بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



خولة علي خولة علي
أول مرة نروح جدة و محتاجين مساعدتكم الكريمـــة
23-11-2014 - 06:36 am

السلام عليكم و رحمة الله و بركاته




بإذن الله لنا زيارة لمدينة جدة خلال الاسبوع القادم و محتاجة سكن لمدة اسبوعين


و محتاجة شقة فندقية مكونة من غرفة نوم و صالة جلوس و دورة مياة و الموقع قريب من فندق الصن ست الواقع في شارع الروضة

و الميزانية ما تتعدى الـ 300 ريال لليلة لأننا بنجلس اسبوعين

و إذا ممكن برنامج لأهم الأماكن السياحية و اللي معروفة في جدة لأني ماشفت إلا نافورتها


و شكراً جزيلاً سلفاً





المشاركات

وصايف الحجاز وصايف الحجاز
أول مرة نروح جدة و محتاجين مساعدتكم الكريمـــة


وعليكم السلام والرحمه اختي يااهلا وغلا فيك
بالنسبة للموقع اللي تبغى فيه الشقق ما عندي خلفيه وان شاء الله الاخوان يفيدونك ...
اهم الاماكن السياحيه بجدهـ كالتالي ...

عندك المنتزهات ( لشراع + الجزيرة الخضراء + مرسى الاحلام + كنز ابحر )
الملاهي ( الشلال _ عطالله _ تشكي تشيز للاطفال _ فن تايم للاطفال - الامواج للاطفال )
الاسواق ( مجمع العرب + ردسي مول + سنترال بارك مول وهذا اكبر مول بجدهـ ضخم جدآ + الاندلس مول )

استراحات السمك الواقعه في طريق المدينة وافضلها القلزم

زيارة المنطقه التاريخيه ( البلد + باب شرف )
اختي كورنيش النافورة ما انصحك تروحي له لان في روائح كثير مزعجه ومو نظيف بصراحه عند ابحر الشمالية والكورنيش الشمالي افضل كبثييير ..
ممكن تروحي تشوفي النافورة على السريع لكن ما انصحك تجلسي هناك ..


الرحلات البحرية

بالنسبة للجولة البحرية ممكن عن طريق مرسى الاحلام بابحر الشمالية عندهم جولة ليلية في البحر مع عشاء ... سعر الشخص 150 ريال
او تاخذ جولة نهارية بالبوت السريع الساعه بـ 300 ريال بدون وجبات


شاعرى شاعرى
أول مرة نروح جدة و محتاجين مساعدتكم الكريمـــة


أهلاً أختى خولة..
أقرب شقق أعرفها لفندق سن سيت اسمها خليج جدة وتقع على الجهة الأخرى من طريق المدينة خلف مطعم بالم بيتش، وكل البيانات عنها فى موضوعى المثبت ..
بس لو بغيتى نصيحتى حاولوا تتصلوا بفندق سن سيت وتتفاهموا معه لأنه نظيف وسعره يشمل كمان الإفطار ، خاصة أننا الآن خارج الموسم


خولة علي خولة علي
أول مرة نروح جدة و محتاجين مساعدتكم الكريمـــة


وصايف الحجاز : كل الشكر موصول لك و ان شاء الله راح أبحث في كل مكان ذكرتيه ^_^

شاعرى : شكراً جزيلاً و ببحث عن خليج جدة , بس اتبعت نصيحتك و كلمت الفندق قال لي عندهم أجنحة نفس طلبي و السعر 650 ريال لليوم غير شامل الافطار و السعر للإفطار 35 ريال

يعني 650 فوق الميزانية !




ان شاء الله باقي الأعضاء يفيدوني , و عندي سؤال كمان , فين القى محلات مميزة لتجهيز المواليد ؟


خولة علي خولة علي
أول مرة نروح جدة و محتاجين مساعدتكم الكريمـــة


كل الشكر لكم و الحمد لله سكنا في بودل التحلية

بس بغيت مساعدة بخصوص المطاعم ، أريد أفضل المطاعم اللي تبيع المندي و تكون قريبة من شارع التحيلة و شارع صاري و شارع الروضة


و سمعت بأن جدة تشتهر بمحلات العصيرات و البخاري هل هالكلام صحيح أو لأ و إذا صحيح فين أفضل المحلات !!



