لوس انجلوس المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
citigroup
25-10-2022 - 11:55 am
السلام عليكم صباحكم ورد وصيام مقبول
يا جماعة الخير قررت بعد تفكير عميق اني اطلع بطاقة ائتمانية من البنك الاهلي بحكم ان راتبي ينزل عند البنك الاهلي
لاني وعقبال العزابية انشالله خطبت وناوي احجز شهر العسل كله عن طريق النت من تذاكر وفنادق ومواصلات
كلمت احد الاخوان وقالي عن بطاقة انطلاق وانها مريحة في التعامل وقد جربها في جميع سفراته والوضع اوكي
دقيت على واحد من الشباب في البنك الاهلي وقالي ان بطاقة انطلاق موقفه الحين لانها لا تتوافق مع الشريعة الاسلامية
لكن عندنا بطاقة اميالي مريحة وتكسبك اميال للسفر وتذاكر وخرط فاضي ماله اول ولا اخر
قلت له ابي بطاقة انطلاق
قال انطلاق لا تصدر الا من فروع التجزئة وحنا الحين بنك اسلامي وجميع الفروع اسلامية والبطاقة هذي غير متوافقة مع الشريعة الاسلامية عشان كذا ما تحصلها هنا
قلت والحل قال ما لك الا بطاقة اميالي
وبصراحة بعد اللي قريته عن بطاقة اميالي من بعض الاخوان والاخوات اللي موجودين في المنتدى قعدت افكر الف مره قبل اطلع البطاقة
احد يقولي ما تقبل مواقع خطوط السفر والثاني يقولي ما تقبل مشتريات النت
فبخبرتكم الرائده في هذا المجال امل منكم ان تدلوني على افضل ماستر كارد او فيزا ؟؟؟؟
وماهو الفرق بين فيزا اسلامية وفيزا غير اسلامية ؟؟
اليست جميعها تعطيك نفس المبلغ وتسحب المبلغ المستحق عندما ينزل الراتب ؟؟
لا يجي احد ويقولي فيزا مسبقة الدفع لاني جربت الراجحي وطلعت روحي منه
بوكنق ما يقبله يقول انه ديبت كارد وليست كردت كارد وبعدين سالفه اشحن عشان تصير فيزا نلعب على انفسنا صارت بطاقة عادية وبه فلوس نفس الديبت كارد
لا تبخلون علي باي معلومة
ولكم جزيل الشكر


التعليقات (9)
zeezo11
zeezo11
بطاقة بنك ساب ممتازة ومجربة ومكأفآتهم حلوه ويعطونك بدون ماتحول راتبك بس انتبه أنك تتأخر علشان ماتطيح في الربا
لا يجي احد ويقولي فيزا مسبقة الدفع لاني جربت الراجحي وطلعت روحي منه
بوكنق ما يقبله يقول انه ديبت كارد وليست كردت كارد وبعدين سالفه اشحن عشان تصير فيزا نلعب على انفسنا صارت بطاقة عادية وبه فلوس نفس الديبت كارد
وبالنسبة لمسبقة الدفع كثير وكثير جداً يستخدمونها وماشية أمورهم في السفر والحجز من بوكينق وغيره ومايوقف لهم إلا في بعض محلات تأجير السيارات
وماهو الفرق بين فيزا اسلامية وفيزا غير اسلامية ؟؟
اليست جميعها تعطيك نفس المبلغ وتسحب المبلغ المستحق عندما ينزل الراتب ؟؟
عزيزي فهمك غلط للفيزا لو السالفة يعطونك ويأخذون اذا نزل الراتب مهيب مشكلة لكن فيه التأخر في السداد ورسوم السحب النقدي ورسوم الاصدار أنا أنصحك اذا كان إستخدامك بس للسفر أنك ماتتعدى مسبقة الدفع ومادام حسابك في الاهلي عندهم بطاقة مسبقة الدفع وأشوف كثير يمدحونها هنا

Mercure
Mercure
عليكم السلام ...شوف مافي بطاقة فيزا أو ماستركارد اسلاميه لكن البنوك تتحايل لالصاق صفة (اسلاميه) عليها حتى تستهدف كل الطبقات وانت ماشاء الله عليك سألت وجاويت في نفس الوقت...ايضا بطاقه الائتمان غير مملوكه لا للعميل ولا للبنك...والبنوك ماهي الا واسطه بين العميل وشركة فيزا او ماستركارد وتاخذ المقسوم....المهم اذا انت بس بتاخذها للحجز والمشتريات فأعتقد انه ليس هناك مشكله خصوصا اذا سددت المبالغ فورا يعني لايجي عليها شهر ويصير عليها فوائد...سدد أول بأول وبكذا تتفادى الفوائد الربويه .....مثل ما انا أسوي بس أدخل الغرفه افتح النت وأسدد المبلغ ويادار مادخلك شر......ولا تسحب نقدي مهما حصل ....اما بالنسبه لقيمة اصدار البطاقه فهذا المبلغ هو قيمة البطاقه نفسها ..كأنك شاري البطاقه بفلوس. مافيها شي ان شاء الله.

فيصل
فيصل
zeezo11
كلام صائب واوافقه الرأي

حسن مهدي
حسن مهدي
السلام عليكم
هل هناك بطاقة ائتمان مسبقة الدفع في سامبا أو احد البنوك السعودية
وكم رسومها السنوية

راعي خطوط
راعي خطوط
اخوي ابو مهدي فيه مسبقة الدفع بنك البلاد اسمها مداد والبنك الاهلي رسومها جميعا سنويا 100 ريال السحب النقدي داخل المملكه 25 ريال وخارج المملكه 30 ريال اما الاهلي السحب داخل المملكه مجانا وخارج المملكة 30. انصحك بالاهلي مسبقة الدفع .
وفيه اكثر من بنك الراجحي وغيرة

zeezo11
zeezo11
راعي خطوط
مثل ماقلت بالإضافة لبطاقة بنك الرياض وبنك سامبا ماعندهم مسبقة الدفع والرسوم لمسبقة الدفع في غالب البنوك 100 ريال سنوياً وبنك الرياض حسب ماسمعت أن اللي حسابه عندهم تكون بدون رسوم وأشوف أغلب الأعضاء يرجح بطاقة الاهلي لأن سعر صرف العملات فيه أفضل

فيصل
فيصل
ترا الراجحي الجديده كويسه وفيها شريحه يعني ولا أروع

zeezo11
zeezo11
فيصل 2006
الله لايهينك يامراقبنا سمعت أن البطاقات الجديدة اللي فيه شريحة فيها مشاكل من ناحية الحجز عن طريق الانترنت وكثير من الاعضاء طرحوا مشاكلهم هنا وخصوصاً مع موقع بوكينق هل صحيح أن السبب من البطاقة الجديدة ولا فيه أسباب ثانية

فيصل
فيصل
والله يا اخي ما اعلم عنها شيء بس اللي اعرفه ان واحد جربها وقالي كويسه
يمكن البعض قصده البطاقه مسبقه الدفع بخصوص التاجير للسيارات اللي حرفوها مو بارزه


خصم يصل إلى 25%