باريس المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
nasser_1987
11-03-2022 - 07:24 am
السلام عليكم ورحمة الله وبركاته
تحياتي لكم وللاعضاء الرائيعن في هالمنتدى
استفسارات قبل الرحلة
اولا بخصوص السكن :
التاريخ 1 اكتوبر - الى 3 اكتوبر ( ليلتين ) العدد 6 اشخاص وسيلة التنقل : سيارة
بما ان الالغاء مجاني قبل يوم او يومين من الوصول فانا حجزت على 3 شقق وحاب استشيركم فيها لاني احترت بصراحة :
الخيار الاول : في منطقة Courbevoie
https://www.booking.com/hotel/fr/frasersuitesharmonie.ar.html?aid=1300939
السعر 2450 ريال لمدة ليلتين المواقف 20 يورو لليوم
الخيار الثاني : في منطقة Courbevoie
Adagio La Défense Kléber

السعر 2250 ريال لمدة ليلتين المواقف 16 يورو لليوم
الخيار الثالث واللي محيرني سعره الممتاز جدا وتقييمه في البوكينق : في منطقة Vincennes
Royal Regency

السعر لليلتين 1100 ريال + المواقف مجانية
ثانيا بخصوص ترتيب الانشطة :
ماهو الترتيب المناسب لليلتن في باريس مع العلم باننا راح نزور ديزني لاند في اليوم الثاني ويوافق يوم الاحد
في انتظارك خبراتكم يالغالين


التعليقات (9)
ابو طلال*
ابو طلال*
لليلتين الباص السياحي يوفي بالغرض
الشقق ممكن رويال موقعها ممتاز

الهواووووووي
الهواووووووي
تروح وترجع بالسلامه ان شاء الله انا قبلك ان شاء الله هناك يوم الخميس بالنسبه لسكن عندك لي كلاريج
امس مشيك عليه في بوكنغ في شقه لست اشخاص وموقعه على الشانز جنب الماريوت
بالنسبه لليوم الاول تقدر تروح برج ايفل وتروح لمجمع غاليري لافيت وهضبة مو نمارت
وشارع الماركات avenue montaigne وعندك نهر السين وقوس النصر ومتحف اللوفر قريبه كلها تقريبا من بعض
يعني ان شاء الله من الصبح الى الليل تخلصها
ودي

فيصل
فيصل
روح مباشره اللوفر واذا ما تبيه روح الشمع وجاليري لافييت وبعدها مونمارت وبالمساء الي ايفل والمراكب النهريه
بعد ديزني الشانز وميدان الكونكورد

HELLOOO
HELLOOO
سفره سعيده وموفقه يارب لكني مانصح السكن باللاديفانس لانه منطقه ميته بالليل
خصوصا الرحله يومين يعني لو تسكنون بالشانز ومع الباص الاحمر بيكون اكتشفتم منطقه كبيره من باريس
وتقدرون تزورون اللاديفانس بالمترو
تنزل من مترو شارل دو قول ايتوال بالشانز وتقولهم ابي تذاكر مترو للاديفانس لست اشخاص كلها محظه وحده كم دقيقه وانت باللاديفانس
مايستاهل اكثر من ساعتين بوجهة نظري
لاتتسوقون اليوم الاول واذا رحتم الديزني تسوقو بالاوت ليت قبل الديزني بمحطه,,ويفتح الاجد من 10 الى 7
لاتنسونا من دعائكم

nasser_1987
nasser_1987
ابو طلال*
ممتاز طمنتني من ناحية الموقع
وراح يتم اعتماده
بالنسبة للباص السياحي اول مرة اسمع فيه
وش المناطق اللي راح نزورها لو ركبنا الباص ؟
ياليت احد عنده شرح او روابط

nasser_1987
nasser_1987
الهواوي
الله يسلمك اخوي الهواوي للاسف الفندق لي كلارج فل
ممتاز جدا البرنامج يعني نقدر نزور هالاماكن في ليلة وحدة
راح احاول اقرى وابحث عنها لاني ماعرف منها الا اساميها اللي قلتها
ماقصرت يالغالي وتوصل بالسلامة

nasser_1987
nasser_1987
فيصل 2006
الله يعطيك العافية اخوي فيصل بالنسبة للوفر مستبعد من المخطط لان الشباب ماعندهم اي اهتمام في هالمتحف
وكويس انت نبهتني على نقطة مهمة وهي انه يوجد وقت كافي لزيارة الشانز والكونكورد بعد ديزني

nasser_1987
nasser_1987
HELLOOO
الله يجزاك خير اخوي HELLOOO
معلومات كافية ووافية
بالنسبة للسكن عند الشانز عجزت احصل ل6 اشخاص في نفس توقيتنا
الباص الاحمر هل هو نفسه الباص السياحي ؟؟

nasser_1987
nasser_1987
قريت معلومات كافية ووافية عن الباص السياحي واعجبني الباص الاحمر
بس فيه سؤال في بالي هل لو تنقلنا بالسيارة راح تكون هناك صعوبات ؟! يعني هل نقدر نستغني عن الباص ونعتمد على سيارتنا ؟ ولابتواجهنا زحمات مواقف وسيارات واشياء ثانية يمكن مانحسب حسابها ؟
اتمنى احد يفيدي برأيه بهذا الخصوص


خصم يصل إلى 25%