و فين تصير الأماكن التاريخية ( البلد ، باب شرف ) و إيش أنسب وقت لزيارتها النهار أو الليل !!


وفين أحسن الأسواق الشعبية في جدة ما أبمجمعات غير مجمع العرب لأن فيه ماركات مش متوفرة بالرياض و الباقي ما أحتاجها


و عندنا الويكند بر أيكم نقضية في مكة أو الطائف !!


|آسفة على كثرة الأسئلة بس عجزت القى لها إجابات !!


وصايف الحجاز وصايف الحجاز
أول مرة نروح جدة و محتاجين مساعدتكم الكريمـــة


[QUOTE=خولة علي;6214214]كل الشكر لكم و الحمد لله سكنا في بودل التحلية

بس بغيت مساعدة بخصوص المطاعم ، أريد أفضل المطاعم اللي تبيع المندي و تكون قريبة من شارع التحيلة و شارع صاري و شارع الروضة

للاسف الشوارع اللي ذكرتيها ما فيهآ مطاعم مندي جيدهـ ( افضل مطاعم المندى السدهـ شارع حراء + ريدان بشارع حراء ايضآ + مطاعم بلدي ) وبعد الظاهري لكن بطريق المدينة بعد محطة الرحيلي .۔

و سمعت بأن جدة تشتهر بمحلات العصيرات و البخاري هل هالكلام صحيح أو لأ و إذا صحيح فين أفضل المحلات !!

افضل محلات العصير ( ملك المنجآ + عالم العصائر + عصيرات البركة في الكورنيش )
البخاري اشوف شواية الحجاز + بيت الشواية

و فين تصير الأماكن التاريخية ( البلد ، باب شرف ) و إيش أنسب وقت لزيارتها النهار أو الليل !!

بعد صلاة العصر مباشرة


وفين أحسن الأسواق الشعبية في جدة ما أبمجمعات غير مجمع العرب لأن فيه ماركات مش متوفرة بالرياض و الباقي ما أحتاجها

عنده سوق محمود سعيد + سوق البوادي + مجمع الشرق + وفي بعد الجامعه الشعبي

و عندنا الويكند بر أيكم نقضية في مكة أو الطائف !!

لو ما اعتمرتوا افضل تروحوا مكه للعمره

لو اعتمرتوا اطلعوا الطايف ( الشفآ )

|آسفة على كثرة الأسئلة بس عجزت القى لها إجابات !![/
لا تترددي عن طرح اي سؤال ،،


رحال عاشق رحال عاشق
أول مرة نروح جدة و محتاجين مساعدتكم الكريمـــة



ما شاء الله .. مشرفتنا وصايف الحجاز كفت ووفت

لي إضافات بسيطة (بعد إذن مشرفتنا) :

= مطاعم المندي : مطعم السدة له فرع على شارع فلسطين - مقابل مستشفى سليمان فقيه تقريبا ، ومطاعم ريدان لها فروع كثيرة منها فرع على شارع الأمير ماجد بعد تقاطعه مع شارع التحلية - قرب هايبر بندة وتويز آر أص ، وفرع ثاني على شارع الأمير متعب (الأربعين) مقابل دوار الزهرة ، وفروع غيرها

= محلات العصيرات : عصيرات فرغلي على شارع الستين قرب مطعم البيك وله فرع ثاني لا أتذكر موقعه ، و عصيرات الصعيدي لها فروع كثيرة منها على طريق الكورنيش خلف ماكدونالدز

