قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
trance
11-12-2022 - 08:44 pm
السلام عليكم ورحمة الله وبركاته
اخواني الغالين واخواتي الغاليات من اهل قطر الحبيبة
(( و أي أحد عنده خبره في الاماكن ب قطر ))
انا إن شاء الله جآي قطر بعد تقريبا 35 يوم من الآن ( من 21 سبتمبر إلى 24 )
وقاعد ادور سكن حلو وفاخر وبنفس الوقت ما يتعدى 3500 ريال لكامل الاقامة
وضيقت دائرة البحث حتى وصلت إلى فندقين وابيكم الله لا يهينكم تساعدوني بالاختيار
اللي يهمني موقع الفندق (من ناحية وجوده في منطقة ناطحات السحاب و قربه من الاماكن السياحية) وأيضا تهمني اطلالة الفندق
للمعلومية نحن 3 شباب
الفندق الاول: Fraser Suites Doha
ومعروفه سلسلة فريزر بفخامتها واللي شدني له هنا هو ان الفندق مكتوب انه جديد (يعني يكون نظيف وغير مكروف) وموقعه في الخريطة يوضح انه بين المتحف الاسلامي والمطار (للمعلومية انا لا احتاج المطار، رحلتي عن طريق البر)
ميزة اخرى في هذا الفندق . . لو بحجز فيه راح اخذ شقة بغرفتين (يعني مرة بنكون مرتاحين بالوساع)
السعر لكامل الاقامة: 3570 ريال قطري
https://www.booking.com/hotel/qa/fraser-suites-doha.en-gb.html?aid=1300939"https://www.booking.com/hotel/qa/renaissance-doha-city-center.en-gb.html?aid=1300939" target="_blank">https://www.booking.com/hotel/qa/renaissance-doha-city-center.en-gb.html?aid=1300939


التعليقات (9)
النوريq
النوريq
الفندق الثاني توه يديد
هو والماريوت جمب بعض
وماأدري إذا افتحوا الماريوت بعد والا لا
المهم ان الفندق مادخلناه للحين فما أقدر أحكم عليه
والفندق الاول مااعرفه

trance
trance
شكرآ اخت النوري على سرعة تجاوبك
معناته كل الفندقين جدد وهذي ميزة حلوة
لأني الصراحة استغربت محد من التقارير ذكرهم ولا حتى اي احد جاب طاري لهم
طيب وش رايك بمواقعهم . . يعني ايهم افضل
الفندق الاول قريب جدآ من فندق ريتاج ريزيدنس شرق وفندق لي فندوم

النوريq
النوريq
لا طبعا الفندق الثاني أفضل لانه لاصق في مجمع السيتي سنتر وهو أكبر مجمع عندنا مثل ماتعرف
وحياكم الله في قطر

النوريq
النوريq
ولو لقيتوا انهم فتحوا الماريوت بيكون أحسن بعد لانه بعد لاصق في السيتي سنتر
ومعروف ان الماريوت أفضل من رينيسانس

jawan5555
jawan5555
ماصترت اختي النوري
وحياكم بقطر

غريب الاه
غريب الاه
وش رايك في ريتاج الريان في نفس المنطقة تسكن ليلتين والثالثة مجاناً
تقبل طاعاتكم وصيامكم وقيامكم

مهندس قطري
مهندس قطري
اخووي الفندقيين اجداد وتوني اعرف انهم افتتحووا كنت احسب انهم تحت الانشاء . اشووف ان ريسنانس احسن مشبووك بالسيتي سنتر وحلو من ناحية الموقع ما يحتااج ريسنانس بمنطقة الابراج

trance
trance
اشكركم جميعآ على تجاوبكم
اخت النوري:
الماريوت الظاهر انه فتح لأنه مدرج بقائمة بوكينق والصراحة ماينقدر عليه لأنه كذا >> $$$$
اخ jawan
شكرآ على مرورك
اخ غريب الآه:
والله اقتراحك حلو ومغري . . بس هل الفندق فخم ؟ والعرض اللي تقول موجود في بوكينق وإلا من نفس الفندق ؟
اخ مهندس قطري:
ترا يمكن الفندقين افتتحن بس مو رسمي . . وشكرآ اخوي على نصيحتك لأن الصراحة تهمني الاطلالة
الله يعطيكم العافيه جميعا وهذا العشم بأهل قطر
إن شاء الله اذا احتجت شي آخر بسأل هنا لأن اعرف ان وراي ظهر وسند وماراح يقصرون معي
شكرآ مليون

المرواني الجهني
المرواني الجهني
السلام عليكم ورحمة الله و بركاته
واضح ان الفندقين جداد
ولكن اذا كنت تبحث عن فندق يقع بالقرب من منطقة الأبراج فعليك بالفندق الثانيRenaissance Doha City Center Hotel
ولكن لابد ان تشترط عند الحجز بأن تكون الغرفه مطله على الأبراج
وشكرا


خصم يصل إلى 25%