- الرحله كانت قبل رمضان المبارك باسبوعين تقريباً ..
- اول ما وصلت لمطار مانيلا الدولي كانت الساعه 4 مساءً
السلام عليكم احبتي
قبل كل شي اشكر الجميع وكل من قدم اي معلومه عن الفلبين بشكل عام لاني رحت وجيت وكل المعلومات اخذتها من هنا
فشكرا لك يا ابوطلال .. العاطل ..الغزال الاشقر .. والكثير الكثير من الاعضاء
واقل شي اقدمه لكم ...تقريري البسيط عن رحلتي للورده ...
وان شاء الله تجدون ما يسركم في هذا الموضوع...
رحلتي كانت عباره عن 8 ايام فقط .. فقررت ان تكون الرحله لمانيلا والاماكن القريبه منها ..
الرحله كانت قبل رمضان المبارك باسبوعين تقريباً ..
تم الذهاب عن طريق الخطوط السعودية دايركت والتذكره كانت ب 2800 ريال ... رحت وجيت والغريب هذه المره انه ما لقيت ولا موظف سعودي بالطياره لا مضيف ولا طيار !! والخدمه اعطيهم 410 بالكثير ,, كله كوم والفلم المصري اللي كل شوي يعيدونه كوم,
اول ما وصلت لمطار مانيلا الدولي كانت الساعه 4 مساءً
ومن توصيه لاحد الزملاء توجهت لفندق سن سيت تور بمكاتي واخذت غرفه ب 2000 بيسو وعلى طول رحت انام بالغرفه .... وكلها ساعتين واصحى من الحر لان المكيف مايبرد ابد.. وقلتلهم المشكله وقالو بنصلحه !! قلت طيب بغير الغرفه .. قالو بكرى !
الصراحه الفندق ماينفع ابد ...ما ادري وشلون اخذته لان الرحله كانت مرهقه شوي وكانت كل شوي تهز,,, هز الله بطونهم
لكن اخذته من توصيه وابتلشنا بهالتوصيه اللي ما زبطت معي
وهذه اول صوره اخذتها للورده ولابد تكون هي الاولى بالرغم من عدم الصفاوه للصوره (من غرفه الفندق )
واروح ادور على فندق ازين ... واسعسع بالشوارع ومن فندق الى فندق ..
ورسيت على فندق رويال بلايجو ..
رهيب وغرف جميله ..كان عندهم عرض الغرفه العاديه ب 1800 بيسو فقط لكن كانت فل وكنت موسع الصدر واكاسرهم بسعر غرفه اوسع من العاديه بشوي واخذتها ب 2000 بيسو لكامل المده مع وجبه افطار لكل يوم
وارجع واخذ اغراضي من الفندق الاول ..
فرق بين السماء والارض بين هالفندقين وبنفس السعر !!< يحب يسولف
ابلشتكم بالكلام
هذه بعض صور للغرفه في فندق رويال بلاجو مكاتي
ومن زاويه اخرى
وهذه دورة المياه اعزكم الله
اخذت دش على السريع ونوم مع شوية شخير الى الفجر..
في الصباح الباكر ... نزلت تحت الفندق وفيه كافي جميل .. جلست اتقهوى وافطر واشوف هالعالم الماره اللي مصحصح ونص مصحصح .. ويجلس معاي بعض الاخوان الخلجيين وهاتك يا سواالف
وهذه صوره لمكاتي من الغرفه والجو اللي على كيف كيوفك
بعد كذا تم الاختيار للذهاب الى مول اوف اسيا على تاكسي ب 130 بيسو
وهذه لقطه للجبني اللى تلقاه دايم قدامك ولا ودك تركبه
والمول كبير جدا يتكون من جزئين تقريباً ... جزء مكيف والاخر غير مكيف خارجي ويكون على الاطراف ..
وهاتك ياتمشي بوسط السوق
رحت للسنيما وشاهدت فلم بصاله 3D .. كانت صاله وعرض رائع مميزه بالرغم من الزحمه واللجه والسعر كان ب 250 بيسو
جلست اتغدى في مطعم هادي ولا فيه زحمه لاني ما احب الازعاج
طلبت سمك مع رزهم الابيض اللي ما ادري وشلون ياكلونه
طعم السمك لايعلى عليه لكن الرز ماجازلي
بعد كذا رحت للجهه المقابله للبحر .. مكان رائع وجميل جدا
يوجد الكثير من المطاعم والكافي وايضاً الالعاب
يوجد اكثر من ممر فوق الشارع العام المؤدي للبحر
ومن الجهه الثانيه
والعاب للاطفال جميله واعجبتني هذه .. كان ودي اجرب بس قلت بيعيون علي اكيد
كان ستار بوكس كافيه قريب مني وجلست ارتاح فيه
واخذت نعناع بالليمون بارد على كيف كيوفك
وهذه لقطه اخيره قبل الرجوع للفندق
للموضوع بقيه ولازلنا في البدايه ...
فالقادم اجمل
تقرير من بداية روعه واكيد البقيه اجمل ننتظر معك بقية مغامراتك
تحياتي العطره