سوريا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
иман
17-12-2022 - 08:26 pm

رزالله عا ايامكن ياستاتنا
حطيت هل الأكلة هون لأنوا من عبق سوريا الجميلة
الكشك
أولا بحب عرفكن شو هو الكشك
هو عبارة عن خليط البرغل مع اللبن ويترك حتى يجف على حرارة الشمس ثم يطحن ليصبح بهذا الشكل وطبعا ستات هالأيام ماعاد حدا منن بيساويه وإنما يشترى جاهز والله يرحم جداتنا كانوا يعزموا نسوان الحارة حتى يفركوا الكشك ويغربلوه حتى يصير ناعم هيك

ثانيا بحب عرفكن على فوائده على رأي الأطباء
هو احد أنواع التغذية، يعطي حرارة لجسم الإنسان ويحسسه بالشبع لفترة طويلة، وهو غني بالعناصر الرئيسية وسهل الهضم، وانصح مرضى القرحة المعدية والقرحة العفجية ومرضى فرط الحموضة المعدية بعدم تناول الكشك لكونه يقوم بزيادة (اتستيرون) عند الرجال و(البرجسترون) عند السيدات ويساهم بتحسين الاباضة عند النساء

وهلأ نبدأ بتحضير مكونات طبختنا اللي مشهورة كتير بسوريا وبالشام وضواحيها وخاصة في صباح يوم الجمعة أومساء الخميس
حضرنا الكشك وهلأ العدس ونقوم بنقعه لربع ساعة أولا

ثم نضيفهم إلى طنجرة العدس والكشك

ثم نضيف النعنع اليابس والثوم

ونحركهم جميعا

ويقدم في النهاية مع الخبز المقطع واليابس مع صحن مخللات فليفلة وخيار مكبوسين

وإن شاء الله بنال إعجابكم
وصحتين وهنا

سوريا في قلبي دائماً

كلمة شكر من الأعضاء تجعلني أزداد في العطاء
لكم فائق تقديري واحترامي
إيمان من الحنين والاشتياق


التعليقات (9)
النشمي2009
النشمي2009
شكرا اختنا ايمان
اكله لم تمر علي في الشام رغم ان اصدقاء كثر عزموني ولكن لم تكن هذه الاكله موجوده 0
اتمنى ان اتذوقها في القريب العاجل في زيارتي القريبه بحول الله 0 وسأحكم عليها 0 تحياتي

**نونا**
**نونا**
يالله شو هالريحة الزاكية
نكهة جنان وطعم ولا اروع...
واو
بجد صور بتجوع ايمانو..
بتعرفي بحب الاكلات السورية..
(كوسا بلبن،مجدرة،كبة مقلية،شيش برك،وايشي لحم بلبن نسيت اسمه)
بس يسلمو هالديات..
منتظرين الاروع حبوبتي..!

иман
иман
الحبيبة نونا أحلى مشرفة

نورتي متصفحي ياغالية
وايشي لحم بلبن نسيت اسمه
هي الأكلة أسمها شاكرية

دمتِ بخير يائمر

مشاري الشملان
مشاري الشملان
بأعتقد اني اكلتها في مطعم ابوالخير في الحميدية يا هي ايام
الله ينصر المظلومين على الظالم وترجع سوريا ونرجع نسافر لها
يعطيك العافيه ايمان

иман
иман
أخي الكريم مشاري الشملان
سعدتُ عل المرور والطلة الحلوة
من القلب
تحياتي لشخصك الكريم

النورس العربي
النورس العربي
دائما مبدعة ايمان ...
الله يعطيكي الف عافية .....
كل شيء في سوريا ومن سوريا دائما رائع ....
أكيد الشاكرية من أحلى وافضل الاكلات وانا شخصيا احب هالاكلة كثير ...
تحياتي ..

nanaabuabed
nanaabuabed
واوو شو هالشي الطيب يا ايمان ..
كل المطبخ الشامي ولا اطيب ولا احلى خصوصا الاكلات القديمة..الست الشامية تتفنن في ابتداع طبخات ذا قيمة عالية الفائدة .. بالاضافة إلى الطعم الجنان.. تستحق كل الاحترام والتقدير لانها مضرب المثل في الترتيب والتدبير والنظافة.. بارك الله فيكي مميزتنا بكل حب وود نستقبل مواضيعك اللذيذة...الله لايحرمنا هالطلة.

ياسمينة ستي
ياسمينة ستي
يالله ياايمان سقا الله
انا دقتها اكتر من مرة طعمها حامض والنعناع نكهته واضحة فيها وريحتها اخ
صراحة لما قريت العنوان قلت ايمان اليوم جايبة اكله مابحبها اكيد قبوات وسجقات
بس الحمد الله طلع كشك
حبيبتي ايمان شو اجا ببالك على هالأكلة عم تتوحمي شي
جاية عبالي مجدرة برز
مو برغل
وكمان حراق بأصبعو
وكمان داوود باشا
وكمان شاكرية وصفيحة اذا سمحتي وكباب هندي وفريكة
الظاهر انا الي عم اتوحم ههه
الله يسامحك هلأ متغدية شهيتيني من جديد لهلأكلات
وذكرتيني بستي الله يرحمها
مشكور غاليتنا ايمان بس لاتكتري من الوحام
لأنو نحنا عم نتعذب لما بتجيبيلنا هالصور وهالأكلات الحلوة
يعطيكي العافية تقبلي مروري

غريب أرابيلا
غريب أرابيلا
أختي إيمان فتحتي المواجع الله على ايام الكشك، بذكر كانت ستات أيام زمان ينشفوه على الأساطيح، احنا عندنا طبخة شبيهه بس بالبرغل وكمان بالفريكه وكمان فطاير الكشك بس راح جرب طبختك مع العدس، يعطيكي العافيه


خصم يصل إلى 25%