنتر قارمش وبصراحة حلو ورعه وهذي احداثية السنتر:
N 47ْ 29.541
E 011ْ 05.177

اليوم الثالث تم الذهاب الى قمة قارمش يقولون فيها ثلج وشفت فيه ورقة مكتوب عليها التذكرة الدائرية او الجولة الدائرية واخذتها وكان سعرها تقريباً 50 يورو للشخص وكنت غلطان لأن الحركه الدائرية تاخذني للقمة بعدين انزل وتاخذني بقطار الى تلفريك ثاني وثالث...عشان كذا التذكرة كانت سعرها مرتفع والمفروض اخذ التذكرة الى القمة بس.

قصيت التذكرة وليتني ماقصيتها طلعت ولا لقيت ولا حبة ثلجه مافيه الا حصا...
وهذي احداثية القمة :
N 47ْ 27.348
E 010ْ 59.606
ولما نزلت من القمة على طول رحت لبحيرة ابتسي وهي جنب التلفريك بصراحة حلوة وروعه واخذت جولة بالقارب في البحيرة وهذي احداثيات البحيرة :
N 47ْ 27.374
E 010ْ 58.373

ثم الرجوع الى الفندق للراحه ثم الذهاب الى السنتر.


اليوم الرابع الذهاب الى الخوانق المائية روعة وحلوة وهذي احداثياتها :
N 47ْ 28.206
E 011ْ 07.126
بعدها طبعاً الذهاب الى السنتر لتوديعه.


اليوم الخامس صباحاً الانتقال الى النمسا وبالضبط الى زيلامسي وتبعد تقريباً 200 كيلو عن قارمش طبعاً السياقة في المانيا لا يتوجب عليك دفع رسوم على الطريق لكن في زيلامسي لازم تشتري ستيكر تاخذه من السوبر ماركت اول ماتدخل النمسا لمدة 10 ايام على ما أظن سعره 8 يورو.


يمكنكم متابعة اليوم الخامس الى الرابع عشر في النمسا على الرابط التالي :
مـنـتـدى الـعـرب الـمـسافـرون


اليوم الخامس عشر في الصباح الذهاب الى المانيا وبالتحديد الى ميونخ الى فندق ليوناردو وتبعد 200 كيلو تقريباً..
تم الوصول الى الفندق وتنزيل الشنط ثم الذهاب لإرجاع السيارة واستخدام الاندرجراوند...اشترطت على شركة يورب كار ارجاع السيارة في اي فرع في ميونخ...يوم رحت ارجع السيارة كان يوم الاحد وبعض الفروع مسكرة ورحت لفرع مفتوح بس الادارة غير موجوده وقال خل السيارة معك الين بكره مجاناً قلت الله لايهينك خذو سيارتكم وفكوني...
اعطيتهم السيارة ...وانتبه لازم ترجع السيارة والبنزين فل. وكان تقريباً بجانب محطة القطار الرئيسية ودخلت المحطة وشريت تذكرة للاندرجراوند عائلية اسمها بارتنر لمدة 3 ايام ب23 يورو تقريباً تركب المترو متى مابغيت وكل مابغيت...وعلى الطريق قلت اشتري تذكرة القطار الى فرانكفورت وكانت التذكرة ب60 يورو للشخص والاطفال مجاناً.


وكان فيه مهرجان اكتوبر فيست مهرجان البيرة وصيحه وصجة ولجه وفله والعالم فاقده بس مايتعرضون لك..

رحت للحديقة الانجليزية وحديقة الاولمبياد والتمشية في السنتر في ساحة كارلتون حسب ماهو واضح في الاماكن السياحية التالية:



اليوم الثامن عشر صباحاً الذهاب الى المحطة الرئيسية للذهاب الى فرانكفورت وكانت مدة الرحلة 3 ساعات تقريباً
الوصول والذهاب الى فندق الصغير فيلا اورينتال القريب من المحطة الراحة في الفندق ثم الذهاب للتمشية في نهر الراين ثم الذهاب الى السنتر شارع زيل وكان عكس المرة الاولى اللي زرتها كان حلو وفله وعالم وهجولة وناس ترقص وناس تغني وناس صابغة لونها بني يعني فله.

اليوم التاسع عشر الذهاب الى المطار والعودة الى الوطن.



اتمنى انكم تستفيدون من التقرير المتواضع.
وهذا اقل شئ نقدمة لهذا المنتدى الرائع.