كاندي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ضراس
06-11-2022 - 12:20 am
السلام عليكم ورحمة الله وبركاته
اخواني اعضاء منتدى العرب المسافرون حبيت اشارك معكم تجربتي في رحلتي الى سريلانكا مع شركة تعاقدت معها اسمها
(Great Vacations) قريت فكيشنز لصاحبها (كريس ارنولدا)
بداية الامر فكرت اني اختار شركة مو معروفه ومنتشره بين العرب هنا بالمنتدى خاصة ان الاغلب يتعاملون مع شركات معينه تنعد على الاصابع وناس تمدح وناس تسب في هالشركات
فقلت يلا يمكن اطلع لي بشركة جديده وتحاول تجذب زباين عربيين فتسوي اللي تقدر عليه عشان نكون مرتاحين
فقمت ومسكت القائمة حقت الشركات اللي معتمده من وزارة السياحه السريلانكيه اللي موجود هنا بالمنتدى وراسلت فوق العشرين شركة وبعضهم ردو علي وبعضهم لا
وطحت بهالشركة (great vacations) اللي كان سعرها معقول نوعا ما وهو نفس السعر اللي اعطتني اياه شركة اير وينق
وفنادقنا هي : رمادا كولومبو- كلوب دولفين نيقمبو - ليلتين هوناس فولز- ثيفا كاندي- ليلتين شاليهات قفرنورز بنورليا- ليلتين بنتوته بيتش- كازا كولمبو كلهم مع فطور
وسعرنا شامل المواصلات لاي مكان نبيه والسواق يكون معنا 24 ساعه والبنزين والمصاريف حقت السيارة كلها عليه وأكدنا على هالشي اكثر من مره, وأنا السواق يتكلم عربي,ويكون مرشدا سياحيا.
اسم صاحب الشركة كريس ارنولدا وهو اللي يرد علينا بالايميل كان جدا متجاوب معنا ويرد علينا بنفس اليوم اللي نراسله فيه
طلب مننا تحويل ربع المبلغ عشان يبدا يحجز وحولنا له وطلبنا منه الفاوتشرات حقت الحجوزات وصار كل يومين او ثلاثه يرسل لنا حجز واحد
لحد ما بقا حجزين اللي هم شاليهات قفرنورز وبنتوته بيتش
ارسلنا له نطلب منه التاكيد حق هالفندقين وما رد علينا
انتظرناه اسبوع اسبوعين وما رد
بالاخير قررت ادق عليه.. ودقيت عليه ورد علي وسألته وين الحجزين قال معليش النت عندي فيه مشكله وانا مشغول هالايام بس الحين اول ما تقفل برسل لك التأكيد قلت له طيب اشوف
وقفلت منه وانتظرت يوم يومين وما ارسل
واضفته عندي بالسكايب وتطلع لي صورته عاد هنا انا ضاق صدري
حاط وراه علم اسرائيل
قفلت بنفسي يلا دامني دفعت له المقدم وتعاقدت معاه خليني اكمل خاصة انه مسيحي مو يهودي فلا اشغل بالي بهالعلم
وبالاخير قررت ادق على الشاليهات بنفسي واشوف اذا جد حاجز لنا ولا اتهاوش معاه
ودقيت وسالتهم عن الحجز وقال لي تونا دقينا على صاحب الشركه وقلنا له ان الحجز تأكد
قلت زين وقلت بنفسي مو لازم ادق على الفندق الثاني شكله صادق
المشكله الاولى:
جا موعد رحلتنا ووصلنا مطار سريلانكا وخلصنا اغراضنا وصرفنا وطلعنا صالة الانتظار ولقينا واحد شايل لوحه باسمي رحت لمه على بالي انه سواقنا
طلع هو صاحب الشركه اللي نراسله
سالته وين السواق
قال يوصل عايله سعوديه وبيجي بكرا لكم وانا اليوم بوصلكم اي مكان تبون قلنا زين
ودانا الفندق وطلب مننا ندفع له باقي المبلغ قلنا طيب وين العقد قال باللاب توب
قلت لا ما ينفع لازم يكون مطبوع ومختوم من المكتب قال حنا ما عندنا ختم بس توقيعي
قلت طيب ابيه يكون مطبوع وتوقع بخط يدك قال لي ما يحتاج انا دايم اودي اوروبيين وما عمرهم طلبو مني عقدهنا انا قلت اوماا !! اوروبيين وما ياخذون عقد !! كثر لي منها !! ابي عقد مطبوع وموقع بخط يدك واثبات ان عندك مكتب وبعدها اعطيك الفلوس


