ماشاء الله عليك اخوي لقيت حجز انا للحين ادور
في فنادق ولكني ابي قريب من الرمبلا
باذن الله انا رحلتي من 15 لين 22 في مدريد ومن 22 بنحرك الى برشلونه
اتمنى اخوي ولا عليك امر انك تكتب لي ملاحظاتك لما توصل باذن الله عشان استفيد منها
وبخصوص موقعك في الرمبلا حلو واجد وقريب من كل شي
اصلا كل شي حولك وهالموقع بيوفر عليك مواصلات
ولكن الفرق بين الاحمر والازرق ممكن يفيدونك فيه الاخوان الخبراء
او ممكن تسئل الاخ لونلي عنده موقوع يرد فيه على اي استفسار يخص مدينة برشلونة

1. بيكون سفرك من الخميس 15 / 9 , الى الخميس 22 / 9 :

some one82
مرحبا اختي
فندقك موقعه حلو , واقرب محطة مترو لك اسمها Catalunya تبعد 100 متر عن الفندق وفيها المسار الاحمر M1 + المسار الاخضر M3 ..

بيكون سفرك من الخميس 15 / 9 , الى الخميس 22 / 9 :

الخميس 15 , تركبين الباص من المطار , لونه ابيض وازرق ومكتوب عليه Aerobus , يوصلك لساحة كاتالونيا ب 5.30 يورو, وفيه اماكن داخل للشنط.. ومشي للفندق.. لو فيه وقت بهاليوم تتمشين عند ساحة كاتالونيا وشارع الرامبلا..
الجمعة 16 , تطلعين لساحة كاتالونيا وتركبين الباص السياحي (لونه اخضر فاتح وشعاره عين ورموش ملونة) , واماكن بيع التذاكر داخل ساحة كاتالونيا , وانتي تشترين التذكرة تختارين المسار الازرق لانه الاماكن اللي يروح لها منوعه , اما اذا كنتي تحبين المتاحف تختارين المسار الاحمر .. حاولي تخلصي قبل 9 عشان تطلعين الى ساحة اسبانيا (على المترو الاحمر M1 واسم المحطة Espanya) وتحضرون عروض النافورة الموسيقية من 9 - 11ونص..
السبت 17 , شارع فندقك اسمه الرامبلا , تمشين فيه للنهاية وبتشوفين دوار مكتوب عليه Colon بعده تشوفين البورت , تركبين رحلة بحرية ساعة ونص , وبعدها في مجمع اسمه Maremagnum , وخلفه في الحديقة المائية Aquarium , بعدها تكملون مشي لين تشوفون شاطئ برشلونة اسمه La Playa..
الاحد 18 , تركبين المترو الاحمر M1 من محطة كاتالونيا وتروحين قوس النصر Arc de triomf وجنبه فيه حديقة اسمها سيوتاذيه وداخل الحديقة فيه حديقة الحيوان.. وبعدها تحضرون مباراة برشلونة ضد اتليتكو اوساسونا.. (اول ماتوصلون تشترون التذاكر للمباراة من الكشكات في الرامبلا او من شباك التذاكر للملعب)..
الاثنين 19 , تروحين ساحة كاتالونيا وتنزلين في محطة القطارات وتاخذين القطار اللي يروح التبيدابو وبتنزلين منطقه وبعدها تركبين ترام (عربة قديمة تنقلك لأعلى الجبل) وهذي اعلى منطقة ببرشلونة وفيها قصر التيبيدابو ومدينة الملاهي Tibidabo Hill..
الثلاثاء 20 , التسوق في El corte ingles هذا على ساحة كاتالونيا وبعدها من ساحة كاتالونيا تدخلين في شارع اسمه Passeig de gracia , من احلى الشوارع ببرشلونة سواء للتسوق او للتمشية..
الاربعاء 21 , عندك اماكن مثل البالون المنضاد ,التلفريك , عروض فلامنجو , موسيقى اوكسترا , المتاحف كثيرة , القرية القديمة Poble Espanol Village , الحي القوطي Barrio Gotico .. تختاري اللي يناسبك..
الخميس 22 , مادري متى رحلتك بالضبط, بس تروحين لساحة كاتالونيا وتركبين الباص للمطار..
موفقه ان شاء الله

لونلي الف الف الف شكر ماقصرت الله يسعدك يارب .. بسجلها اول ما ارجع لاني من الجوال داخله،،، ولو عندي استفسار ان شالله بسالك الله يعطيك الصحه والعافيه

lo0onely
باذن الله لو في اي ملاحظات بحطها

يوفقك ربي ودرب السلامة ان شاء الله

اخوي لونلي
الاربعاء 21 , عندك اماكن مثل البالون المنضاد ,التلفريك , عروض فلامنجو , موسيقى اوكسترا , المتاحف كثيرة , القرية القديمة Poble Espanol Village , الحي القوطي Barrio Gotico .. تختاري اللي يناسبك..
بالنسبه لل البالون المنضاد - عروض فلامنجو - القرية القديمة Poble Espanol Village , الحي القوطي Barrio Gotico
كيف اقدر اوصلها؟ + فين اقدر الاقي اماكن السكاي دايفنق والنشاطات البحريه زي الجت سكي والبنانا بوت وهذه الاشياء
والملاهي اللي قلت في اعلى قمه تستاهل الروحه؟ وفي ملاهي مائيه ماعرف اسمها كيف تستاهل؟ وكيف اقدر اوصلها؟
والله مرة ماقصرت الله يسعدك ويريح بالك ،،

some one82
هلا اختي
البالون المنضاد الحجز والعروض من هنا : http://www.ballooning.es/uk/
عروض الفلامنجو + وجبة عشاء من هنا : http://www.tablaocordobes.com/tablao_flamenco/general/en/1/?gclid=CN3y1rvyiKsCFUdTfAodlVYd1g
القرية القديمة Poble Espanol Village عنوانها قريبه من المترو الاحمر M1 واسم المحطة Espanya , واسم الشارع
Av del Marques de Comillas 13
الحي القوطي Barrio Gotico , هذا تطلعين له مشي ( Walking tour ) من هنا : http://bcnshop.barcelonaturisme.com/Barcelona-Walks-Gòtic/_vf-SMlY1yIuKQTV1aq49kNTtuqF2aLE0f3QgxEjyPwfBGc-xA03U6w
سكاي دايفينج : عنوانهم والاسعار والعروض من هنا : http://www.skydiveempuriabrava.com/informacio_preus-2.html
العروض والالعاب البحرية تحصلينها في شاطئ برشلونة La Playa
بالنسبة للملاهي انصحك باللي ع الجبل فيها العاب اقل من اللي تبعد عن برشلونة ساعة , بس حلوة لانك بتطلعين الترام (العربة القديمة لاعلى الجبل) والاجواء حلوة فوق لانك بتشوفين برشلونة كلها..
موفقه ان شاء الله

الله يعطيك العافيه يارب ويرزقك من حيث لا تحتسب،،
اخوي انا اعرف مواقع شبيهه باللي ضفتها .. المشكله اني ماعرف اعمل بوكينق بالنت .. احب بنفسي اروح احجز بنفس المكان زي الالعاب البحريه اللي على الشاطئ اروح والقى كل شي
ماقصرت لحد هنا والله يسخرلك عبيده