كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
AL3DNI
01-09-2022 - 09:56 am
  1. الغيت فكرة بورت ديكسون حاليا وبخليها لسفره جايه ان شاء الله


السلام عليكم
عندي مشكله في اخر اربع ايام وبتكون في كوالا
اريد اخلي فيها يوم جينتينغ بس ماني عارف اخليها اخر شي ولا اول شي ولا في النص ؟؟
انا برجع من الكاميرون هايلاند بتاريخ 2/11/2011 طبعا الطريق اربع ساعات والمفروض اني اوصل كوالا واجلس فيها الى يوم 6/11/2011 اللي هو بيكون اخر يوم و السفر بالعصر

الغيت فكرة بورت ديكسون حاليا وبخليها لسفره جايه ان شاء الله

صاحبي السبب الله يسامحه رجع اول امس من ماليزيا وقالي انه اخذ فندق فرست ورلد في جينتينغ فراح شاف الغرفه كانت شي مقرف و ريحتها وسخه و الماي في الحمام مسدود كلم الفندق و صارخ و تمشكل معاهم وما رضوا يرجعوا له فلوسه فقام راح الى فندق اونا اللي تحت شوي من المرتفعات .
فعجبه كثير ومدحه لي و قالي انه روعه ومنظر خيالي و هدوء و تذاكر للكيبل كار فري لشخصين و و روقان و ملاعب جولف و غير باصات توديك لحديقة الفراوله و مصنع الشكولاته و اللي جمبها . وخصم في الكوفي شوب لانه نزيل يعني دلعوه وسعره رخيص الصراحه لقيته ب190 درهم بدون ضرائب وانا من محبين الطبيعه و الهدوء و الجو الحلو ( ضباب مطر شجر ورائحة القرنفل )
فشو رايكم شباب ؟ وين اخلي يوم الجينتينغ ؟ بحيث ما يكون متعب وكيف جدولي بهذاك اليوم بيكون ؟


التعليقات (9)
وافي بزمن جافي
وافي بزمن جافي
مراحب ... بأغلى صاحب ... حبيبنا ( العدني )
أولآ : والله العظيم ( وحشتني ) ... وينك يارجل
ثانيآ: خذ هذه القاعدة في حياتك :
لاتربط مصيرك بتجارب الآخرين ... فليس شرطا أن يعجبك مايعجب الأخرين ... والعكس
أنا العام الماضي سكنت في ( فندق الأكواتريال ) في الكاميرون ... وكان الجميع يذمونه ...
لكن نظرتي للفندق ( كانت غير ) ... وسكنت فيه ... وكان قمة النظافة والجمال والأبداع ...
وعلى العموم ياصاحبي :
خصص اليوم ( الثاني ) لجنتنغ ...
وأترك عفشك في الفندق الذي ستعود له في كوالا ... من أجل الراحة في التنقلات ...
وللعلم : كل الفنادق عندهم خدمة ( أستقبال العفش ) لحين وصول النزيل ...

AL3DNI
AL3DNI
شكرا يا غالي
مايوحشك قلب ابدا
وانا اكثر و الله
بالنسبه لنصيحتك عن اليوم الثاني فكانت موفقه و بالفعل اعجبتني يعني بس اعدل حجز فندق كوالا طيب السؤال يقول متى ممكن نطلع من فندق كوالا الى جنتنق الساعه كم ؟ وهل اروح بالباص ولا بالتاكسي من كوالا للفندق ؟

وافي بزمن جافي
وافي بزمن جافي
حياك الله ( العدني )
طبعآ من الأفضل تخرج من كوالا عند الساعة ( 12 ظهرآ ) ...
وأنصحك تأخذ تاكسي خاص إلى جنتنغ بسعر ( 90 رنقت ) وينزلك عند باب الفندق

AL3DNI
AL3DNI
جميل جدا
لان الباص للشخصين بيكلفني بسعر قريب من هذا صح ؟ فالافضل باص

zazaz
zazaz
السلام عليكم
الباص مع التلفريك لجنتنق من محطة بودورايا الواحد فقط 9.30 رنقت للذهاب
يعني شخصين رايح جاي بالباص و التلفريك فقط 37.2 رنقت
بينما التاكسي رايح بس بدون تلفريك حدود 90 رنقت واكثر
يعني التاكسي مع التلفريك رايح جاي يكلفك فوق 200 رنقت
اكيد الباص افضل الف مره كسعر و حتي مريح وكل ساعه باص إلي 7 مساء من بودورايا او كي إل سنترال

AL3DNI
AL3DNI
حيالله استاذي زازا
طيب لو فرضا ركبت باص كيف بوصل للفندق اللي اسمه اوانا ؟؟ وين محطة الباصات او بالاصح وين اول مكان بيوقف فيه الباص في جينتينق ؟

zazaz
zazaz
al3dni
حياك الله أخي الكريم
بالنسبه للباصات حسب حجزك يا للتلفريك تحت او لفوق عند الألعاب و الفنادق
اما فندق اوانا اعتقد افضل طريقه انك تحجز باص مباشره لفوق للألعاب
ومن هناك تحجز التلفريك الخاص بفندق أوانا مبلغ بسيط لأن مافيه باصات
مباشره لفندق أوانا وتستلم الغرفه في اوانا وتاخذ تذاكر مجانيه من الفندق
علي التلفريك الخاص فيهم وترجع للألعاب
او ممكن تاخذ الباص لحد التلفريك بس ماتحجز تذاكر التلفريك ومن هناك تروح
لفندق أوانا وهو قريب من التلفريك لكن بكل أمانه ماعرف هل تقدر تروحون مشي
او ممكن تحصلون تاكسي بس اعتقد صعبه تحصلون تاكسي هناك إلا بالصدفه منزل احد هناك
او بعد ممكن تاخذ تلفون فندق اوانا وقبل تصل لحد التلفريك تكلمهم يرسلون لك تاكسي حق الفندق للتلفريك
وتستلمون الغرفه وتنزلون عفشكم واغراضكم ويعطونكم تذاكر مجانيه للتلفريك للطلوع للألعاب

AL3DNI
AL3DNI
فكره رائعه بكلم الفندق تلفون او ايميل اساله اذا يقدر يوفر لي تاكسي ولا لأ ؟
فكره حلوه لو اخذت كمان تلفريك للي فوق وانزل بتاكسي صح ؟

zazaz
zazaz
al3dni
انا قلت لك في الرد السابق تطلع لفوق وتنزل لفندق أوانا بواسطة التلفريك
الخاص بفندق أوانا مايحتاج تاكسي للفندق تلفريك خاص ممكن تستخدمه
بس أعتقد ممكن بفلوس لأنك باقي ماعملت تشيك إن اما لو سكنت بالفندق تستخدمه مجانا
وللمعلوميه الفندق يوصل بعد مجانا للألعاب فكلم الفندق ممكن ياخذونك من التلفريك
او من الألعاب بواسطة مواصلاتهم مجانا او تاكسي او تروح بواسطة التلفريك الخاص بفندق أوانا


خصم يصل إلى 25%