تركيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Emirates Air
28-11-2022 - 09:01 am
السلام عليكم و رحمة الله و بركاته
باذن الله سفرتي راح تكون بشهر 3 السنه الجايه ، يعني تقريبا بعد 6 شهور ..
الله يطول بالاعمار ان شاء الله
هالمره الثانيه الي راح اسافر فيها الى تركيا
و راح اكون لحالي ، السفره ، رحلة عمل و الاقامه راح تكون لمده 6 ايام
بدايه من تاريخ 13 مارس ...
نزلت بالمره الاولى بفندق شي بيرا اسمه من بوكينج و الصور غرتني كثير و انصدمت بالواقع جدا
السرير اذا حبيت تنام ، نام على وضعيه وحده ، اذا حبيت تتقلب ، راح تلقى تفس بالارض
صحيح انصدمت من ان الفندق فيه مسبح و بار و صاله رياضيه و حمام تركي و ......و ....... بس الغرف ( النجده مطلوبه )
لقرب عملي من دوار استقلال و تقسيم ،
من خلال تجاربكم ، ابي فندق يكون نظيف و بسعر مقبول و قريب من دوار استقلال ( بقرب المركز الثاقي التركي )
الفندق بس راح يكون لليل ، بمعنى بنام فيه و الصبح نطلب الله و الشغل لين المغرب ارجع اتعشى و انام بدري لصباح يوم ثاني
يعني لا اطلاله تهمني و لا شي
غير النظافة و الوسع و المكان الجيد
شو تقترحون عليا لشهر 3 ..؟ ما اظن يكون موسم
و البرد بيكون قارص هالفتره ، لاني السنة الي قبلها عانيت جدا من البرد بشهر 3 لدرجة ان الدم قام يسيل من خشمي و كانت درجات الحراره بذاك الوقت 0 او 1 ...
و مشكورين على النصائح مقدما ..


التعليقات (2)
ambaba
ambaba
السلام عليكم ورحمة الله وبركاتهأهلا وسهلا بكم معنا في منتدى العرب المسافرون البوابة التركيةاخي الكريم انا سكنت هذا الفندق فندق نظيف وهادئ http://www.peratulip.com/رحلة موفقة إن شاء الله منتظرين تقريركم وصوركمودمتم سالمين

Emirates Air
Emirates Air
ambaba
اخي الكريم
اشكرك جدا على الرد
و بالضبط هالفندق الي نزلت فيه المره الي فاتت
مكان ممتاز
ال Staff جدا خدومين
و بوفيه الافطار جدا منوع
لكن الغرفة ، ساعدوني
و انت بكرامه اذا حد دخل الحمام سواء بالطابق نفسه او فوقك تسمع كل شي
حتى تسمع الغرف الي جنبك وش يتكلمون فيه
بس صراحه ، مستحيل ارجع انزل فيه مره ثانيه
اذا ما عليك كلافة ، تعرف احسن منه
و على فكره
يوم السبت و الاحد
انسى النوم ، لان صوت الموسيقى
لا حول الله ، قويه و تدخل للغرفه و كان الاسبيكرات عندك


خصم يصل إلى 25%