الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
خالدالسيف
07-07-2022 - 04:03 am
السلام عليكم ورحمة الله وبركاته .....
أذكر آخر مرة زرت الكويت فيها كان شهر 3/1990 (قبل الغزو الغاشم ب5 شهور) .... يوم كنت عزابي ..
والآن أرغب بزيارة خاطفة للكويت الحبيبة (يوم واحد فقط) .... برفقة أم العيال ..
أستفساري لأخواني بالكويت الحبيبة :- بعد ماأدخل للكويت من النويصيب .. وشلون أقدر أوصل بأسرع وأقصر الطرق لمجمع الفنار .. وفيلا مودا (يقولون أنه بجنب ميناء الشويخ) ؟؟ .. واذا فيه مجمعات راقية تستاهل الزيارة .. ووين أفضل مطعم ممكن الواحد يتغدى فيه ؟؟ , وهل المجمعات التجارية فيها شركات صرافة , ولا المحلات تقبل الريال السعودي وكم سعر صرفه؟؟ .
ملاحظة :- هل تتوقعون يكون زحمة صباح الخميس في منفذي الخفجي والنويصيب وكيف سهولة الأجراءات هناك؟؟
محبكم / أبوتركي


التعليقات (6)
ناصر كويتي
ناصر كويتي
خالدالسيف
الله يحييك اخوي بين اهلك واخوانك وزيارتك للكويت قديمه وتقريبا كل شي تغير المهم اذا تبي تروح الفنار من النويصيب اول ماتدخل الكويت طوالي لاتغير شارعك ابد ليمن توصل الى محطه التحكم بالكهرباء اللي على الدائري الخامس ومنها الى السالميه وبالخصوص شارع سالم المبارك يوجد فيه مجمع الفنار وكل المجمعات الجديده
اما بخصوص فيلا موده الغالي جدا جدا تاخذ الطريق الخامس حتى توصل الى جسر الغزالي او ميناء الشويخ وطوالي توصل له وهو سهل وفي المنطقه الحرة
في عندك مجمع المارينا مول في السالميه وهو راقي جدا وتقدر تصرف الريال بكل مكان وبكل محل بس راح تخسر فيه انصحك تصرف من السعوديه احسن
اتمنى اني جاوبت لك عن اسئلتك وياليت تسال اذا في شي ناقص
COLOR]

خالدالسيف
خالدالسيف
.. ...
, ... ...
/

ناصر كويتي
ناصر كويتي
خالدالسيف
العفو اخوي وحنا بالشوفه المطاعم اذا ناوي مطاعم عالميه انصحك تروح على البحر كلهم موجودين على الكورنيش وهو بالمناسبه مقابل مجمع الفنار يعني ما يضيع
والاجراءات سهله وبسيطه وانت في سيارتك ماتنزل طبعا في كباين خاصه للجوازات والجمرك
على طول روح لاتعبي اوراق ولاشي وفي الخفجي طبعا لازم تروح للتطبيق ( المطبقه ) بالنسبه للنساء طبعا
وفي الكويت ماكو طبعا
من المطاعم العالميه على الكورنيش
هارد روك فرايديز تشيلي ابل بيز ماكدانالز لونوتر روبي تيوزدي ومطهم ميس الغانم مقابل الابراج انصحك فيه وبشده لانها لبناني وقديم بالكويت

امير الاحساس
امير الاحساس
na9erq8
مع كل التقدير والشكر للاخ na9erq8 ,, على المساعدة الا انني لا أنصحك بمطعم ميس الغانم ,,,
بصراحة اتذكر اني رحت له قبل سنه ,, وتسبب في مرض زميلي ,, وايضاً عانيت انا ببعض المشاكل في بطني بسبب هذا المطعم ,,
ربما تكون حالة شاذة , ولكن بعد هذه الحادثة ,, سألت عنه وماامدحوه لي
اتمنى لك سفرا سعيدا ,,
اخي na9erq8 ,, كم سعر برموده بالليلة تتوقع ؟؟

خالدالسيف
خالدالسيف
أخجلتمونا بكرم أخلاقكم العالية .....
الحمد لله رب العالمين .... رحت مع أم تركي ورجعنا بسلامة الله .... بأمانه المعاملة أكثر من رائعة من يوم وصلنا لجوازات وجمرك النويصيب (هذه شهادة حق) .... السيارة اللي معاي فيها نظام النافيغيشن وساعدتني كثير جدا ... بالأضافة الى مساعدة الطيبين من أهل الكويت بارك الله فيهم .. وأذكر منهم واحد بعائلته وصلني بنفسه وأنا أمشي وراه من شارع الخليج الى بوابة فيلا مودا اللي عند ميناء الشويخ (جزاه الله 1000 خير) .... بس بصراحة البلد زحمة مره خاصة بالليل (وأنا أبطلع من الديرة) .. التسوق حلو بالكويت ولو أن الأسعار غاليه بعض الشيء.. رحت لفيلا مودا .. الفنار .. سوق شرق ..الصالحية .. الراية .. وأجبني بوتيكات الماركات (شانيل-بربري-جوتشي-فندي...الخ) بضائعهم مره مميزة .. بس كان ودي أروح للمارينا مول بس ماأسعفني الوقت .. مشيت من الكويت حوالي الساعة 11ونصف بالليل وصلت للدمام 3 الفجر .... المطاعم : رحت لمطعم شيليز اللي بسوق شرق وبصراحه أكلهم فاشل (جايبين الأكل في صحون بلاستيك والعصير بكاسات كولا الورقية!!!!) غير كذا وبأمانه حبيت الكوين وأهلها (بارك الله في البلد وأهلها) ... وبأذن الله لي رجعة قريبة لديرتنا الغالية (الكويت)...
محبكم / أبوتركي

رحــــال
رحــــال
الأخ بوتركي حياك الله معانا بالكويت باي وقت
وانشاء انك استمعت بزيارتك السريعه للكويت واتمنى تكرار زيارتك للكويت


خصم يصل إلى 25%