البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
بثينه1
26-11-2022 - 07:49 am
السلام عليكم
باذن الله سأقضي اجازة عيد الفطر بالبحرين
وهذي اول مره اروح فيها للبحرين بعد سنوات طويلة جدا
وعندي بعض الاستسفارات:
1- افضل الفنادق بالبحرين وسعرها متوسط مايزيد عن 500 ريال لليلة وتكون مناسبة للعائلات
2- اماكن التمشية بالبحرين من مولات ومنتجعات وسينما
3- كيف تكون الفعاليات بالعيد بالبحرين ومتي تبدأ عادة
4- افضل المطاعم والكوفيات
5- كم تكفي الميزانية بالريال السعودي لقضاء خمسة ليال في البحرين علما ان الذهاب بيكون بالسيارة وشخصين وطفلة
وشكرا لكم


التعليقات (3)
أم_سعودي
أم_سعودي
بثينه1
وتروحوا وترجعوا بالسلامة يارب

Bu.Rashid
Bu.Rashid
  1. وعندي بعض الاستسفارات:

  2. 2- اماكن التمشية بالبحرين من مولات ومنتجعات وسينما

  3. 4- افضل المطاعم والكوفيات


السلام عليكم
باذن الله سأقضي اجازة عيد الفطر بالبحرين
حياج الله أختي .. المكان مكانج والبحرين بلادج الثانية
وهذي اول مره اروح فيها للبحرين بعد سنوات طويلة جدا

وعندي بعض الاستسفارات:

1- افضل الفنادق بالبحرين وسعرها متوسط مايزيد عن 500 ريال لليلة وتكون مناسبة للعائلات
أختي فندق ممتاز ويصلح حق العائلات في العيد صعبة تحصلين ب 500 ريال .. وإذا تبين فندق لازم تحجزين قبلها بفترة علشان تحصلين على حجز وتحصلين على سعر مناسب .. وآنه راح أعطيج أكثر من فندق وأنتي أختاري منهم وجوفي اللي يناسبج (فندق غليت سبا، فندق ديفا، فندق جولدن توليب، فندق ذي كي، فندق إيليت جراند، فندق فرايزر للشقق الفندقية، شقق إيليت السيف الفندقية) وهذي الفنادق اللي اتوقع يكون سعرها رخيص شويه .. أما الباقي فكلهم خمس نجوم أو أنهم يكونون 4 نجوم لكن ما يصلحون حق عوايل أو يكون سعرهم وايد غالي ..

2- اماكن التمشية بالبحرين من مولات ومنتجعات وسينما

مجمع الستي سنتر(موجود فيه سينما)، مجمع السيف (موجود فيه سينما)، مجمع العالي، مجمع البحرين، مجمع الدانة (موجود فيه سينما)، مجمع اللؤلؤة، مجمع المارينا، مجمع الخور في جزر أمواج، مجمع مودا مول .. منتزة عين عذاري، حديقة الحيوانات (محمية العرين) وبالقرب منها جنة دلمون المفقودة (حديقة مائية) وبالقربم نهم أيضاً منتجع العرين وهو من أفخم المنتجعات في البحرين .. تقدرون تروح رحلة بحرية إلى جزر حوار لمدة يوم كامل والمبيت هناك في فندق جولدن توليت شاطئ حوار .. أو تقضون نصف في جزر الدار ..
3- كيف تكون الفعاليات بالعيد بالبحرين ومتي تبدأ عادة
تكون من أول يوم العيد وتبدأ المسرحيات .. وبعض الاحتفالات في المجمعات ..

4- افضل المطاعم والكوفيات

شارع الشيراوي في منطقة العدلية ويتكون من عدة مطاعم وكوفي شوبات راقية ومن أفضل الأماكن في البحرين .. المطاعم اللي خلف مجمع العالي .. مطاعم مجمع الستي سنتر .. والمطاعم الموجودة في الفنادق 5 نجوم .. مطعم ليوان للأكلات الشعبية البحرينية والخليجية في مجمع لاغون في جزر أمواج وأيضاً نادي الشاي في نفس المجمع .. مطعم عبدالوهاب في مجمع مودا مول ..
5- كم تكفي الميزانية بالريال السعودي لقضاء خمسة ليال في البحرين علما ان الذهاب بيكون بالسيارة وشخصين وطفلة
والله على حسب صرفكم .. وعلى حسب الأماكن اللي راح تروحون لها ..
وشكرا لكم
وأتمنى أني ما قصرت في شيء ..
وإذا في أي استفسار أو أي سؤال ترى أنا حاضر ..
وتقبلي مروري ..

عشقي البحرين
عشقي البحرين
بالنسبه للميزانيه قولي الفندق خمسه ايام بحدود 500 ريال لليله تبون 2500 ريال
والصرف بيكون كل يوم من 500 ريال الى 1000 ريال على حسب المطعم او المكان اللي راح تروحون له ... لمده خمسة ايام بيكون بمعدل متوسط 3750 ريال.
والمجموع 6250 ريال وبالتوفيق انشالله
تحياتي
تحياتي


خصم يصل إلى 25%