1. اولا رحلتي وتفاصيلها

السلام عليكم
طبعا بعد ان بحثنا وشاركنا الخبراء هنا و سالنا و شفنا الاجابات الحلوه
نبدا نخطط لمشوار ماليزيا
و ال 6000 ميل يبدا بخطوه
واول خطوه احسب الفلوس صح ما اريد انحط في موقف ما احبه ولا احسد عليه ابداً

اولا رحلتي وتفاصيلها

بتكون ان شاء الله بتاريخ 26/10/2011 ان شاء الله الى 6/11/2011 علشان تذاكر السفر في هذا اليوم اللي هو 26/10/2011 طلعت 2200 للشخص بطيران الاتحاد دايركت من ابوظبي الى كوالالمبور مع اني كنت مخطط اسافار في 4/11/2011 يعني بداية نوفمبر وطلعت التذكره للوواحد قريب 2700 وبما انها رحله تخطيطها اجى في وقت ضيق لاني باقي لي اقل من ثلاث شهور فلازم اخليها اقتصاديه لاني ما بلحق اجمع مبلغ خيالي في وقت قصير مثل 3 اشهر خاصه الالتزامات البنكيه و الاهليه و الايجاريه
اللي اريد اعرفه الحين كم بتكلفني رحله اقتصاديه على حسب الشروط التاليه
لو السفره بتاريخ 26/10/2011 الى 6/11/2011 كم يوم وكم ليله بالضبط
قيمة التذاكر للشخصين ان شاء الله 4400 الاتحاد للطيران دايركت
وطبعا وصولها للمطار حلو وقت التشيك ان و الخروج مشكله لانه الساعه 8 بالليل يعني لازم احوس بالشارع ههه
الان الفنادق : اريد الفنادق تكون اقتصاديه بس نضيفه ولحد 350 درهم باليوم اذا في اقل و نضيف مافيه صارصير يكون افضل بس انا خليت البكج للفنادق 3500 درهم احتياطاً ويكون فطور معاها بليز مافيني اروح اتشحتت فطور من مكان لمكان
وباقي الصرفيه للجيب للعلم انه مافي مشتريات باستثناء هديه تذكرايه لي و لزوجتي علشان نتذكر اننا سافرنا ماليزيا يعني لا تحسبوها
الرحله من النوع زيارة الاماكن اللي فيها العاب يعني ترفيه و جزر و العاب على الخفيف لان اهم شي عندي الاماكن اللي فيها جمال خلاب لاني مصور وماخذ عدة تصوير ان شاء الله
فكيف يكون التقسيم للفلوس على كل هذا وكم تكفيني ان شاء الله لو مشيت على جدولكم و متى افضل وقت للحجز في الفنادق و الطيران ببرايكم ؟
ملاحظه : مش لازم جدول الحين او الاماكن اللي بروحها بس لو اقترح الان يكون حلو علشان اكون على بينه علما باني ساضع في وقت مثل اسبوعين ثلاثه طلب جدول مقترح
وشكرا لجهودكم