كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
33yazeed
25-11-2022 - 11:39 am
السلام عليكم ورحمة الله
تحية طيبة وصباح /مساء الخير عليكم
بختصار سفره للترويح عن النفس مدتها 12 يوم للفقير الى الله لحالي مامعي الا انا والله سبحانه
لقيت حجز على الخليج كويس ورخيص ب3300ريال
بجلس بكوالا اربع ايام ولمدينة ثانية اربع ايام وارجع اكمل المده بكوالا
انا رحت قبل لإندونيسيا بس ماليزيا اول مره
وش الزين وين اروح وكم احسب لها ميزانية تقريباً
شكراً لكم
والله ب قلبي أسئلة واجد بس داري اب رادين انتم بس قولوا لي وش تكاليفها من غير التذاكر والسكن انا ادبر عمري بها مانبي نتعبكم يالبى خشتك انت وياه وياها *


التعليقات (9)
33yazeed
33yazeed
انا داري اب رادين علي
وا حزني واحزني وا قردي وا قردي
انا لفيت على المواضيع لفه خطافية لقيت تكلفة اليوم تقريباً من غير السكن 500 ريال
يعني معقولة 12 يوم لشخص واحد بتكلفني ستة الآف بس
أفيدوني اثابكم الله

عيوني تحبك
عيوني تحبك
لالالالا كثير عليك 500 باليوم
اول شي انصحك اسكن في فنادق رخيصة ما يحتاج تسكن فالغالية وانت لحالك واغلب وقتك خارج الفندق
الشي الثاني بالنسبة للتكاليف اذا سكنت في شارع العرب فراح توفر على نفسك التكاسي لأن قريب من كل شي ودامك لحالك فراح تقضيها مشي وهذا ممتع بحد ذاتة
بالنسبة للأكل اذا كنت تفطر فالفندق فانصحك تعبي الكرش زين عشان توفر على عمرك الغداء او العشى
وانصحك بالوجبات السريعة ماك وكنتاكي وطقتها اذا حاب توفر
يعني اتوقع 200 فاليوم كفاية عليك جدا بالتكاسي والاكل و تذاكر الدخول
ورحلة سعيدة

ماجد الفهد
ماجد الفهد
وعليكم السلام ورحمة الله وبركاته
حياك يا غالي ...
أنا تأخرت كثير على النوم ...
شوف هالموضوع ...
مخمخ عليه ...
https://artravelers.com/p/re/612606
فيه فنادق طيبة ... بأسعار تحفة .... 200 ريال سعودي فقط لا غير ...
إقرا ولنا عودة بعد أن تكتب لي رأيك ...
سلام

فيصل
فيصل
عليك عنوان موضوع يا شيخ يلفت النظر
ما كملت ساعتين وردوا عليك وزعلان بعد
السفره لحالك وناسه ربي يسعدك بالسفره

ابوعبدالله ( الاسفار )
ابوعبدالله ( الاسفار )
اشدعوه مقطعينها ... بس مرتين !!!
اعطيك برانامج شبابى للعزابى .... ممكن ترتاح و تنبسط منه :
3 يوم كوالالمبور فندق دورست ريجنسى بعدها تروح على بنيانج
3 يوم بينانج فندق هوليدى ان بعدها ترجع على كوالالمبور او على جنتق على طول
2 يوم جنتق فندق فيرست وولد و منها تزور قرية بوكيت تانجى بعدها تستقر فى كوالالمبور
4 يوم كوالالمبور فندق نوفوتيل القريب من شارع العرب
توجد روابط مفيدة اسفل توقعيى طق طق فيهم عشان تاخذ فكرة كويسة عن ماليزيا !!!
اتمنى لك رحلة سعيدة

33yazeed
33yazeed
عيوني تحبك
ارحب يعني 11 يوم ب 2200 ريال
فسق كذا
ياخوي عطيتني دافع في الحياة وش ألفين الا أدبلها وخل نستانس
الا من جدك انت 200
لالالا تمزح
والله في الرياض اصرف اكثر
0*
والله انك بطران وش رايك تسافر معي

33yazeed
33yazeed
ماجد الفهد
والله انت الطيب يا فهودي

33yazeed
33yazeed
فيصل 2006
قل اعوذ برب الفلق
وش فيك ياعين امك انت تتنحب
بعدين وش اسوي
تدري فصولي وش المفروض
المفروض انت بالذات تختار لي احسن ثلاث اربع خمس فنادق كذا حلوين على ذوقك
واضرب بالخمس نجوم وفوق بس ابي شي يونس

عيوني تحبك
عيوني تحبك
والله ويمكن بعض الايام ما توصل 200
ورح تشوف كلامي


خصم يصل إلى 25%