فندق حياة بارك فيه مطعم النافورة ولهم قائمتين طعام وحدة موحد سعرها تقريبا 290 ريال وفيها خيارات الطاهي لوجبة كاملة من مقبلات وأطباق رئيسية وخلافه
وقائمة طلبات عادية..والاكل أعتبره شرقي
مطعم أندلسية المفترض انه مغربي بس انا حسيته مشكل وعالمي اكتر
دردشة "ماجربته"
للأسف النافورة وأندلسية متفقين في ارتفاع الاسعار ووجود المعسل بصورة مزعجة
الكلام هاده كان من حوالي 3شهور يمكن حصل تغير
نادي الفروسية فيه لونتور " مطعم وكافيه فرنسي "
كابتشينو
سالد بوتيك
فيه مطعم ال بورتو بس ماني متأكده هو في حياة بارك ولا نادي الفروسية
مطعم استديو مصر شفت دعاية له بس لسه ماجربته وهو في التحلية في المركز اللي قبال فندق المريديان وعلى نفس الصف فيه سيتي ماكس
مطعم ستار فن هاده تقرير عنه
https://artravelers.com/p/re/636252

لو تبغى افضل الموجود في نادي الفروسية هو لونوتر بالتاكيد وبعده كابتشينو
استديو مصر فرحت بخبر انه فتح ما جربته والف شكر اختي عيون جدة على توضيح الوصف
اختي ايش نوع المناسبة علشان نساعدك اكثر في اختيار المطعم

سالد بوتيك لو أوقاته وحركة الاي باد عجبتني
ونفس الشي "حقنا" لي نوتغ ممتاز وله وقته لكن للاسف ماتوفقوا في الجلسات الخارجية ما ارتحت لها كثير واللي في الداخل مهجورة
اذا كان بدون زحمة راح تستمتعون اكثر فيها

مشكورين وماقصرتوا ..
المناسبه يوم ميلاد زوجي وعازمته وحجزت بستارفن الايطالي وان شاء الله تكون تجربه موفقه .

استروبري
الف مبروك
من سابق تجربة
ممكن تختارين الميوزك اللي تبينه وبيحضرون لكم كيكة صغيرة بعد ماتنسقين مع المطعم قبلها بشي يومين
وجعل ايامكم كلها سعادة

كل سنة وهو طيب وتتهنوا يارب

للاسف مريته المغرب على اساس اعطيهم الكيكه ولا عجبني المكان ابدا ولا ارتحت فيه ....
فحولت المكان كله ورحت لتوكو الصيني وكانت عشوه تستاهل ......
مشكورين جدا عالمساعده .......

استروبري
صحة وهنا
بس ياريت تقييمي لنا توكي
وليش ما عجبك ستارفن؟
معليش كترت عليكي بس عشان تعم الفائدة