= الرز البخاري ودجاج الشواية : مطعم بيت الشواية على شارع فلسطين مقابل مركز الأمير للإتصالات ، وله فرع ثاني ، ومطعم الكرم البخاري يقع على شارع الأمير سلطان بعد تقاطعه مع شارع الروضة وله فرع ثاني على شارع الأمير متعب

= الأماكن التاريخية : جدة التاريخية بوسط البلد ، بيوت ومساجد وأسواق تاريخية ، أقترح عليك زيارة مدينة الطيبات (متحف عبد الرؤوف خليل) وهي عبارة عن متحف تراثي جميل يقع على شارع الستين خلف مفروشات الصبان

= الأسواق الشعبية : إضافة لما ذكرتها مشرفتنا ، سوق الشاطئ بحي الشاطئ على طريق الملك ، أقترح عليك مجمع الشرق ويقع على تقاطع شارع المكرونة مع شارع التضامن العربي

أتمنى لكم إقامة ممتعة في جدة

=


خولة علي خولة علي
أول مرة نروح جدة و محتاجين مساعدتكم الكريمـــة


وصايف الحجاز , رحال عاشق

كل الشكر موصول لكم

استفدت من معلوماتكم كثير , يعطيكم العافية

و للآن رحنا البازار اللي جنب إيكيا و مستواه أفضل من معارض الرياض صراحة و بعدها رحنا صيرفي مول و ختامها في مطعم الوزان بنفس الشارع

و اليوم الغذاء من مطعم ريدان بشارع حراء و بعدها توجهنا لمتحف عبد الرؤوف خليل لكن للأسف ما يستقبل إلا مجموعات ماعدا يوم الثلوث يستقبل الأفراد و إن شاء الله نروح نشوفه لأنه من برا عجبنا كثير فكيف من جوه !

و للآن عندي مجموعة من أسماء الأماكن الساحية بس محتاجة جدولة

و عندي سؤال بالنسبة للطائف

السيارة اللي استأجرناها صغيرة أعتقد بأنها أكسنت هيونداي و بصراحة أنا خايفة من شوارع الطائف لأني أشوف التقارير كلها جبال و مناطق مرتفعة , برأيكم تنفع نروح فيها أو لأ !

أما مكة لظروف صحية ما أعتقد أقدر أروح , إذا لا مكة و لا الظائف , فين أفضل مكان لقضاء الويكند !!


و كل الشكر لكم


رحال عاشق رحال عاشق
أول مرة نروح جدة و محتاجين مساعدتكم الكريمـــة


المشاركة الأصلية كتبت بواسطة خولة علي

و عندي سؤال بالنسبة للطائف

السيارة اللي استأجرناها صغيرة أعتقد بأنها أكسنت هيونداي و بصراحة أنا خايفة من شوارع الطائف لأني أشوف التقارير كلها جبال و مناطق مرتفعة , برأيكم تنفع نروح فيها أو لأ !

أما مكة لظروف صحية ما أعتقد أقدر أروح , إذا لا مكة و لا الظائف , فين أفضل مكان لقضاء الويكند !!

و كل الشكر لكم

هلا أختي خولة

أكسنت هي أصغر فئة في الهيونداي ، الحجم مو مشكلة

لو ما كانت السيارة جديدة أو كانت نص عمر ، إستبدلوها بسيارة تويوتا كورولا أو نيسان صني

أما لو كانت الهيونداي جديدة ، فتوكلوا على الله ، رح تطلعكم الطائف والهدا وحتى الشفا بشرط ما تكونوا محملين أشياء ثقيلة في شنطة السيارة

إذا ما قدرتوا تطلعوا مكة ولا الطائف ، خلاص خليكم في جدة

لو تحبوا الأسماك والمأكولات البحرية .۔ تقدروا تطلعوا على دهبان (طريق المدينة) ، توجد الكثير من استراحات الأسماك هناك ، أقترح عليك الشارة أو الساحل الغربي أسماكهم لذيذة وجلساتهم حلوة ، فيها جلسات مكيفة كمان



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

أول مرة نروح جدة و محتاجين مساعدتكم الكريمـــة