السلام عليكم ورحمة الله
ولله الحمد سافرت الى ماليزيا في شهر شعبان ورجعت قبل رمضان بيومين
والصراحه من اجمل ايام حياتي الي قضيتها في ماليزيا
ولولا الله ثم منتداكم كان عانيت الكثير والكثير
فمن باب المحبه والاخوة حبيت انصح الاشخاص الجدد الي مسافرين ماليزيا في الايام المقبله بأن لا يقع في بعض الاخطاء
اولا ماشاء الله تبارك الله انا اهنئك لسفرك لهذه البلاد الطيبه وشعبها الطيب بكل امان
صدقني راح تنبسط بسطه وراح تحزن على كل لهفه ذكرى تتذكرها بكل امانه اذا رجعت الى بلادك
ولكن يا صديقي العزيز هناك امور لازم ان نتوخذ الحذر منها وراح اتكلم بالعاميه ::
اول شي حاول بقدر المستطاع انك ما تتجول في شوارع ماليزيا من بعد الساعه 9 بالليل
اول شي تقل التكاسي في بعض المناطق وما انسى التكسي الي سحب علي في بينانق نزلني في بيتزا هت وتركني انا وزوجتي ولكن بفضل الله تعرفت على سائق ماليزي في بينانق في المطار اول ما وصلت بينانق هو الي انقذني بعد الله من الموقف وراح اعطيكم رقم تلفونه في نهاية موضوعي
وايضا انا انصحك بأنك لا تتجول في الليل بقرب الميني ماركت والمراقص على سبيل المثال انا يوم كنت في سيلانجور اول ما وصلت الفندق الصن واي الصباح الساعه 9 ووقتها توني قادم من رحله دوليه رحت انا وزوجتي الى الملاهي المائي من الصباح والى المغرب ثم بعد ذالك تسوقنا شوي ورجعنا الفندق وفي الساعه 12 بالليل جعنا انا وزوجتي وذهبنا الى كنتاكي الموجود برا الفندق وخرجت منه بعد ما تعشيت وحسيت بالعطش فدخلت ميني ماركت صغير كان الله اعلم بجنب مرقص على ما اضن وشوي واحنا داخل الميني ماركت دخلوا علينا اثنين من السمر افريقيين ماغير يتخاصمون انا وقتها خفت علي وعلى زوجتي الصراحه لان اشكالهم تخرع كأنهم حقين شيكاغوا ويوم جيت احاسب المويه واحد مهنم طالع فيني ويوم طالع فيني نغزني قلبي قائلا ابي امي ابي ابوي ههه
وشوي يمد يده علي على شكل لكمه !! انا عرفت ان هذي طريقه من طرق تحيتهم فعاملته بالمثل > حاقد عليه .... وجلس ينفخ علي ويصيح علي لاني وصخت المكان ولاني مادفعت حقه عند الدخول وانا والله ما ادري ان دورة مياههم بفلوس واصلا يوم شفته برا وقدامه علب فيها هللات حسبته في بداية الامر شحات ههه
غير الله الله يوفقكم جميعا وفي نهايه الموضوع حبيت اعطيكم رقم سواق في بينانق ماليزي اسمه اسماعيل
هذا الشخص لن انساه ابدا طيب خلوق حبوب حسن في التعامل راعي سواليف وضحك اب لخمسه ابناء ولدين وثلاث بنات
مافي مكان في بينانق الا ويعرف عليه ويعلمك بكل صغيره وكبيره ورخييص في السعر ويجلس معاك ويعلمك باماكن حلوه ومختلف وخاصه للجدد مثلي الي اول زياره لهم في ماليزيا بعض السواقين تحس انه نصاب ولكن هذا الرجل الحمدلله الله سخره لي لدرجه انه زارني هو وعائلته الكريمه وانا في اخر يوم لي في ماليزيا في مكان اقامتي في فندق التايم اسكوير في كولالمبور وهداني هدايا كثيره ومن ضمنها منجا كبيره وعرفني على زميله في جزيره لنكاوي لانها كانت المحطه الثالثه بعد سيلانجور وبينانق اسمه عبدالغفور عاد هذا الي يتميز فيه الرخص تخيلو مشاوريه كلها مابين 6 - 50 رنجت فقط في لنكاوي وعرفني ايضا على خويه في كوالالمبور رجل متدين وخلوق وداني افموسا ووداني جينتق ووداني في كل مكان وانا الصراحه يهمني اكثر شي الامان بعد الله سبحانه
وهذي ارقامهم ::
بينانق .. اسماعيل #######
لنكاوي .. عبدالغفور #######
كوالالمبور ... محمد رمضان #######
واول ما توصلون بينانق وتقابلون اسماعيل سلمولي عليه السلام الكثير وقوله عماد محمد يسلم عليك
وفي نهايه موضوعي احب اشكر كل شخص هنا اخذت منه النصايح قبل ما سافرت الى ماليزيا واولهم
وافي بزمن جافي
والسلام خير الختام
يمنع وضع او تداول أرقام السائقين إلا من خلال التقارير الخاصه
00