لبنان المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
hamoor4ever
01-12-2022 - 09:34 am
مرحبا اخواني
ياخبراء لبنان ومحبينها
عندي بعض الاستفسارات وياليت حد يشرح واكون له من الشاكرين
رايح بأذن الله للبنان بالعيد ابغي استفسر من بعض الشغلات
السكن بيكون برمانا ، بحكم وجود سكن هناك كيف الوضع حاليا هناك في لبنان جيد من ناحيه الامان ؟
كيف الجو بيكون برمانا بارد او لا يعني انجيب شي ثقيل شوي او نجيب لبس خفيف
وين افضل الاماكن برمانا ممكن اروحها او ازورها
اخر شي لاسمح الله اذا صار شي كيف طريقه الشرده ههه
وشكرا حبايبي


التعليقات (3)
اصول2
اصول2
hamoor4ever
هلا فيك اخوي ,وتسافر وترجع بالسلامة ان شاء الله
الوضع ان شاء الله مافيه الا الخير وتوني راجعة من يومين ومريت على برمانا وان شاء الله تنعم لبنان بنعمة الامن والامان على طول
والجو كان وايد حلو وعلى فكرة برد شوي في الجبل عن اول 8 كنت هناك ماكان الجو جذيه فاخذ معاك شي ماكون شتوي ولكن جاكيت خفيف حق الليل وبالنهار الجو بيكون لطيف
وبالنسبة لبرمانا فيها مراكز تسوق مقل روز سنتر ورزق سنتر وغيرهم الكثير للملابس والاحذية وغيرها وفيها مقاهي ترد الروح ومطاعم حلوة مثل برج الحمام وقصر فخر الدين ومنير هذي المطاعم اللبنانية ,وفيه مطاعم فرنسية وايطالية متنوعة وترى تقدر تشوف الطبيعة الخلابة اللي في برمانا بغابات الصنوبر واللي يعجبني فيها انها بعيدة عن المدينة والازعاج ويسمونها بمدينة الزهور
واللي اعرفه ان فيها دور سينما وممكن في فترة العيد تلاقي فيها حفلات غنائية وغيره
وبالنسبة للشق الاخير من سؤالك الله يحفظك ويحفظنا معاك وان شاء الله مافي الا الخير .

hamoor4ever
hamoor4ever
مشكوره اخت اصول على الرد الوافي والكافي ، والله يحفظج

اصول2
اصول2
hamoor4ever
الله يسلمك اخوي تسافر وترجع بالسلامة.


خصم يصل إلى 25%