الجزر السياحية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
thamer@
17-12-2022 - 12:43 pm
السلام عليكم ورحمة الله وبركاته
اول تقاريري المصوره بالمنتدى بيوزري هذا thamer
ولا كان لي تقارير نزلتها هنا بالقسم وباقسام اخرى بيوزر i love 90s ولا عرفت كيف ادخل فيه مره ثانيه لاني اضعت الباسوورد ..
http://www.fourseasons.com/seychelles/
موقعه بغرب جزيرة ماهي كبرى جزر السيشل
ويعتبر من اروع الفنادق المتواجده هناك الى جانب فنادق مايا وبانايان تري والهيلتون
الحجز فيه تم عن طريق الامارات للعطلات وقد تم حجز غرفه من نوع Hilltop-Ocean-View-Villa
طبعا منتجع وبهذه السمعه والفخامه اكيد متوقع ان يكون الاستقبال عالي
اول ماوصلنا كانت الساعه 1 الظهر تقريبا وكان الجو ممطر ووقتنا كان فعلا يوم شمس ويوم مطر على ماذكر اننا زرنا سيشل بموسم امطار غزيره
الموظفين هناك استقبلونا وقالوا لنا نتأسف منكم على هالجو؟! ضحكنا قلنا لا عادي احنا نبي هالجو اصلا
هذي كانت فلتي رقم 604
الترحيب كان عباره عن مكسرات وحلويات عربيه مع تمر وفاكهه وايضا كان مع شامبينيا !! ماتجي .؟!
السرير بالمناسبه كان مريح جدا لدرجه اني انوم فيه 9 ساعات متواصله!
دورة المياه اعزكم الله كانت ماخذخ نص مساحة الفله
المسبح وكان شوي مو ساتر خاصة لما يقرب احد من باب الفله سواء خدمة التنظيف او الغرف فكانوا يشوفون بالراحه
لكن مع الاشاره الحمراء اللي تكون عند مدخل الفله من الخارج متحيلا حد يتجرا ويتعدى ويدخل للفله
هنا وقفتي كانت خطيره عشان التقطت هالصوره (على حافة المسبح) لكن لاجل عيونكم كل شي يهون
هذي الاطلاله الكامله للمحيط من عند الفله
بوفيه الفندق كان صغير لكن لذيذ وهذا صوره لبوفيه الافطار
وكان عندهم 3 ايام لبوفيه العشاء
الثلاثاء بوفيه عربي والخميس بوفيه ايطالي والسبت بوفيه كريولي
طبعا العادة النزلاء يجلسون يفطرون في هالمقاعد لكن الجو ماكان مستقر (ممطر)
فكانوا تحت الظل خلفي
وهنا وقت ماكنا نفطر انكبت علينا السماء وتلاحظون كيف قوة الامطار على البركه
نصيحه للي يسكن بالفور سيزونز وقت المطر راح تحصلون كثير قواقع على الممرات فانتبهوا اثناء المشي لاننا كم مره وطينا عليهم وتكسروا فصرنا منتبهين واحيانا نشيلهم بيدنا ونبعدهم
الشاطي كان راائع وهادي وخاص فقط لنزلاء الفندق
وفيه احلى من انك تسبح بمسبحك الخاص في وقت ممطر!!
صراحة كان يبكي الجو
صورة لمنظر الغروب من عند الفله
صوره للغرفه اثناء الليل
وايضا صوره لدورة المياه اعزكم الله
واي اسئله واستفسارات معينه عن المنتجع احنا حاضرين وبالخدمه...


رحلتي الى الجزر السياحية
التعليقات (8)
احلى الأماكن
احلى الأماكن
ماشاء الله تبارك الله
منتجع رائع وفيلا أروع
مشكور اخوي ثامر على التقرير
وتسلم الأيادي

الفهد2006
الفهد2006
مشكور وما قصرت وبعد اذنك عندي كم سؤال ؟؟
1- الفيلا مطلة على البحر او لا ؟
2- نسبة الخصوصية على الشاطئ ( يعني زحمة وكومة مفاصيخ مثل المالديف او أقل )
3- اي افضل من وجهة نظرك الفور سيزن او بانيان تري ؟؟؟ من ناحية الفخامة وقلة النزلاء
4- كم يوم يناسب الجزيرة 3 ايام تكفي ؟
5- وش اهم أنشطة الفندق ؟
وشكرا شكلي كثرت عليك بس لا يلدغ المؤمن من جحر مرتين لازم هالمرة اخطط بدري لرحلتي الجاية ان شاء الله

thamer@
thamer@
احلى الاماكن
شرفتني اخوي والله يسلمك من كل شر
الفهد 2006
ياهلا فيك
1- الفيلا مطلة على البحر او لا ؟
الفيله مطله على المحيط وواضح هالشي من خلال هالصوره اللي عرضتها بالموضوع

2- نسبة الخصوصية على الشاطئ ( يعني زحمة وكومة مفاصيخ مثل المالديف او أقل )
والشاطي لا زي منت شايفه واكيد راح يتواجدون اجانب مفاصيخ خ
3- اي افضل من وجهة نظرك الفور سيزن او بانيان تري ؟؟؟ من ناحية الفخامة وقلة النزلاء
البانيان تري ماسكنته بس اكيد راح يكون فخم ومن خلال الصور مبين انه بيرفكت واتوقع ان النزلاء فيه راح يكونون اقل ربما لعلو سعر التكلفه مقارنة مع الفور سيزونز
4- كم يوم يناسب الجزيرة 3 ايام تكفي ؟
3 ايام صراحة ماتسوى قيمة التذكره
نقول 5 ايام كويسه
5- وش اهم أنشطة الفندق ؟
عندهم رحلات صيد هذا اللي فشته والكشك كان عند الشاطيء
وفيه رحلات لاماكن خارج الفندق
سيشل غير عن المالديف مالك الا الجزيره فقط لا فيه اماكن خارج الاوتيل تقدر تزورها زيا لعاصمه فكتوريا والمننتزهات والحدائق والمحميات والشواطيء سواء بجزيرة ماهي او بجزر اخرى وكل هالامور تقدر ترتبها وتحجزها مع الاوتيل وهو يرتب لك كل شي

ولد الاحمر
ولد الاحمر
رائع اخي ثامر
تقبل مروري

aboaziz
aboaziz
حلو حلو ماشاء الله
ذكرتني بالفور سيزون بالي لكن ماكان المحيط باين
ماهي حلوة حقها 3 ايام
لكن المتعة في برلاين
الايام هذي مختبصين ومضخمين موضوع واحد غواص بشهر عسل متعشي عليه سمكة قرش
يعطيك العافية اخوي

violetq8
violetq8
خوش فندق و باعافية النوم 9 ساعات الله يهنيكم

F.A.H.D
F.A.H.D
يعطيك العافية يا اخ ثامر على هذا التقرير الجميل..
تمنياتي لك بالتوفيق

abdullah314
abdullah314
السلام عليكم اخوي...
رحلة موفقه ان شاء الله ممكن لا هنت تزودنا بالاسعار وتكاليف الرحله ولك جزيل الشكر.


خصم يصل إلى 25%