التعليقات (9)
ابن فطفوطه
ابن فطفوطه
اخوي ضراس والله حرام عليك سويت بعمرك جذي وقطيت نفسك على ناس مو معروفه
والمنتدى هذا صاير هني عشان كلنا نفهم شنو نسوي اذا نبي نسافر وناخذ معلومات من بعض
ونسمع نصايح بعض مو نسمع نصيحه ونروح نسوي عكسها ( ما عليه سامحني بس انبطت جبدي من الي صار فيك )
وثاني شيء اهوا لما اخذ الفلوس فتحلك السكايبي وحاطلك علم اسرائيل عشان يبي يطفشك وما يبيك تجي ويبلع الفلوس
واخيرا دير بالك لا تعيدها والله يوفقك بسفراتك الجايه ان شاء الله
تقبل تحياتي

أبو WASAN
أبو WASAN
آآآآآخ يا ضراس على هالدوخه وش هذا اعوذ بالله عسى ماسكت ولا اشتكيت
اشتكهم على شرطة السياحة
انا برحلتي ما تعرضت ولله الحمد على اي موقف لاني صممت بنامجي بنفسي من الالف الى الياء عن طريق موقع بوكنق وموقع اقودا ومواقع الفنادق انفسها والسواق من عبدالعزيز الزهراني بالمطار اخذته مع اني متفق مع واحد بالايميل بس كان محدد لي الكيلوات 100كيلو في اليوم ولما نزلت المطار قلت اشيك على الشركات اول ولقيت عرض عبدالعزيز زهراني افضل واخذت السواق وارتحت جدا
اهم شي سلامتك يا طويل العمل

الشايب.
الشايب.
الحمدلله على سلامتك .. هذا اهم شي والله يعوضك خير منها

النسر الذهبـي
النسر الذهبـي
قصتك قريبة من قصتي بس انا هون شوي
وكله بسبب واحد مدح لي واحد وصار مايسوى
والحمد لله على سلامتنا كلنا

اللـــــيث
اللـــــيث
لا حول ولا قوه الا بالله
الله يعينك يا اخوي والله شكلك تقول بخاطرك الا يا طابها مره ثانيه

الاوسيط
الاوسيط
اولا حمدالله على السلامه متباركين بالشهر الكريم . والله المفروض انك تروح تشكيهم عند هيئة السياحه او الشرطه عشان يكونو عبره لمن لايعتبر. الا ان الملاحض ان مافي احد راح وشتكى على شركه سياحيه او على الاقل انا ماقراءة في المنتداى عن ان في واحد شتكى.

saffron
saffron
الحمد لله على سلامتك
وهذي درس لنا ولك
وهالشخص هو الخسران
لان سمعته تبي تكون بالحظيظ
لكن انا ماقهرن الا يوم قال انا متفق ان السواق معك 24 ساعة بس السيارة لا
ويقول رح تمش انت واياه
مابقى الا يقول وروشه بعد واطعمه ولايصيح

ام نواف ونورة
ام نواف ونورة
لا حول ولا قوة إلا بالله ...
الحمدلله على سلامتكم ومشكور على التحذير بارك الله وفيك ,,
يليت تكتب اسم الشخص وصورته ووسائل الاتصال في الموضوع المثبت للقائمة السوداء للمكاتب ..
ماقصرت ..

باسل الغانم
باسل الغانم
ياخوي انت الغلطان
واالا تروح وتثق في هالشركات اللي ماينعرف وش اصلها وفصلها
والا عندنا هنا بالسعوديه ولله الحمد مكاتب سياحيه كبيره ومضمونه
مثل المعجل وكانو والطيار
يعني معقوله تركت كل هذوله ورحت لابو هنود ذا ؟؟!!
يارجال انا من شفت صورته وانا احس انه يغسل سيارات وبعد تخب عليه
هذا واشكاله جالسين بس يتصيدون العوايل السعوديه يفكروننا عندنا فلوس وغشيمين
عموما هذا درس لك يالغالي
وكل ضربه بتعلومه
لاهنت


خصم يصل إلى 25%