برشلونه المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ولد خمس نجوم
01-10-2022 - 01:57 am
ماهي خطوط الطيران التي تذهب الى مدريد و برشلونه من الخليج
اذا ما عليكم امر


التعليقات (9)
aldosri70
aldosri70
عندك القطرية والإماراتية والاتحاد
والسعودية بس مدريد
ولاتسألني عن الأسعار لأنها تختلف باختلاف التواريخ
بس السعودية يمكن تكون أقلها سعراً

Secretary Man
Secretary Man
حدد من وين بالخليج؟
مثلا بالبحرين, حاليا افضل سعر للتركيه على ما اظن..
وبالسعوديه, افضل سعر للمصريه, (توني حاجز من الدمام لمدريد - برشلونه للدمام بسعر خرافي, انا وزوجتي وطفلتي ب 3060 ريال) لكن مثل ما قال الاخ الدوسري 70 يعتمد على تاريخ السفر..
يعني لاحظ انا كنت ناوي على الخطوط المصريه من 4 نوفمبر لين 17 طلع لي ب 5800 ريال..
غيرت بس يوم من 5 لين 18 نوفمبر, نزل إلى 3000 ريال.. التاريخ مهم.. خصوصا انها بإجازة الحج..
الخطوط القطريه, اغلى اشويات..
ال klm احسن خطوط في نظري, رحت فيها ايطاليا السنه الماضيه بسعر حلوو, وكان لهم عرض بأوغست سعر خيالي..
لكن للاسف فاتني العرض..
تحياتي

ولد خمس نجوم
ولد خمس نجوم
هل klm من الكويت ترانزيت ولا دايركت الى هولندا

Secretary Man
Secretary Man
بالنسبه ل klm سواءا سافرت منها من الكويت او البحرين او السعوديه, لازم ترانزيت بإمستردام ثم تتوجه للوجهه الاوروبيه اللي تبيها..

ولد خمس نجوم
ولد خمس نجوم
انا عارف انها ترانزيت في امسترادم
بس البعض يقول توقف في البحرين
فهمت قصدي

Abo Omar07
Abo Omar07
طيب أخوي الخطوط المصرية مضمونه نظافتها ودقتها ؟؟؟!

Secretary Man
Secretary Man
ولد خمس نجوم..
فعلا معاك, ممكن صحيح توقف بالبحرين أول, اذكر لما كنت راجع من امستردام, كانت معانا اخت كويتيه..
كانت مستغربه ان الطائره بتنزل بالبحرين اول, وفعلا هبطت بالبحرين, ترانزيت.. ثم في رحله ثانيه على ال klm راحت للكويت بالنسبه للي رحلتهم للكويت..
لكن ييفضل تستفسر من الخطوط افضل.. تحياتيالأخ أبو عمر,
أنا اول مره بسافر على الخطوط المصريه,
سألت اللي جربوها, ويقولون جيده من ناحية الخدمه والوجبات والدقه..
لكن اتوقع ما تعلى على خطوط klm والقطريه

ولد خمس نجوم
ولد خمس نجوم
اتصلت على klm
يقولون
عندنا ثلاث رحلات دايركت للامستردام
و اربع رحلات البحرين امستردام
لكن يختلف السعر
مثلا كويت امستردام بحرين كويت
او
كويت بحرين امستردام كويت
او
كويت امستردام كويت و هذي اغلى

Mezajee_KSA
Mezajee_KSA
ياخي اشتر راحة بالك وابعد عن اكثر من وقفه
رح على الاتحاد او القطريه كان وضعك المادي طيب
وكانك تبي الرخص رح المصريه او التركيه واستحمل الطياره


خصم يصل إلى 25%