في هالرطوبه ماللك الا المجمعات واذا تحبو السباحه ياهو ممتاز في الستيً سنتر

قصدك وااهو ههه حلوة يااهو ...
السيتي والسيف ومجمع العاالي افضل المجمعات وتراهم جنب بعض ... واذا تبون جربوا جزر حوار ..ز رحله بحريه وجربوا العاب الدولفين وكلب البحر ..وغيرها اسواق المحرق القديمه شي
. تحيااتي

مساء النور،،
اذا معاكم أطفال ضروري تزورون جنة دلمون المفقودة ومنتزه عذاري وبالنسبة المجمعات الستي سنتر والسيف هي الافضل وأنصحكم تزورون شارع الشيراوي في العدلية حيث مقاهي ومطاعم فخمة وشارع الشباب في الجفير مطاعمه ومقاهيه مفتوحة على مطار الساعة

المجمعات :
1. مجمع سيتي (منطقة ضاحيه السيف المنامه)
2. مجمع السيف (منطقة ضاحيه السيف المنامه)
3. مجمع العالي (منطقة ضاحيه السيف المنامه)
4. مجمع مودا مول برج التجارة العالمي (منطقة المنامه خلف فندق الشيراتون)
5. مجمع البحرين (منطقة السنابس مقابل مجمع السيف المنامه)
6. مجمع الدانه (منطقة السنابس مقابل مجمع الستي سنتر المنامه)
7. مجمع مارينا مول (منطقة المنامه)
8. مجمع اللولو في المنامه (منطقة المنامه)
الأماكن السياحية والتراثية :
1. قلعه عراد (منطقة عراد)
2. قلعه الرفاع (منطقة الرفاع)
3. متحف البحرين الوطني (منطقة المنامة)
4. بيت الجسرة (منطقة الجسرة قرب جسر الملك فهد)
5. شجرة الحياة (منطقة الصخير)
6. متحف النفط في (منطقة الصخير)
7. شارع الشيراوي (منطقة العدلية)
الأماكن الترفيهية :
1. جنة دلمون المفقودة (منطقة الصخير)
2. محمية العرين (منطقة الصخير)
3. منتزة وعين عذاري (منطقة المنامة)
4. واهو (منطقة ضاحية السيف داخل مجمع الستي سنتر)
5. جزر حوار (الحجز من المكتب في النادي البحري)
6. جزر الدار (الحجز من منتجع البندر)
وإذا في أي سؤال أو أي استفسار ترى حاضر لكم ..
واسمحولي إذا قصرت في شيء ..
وتقبلوا مروري ..

اغلى تفاحة
فعلا الجو هالايام رطوبه بزياده
يعطيك العافيه

عشقي البحرين
احلى شي اانهم جنب بعض :$
يعني بيوم نخلصهم ؟؟
مشكور اخوي والله يعطيك العافيه

discover bahrain
الف الف شكر على الامكان
سيفتها كلها :$
معي طفلين ومزعجين بعد
يعطيك الف عافيه

bu.rashid
مشاء الله كفيت ووفيت
الله يجزاك خير
ابي اسال عن
جنة دلمون المفقودة
؟؟
عباره عن ايش ؟؟
وش فيها بالضبط :$

هلا وغلا اختي وبالخدمه انشالله
جنه دلمون عبااره عن العااب مائيه او حديقه مائيه... وفي وحده صغيره اسمها وااهو العاب ماائيه موجوده بالسيتي سنتر
شوفي هنا موقعهم .....
http://www.lpodwaterpark.com/
واي خدمه من عيوني تاامرون اامر
تحياتي