الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
m9o11
19-11-2022 - 12:14 am
السلام عليكم
ان شاء بعد اسبوع جاي الكويت بغيت اعرف وين مطاعم الشعبيه او البوفيهات تبيع مثلا قلاقل شاورما كباب تكة مثلا واهم شي الفلافل وين المكانات التي تمدحونها . نغير جو مو دايما ميس الغانم او برج الحمام أو قيصر .
تحياتي


التعليقات (9)
حلوة الكون
حلوة الكون
يوجد محل اسمه فلافل ناديا في مجمع 360
أما بالنسبة للبوفيهات يوجد في مطعم لونوتر و هو موجود على البحر
كما يوجد مطعم الحمرا في فندق الشيراتون
مطعم ريكاردو في الشيراتون
مطعم النوخذة

alobaied
alobaied
اخوي أنا بعطيك مطاعم مو كلها كشخة
شوف يمكن الاعضاء ما مر عليهم اللي بقوله
الفلافل بمكان مدعوس والمحل ما يبيع غير فلافل وشورما
أسمه يا نصف القمر أو شاطيء القمر يعني المهم في القمر
مكانه بحولي شارع التسجيلات الاسلامية والمكتبات وانت ماشي باتجاه المهلب قبل الصعدة مالت مطعم دانة البحرين راح تشوف لفة يمين وكمل سيدة وبعدها يمين وبعدها تلقاه يمينك بصراحة قوي
أما الشورما بالاذواق تختلف ولكن المشهور هو مطعم كوردو موجود في شارع المطاعم وموجود بجانب مجمع الفنار وايضاً على حد علمي انه موجود في مجمع المارينا مول وايضاً في مطعم اسمه شاورما موجود في منطقة حولي بجانب مطعم هابي برجر يبي شورمه هندية وايرانية يعني كلها انواع صلصات
البوفيهات إذا تبي مطعم عنده بحري ودجاج بصراحة حلو أسمه الخليج الصيني في منطقة حولي قاعد أحاول اتذكر مكانه بس ماني قادر إذا بغيته بلغني واسألك وين مكان بالضبط
وإذا تبي مشاوي سوق المباركية سوق قديم تراثي وفيه مطاعم
وإذا تحب البرجر في مطعم شيك شاك محل امريكي موجود في مجمع الافينيوز وترا طق عليه يعني لازم تصف دور

m9o11
m9o11
حلوة الكون
مشكورة يعطيك العافية وراج نجربه ان شاء الله

m9o11
m9o11
alobaied
مشكور ويعطيك اذا ممكن احداثيات او وصف عن طريق موقع اذا ما عليك امر يالغالي
http://wikimapia.org/

فروحه الكويت
فروحه الكويت
مطعم الكلحة له فروع
موجود في السالميهشارع البحرين مقابل ستاربكس وبالقرب من بيتزا بابا
وسيتي سنتر سوق السالميه طابق ثاني بركن المطاعم
وأرض المعارض منطقه مشرف
مطعم زين الزاد
عدد الافرع (2)
العاصمه - الشويخ العنوان: شارع كندا دراي محطة المغرب العربي
العاصمه - مبارك الكبير
العنوان: مدينه اسواق القرين
للاتصال: 24811117 - 24811

alobaied
alobaied
Coordinates: 29°20'10"N 48°1'55"E
وان شاء الله يكون صح لأن افتر راسي من الخريطة .... اسمه ليالي القمر
شغل مطعم بسيط ورخيص بس أهم شي الطعم :)
أنا ما أحب الفلافل بس آكلها بهذا المطعم

alobaied
alobaied
أخوي انا بنصحك نصيحة ...
في شغلة محد يختلف عليها ان المطاعم اذواق
بس في شي ثاني يفرق هو طبيعة الشخص اللي يدليك
يعني أنا شباب ومثل ما اهوا معروف ان الشباب من كل مكان ياكلون غير عن البنات والعوايل فهذا اللي يفرق
يعني في مطعم كافتيريا شويخ تخصص ثلاث انواع فطاير لحم وجبن وزعتر ... المطعم موجود في شارع كندراي كله كراجات سيارات لو بتقول حق بنت بتقولك ما أكل من هالاماكن بس الناس طق عليه .. طبعاً إذا معاك أهل لازم تاخذه للبيت لأن ماكو مكان للحريم
وفي شغلة ثانية وهي الأهم ان الواحد يعطيك أحلى الأماكن في الدولة والمعروفة أما أنا فاحب انك تحصل وتجرب اللي مو موجود له فرعين في نفس الدولة الا نادراً
وإذا بخاطرك عصير فمعروف عصير الضاحية بجمعية ضاحية عبدالله السالم وعصير كيفان في فرع جمعية كيفان اللي جدام نادي الكويت " أشهر من نار على علم ومن الزحمة راح تنطر دور "
طبعاً أغلب اللي ابلغك عنه مو مطاعم سياحية ولا في مناطق سياحية ولكنها من باب الاستكشاف والتذوق

m9o11
m9o11
الف الف شكر وعطيكم العافية
alobaied تعبناك معنا
يعني في مطعم كافتيريا شويخ تخصص ثلاث انواع فطاير لحم وجبن وزعتر ... المطعم موجود في شارع كندراي كله كراجات سيارات = ما في امل ياكلوا منه ههه
اختي فروحه الكويت يعطيج العافية
اختي حلوة الكون يعطيج العافية
ان شاء اذا زرنا احد المطاعم راح اعطيكم التجربة

q8ya metnaqla
q8ya metnaqla
m9o11
انا وحده من رواد هذي الكافتيريا
وفطايرهم خطيره وبنات واايد يعرفونه
وزين الزاد في نفس الشارع بس قبله عند محطة غسيل السيارات .. وبعد في السالميه مطعم دودو للفلافل في السالميه القديمه واايد حلوو ..
والشاورما انا اعز شاورما تايم اوت في شارع المطاعم وفي حولي الريف لبناني عنده فلافل خطيره في شارع تونس ..
والشباب ماقصروا في المطاعم
وحياكم الله


خصم يصل إلى 25%