أتوقع نسبة اللي يحجزون عن طريق مواقع الحجز يفوق 80% الناس خلاص فتحت تغير الوقت
والنسبة زادت لأن كان نسبة كبيرة يخافون من البطاقات الائتمانية ومايبغون شك في الحلال والحرام وطلعت البطاقات المسبقة الدفع وحلت هذي المشكلة
بالنسبة للمصداقية غير معقول أني بجرب أحجز من كل موقع في الديرة اللي أنا فيها
وعلشان الخوف فيه مواقع أشهر من نار على علم ومجربة من وقت قديم ومصداقيتهم عالية على سبيل المثال بوكينق & اقودا & اسيا ترفل & فندق كوم وغيرها الكثير
بالنسبة لي لايهمني اسم الموقع ابحث عن ارخص واحد واذا حصلت الفرق كبير بحثت عن اسمه في المنتدى وأشوف ردود الأعضاء عنه واذا كان موثوق حجزت عن طريقه واذا كان الفرق بينه وبين بوكينق فرق بسيط أختار بوكينق لأن خدمة العملاء فيه ممتازين وصارت لي مواقف مايقفلون الخط الا اذا حلو مشكلتي
والموضوع هذا أثروه الأعضاء وبإمكانك من البحث تشوف المواقع الممدوحة والمذمومة

1- إيش هي البطاقة مسبقة الدفع ؟ هل تقصد البطاقة التي تسحب من رصيدي وليس من رصيد البنك ؟.
2- إيش أحسن البنوك في السعوديه نشيط في شراء او التسوق عبر الإنترنت هل هو سامبا في نظرك ؟
3- مارأيك في بطاقة llc من سامبا ؟
4- زميلي جرب يحجز من موقع بوكينج للنمسا وقال أسعاره تفرق واجد وأحسن من المكتب السياحي

الصراحة قليل الي اعرفهم يحجزون عن طريق مكاتب سفر
الناس ياتحجز مع الخطوط مباشرة او من النت
مكاتب السفر تحتاجها في حالات محدوده انه يقدم لك اسعار خاصة على شركة معينه بس
الفنادق انا ماعندي ولاء لموقع معين
انا ولائي للارخص بس
وفي حاله كان السعر متقارب احجز عن طريق بوكينغ
بوكينغ اهم ميزة لايمكن استغني عنها هي تقييم الفندق
التقييم فيه جدا جدا جدا دقيق ودائما حتى لو حجزت عن طريق موقع ثاني اشوف تقييم بوكينق له وراي النزلاء الي معروضه فيه اذا حسيت من كلامهم انه حلو
احجز مع الارخص علطول
انصح باستخدام موقع http://www.hotelscombined.com/
فهو يعطيك ارخص سعر لاي فندق لاغلب المواقع المعروفه وقد تتفاجأ انك تلقى سعر لنفس حجزك بسعر اقل قد يصل الى 25%! في موقع اخر ماتعرفه
طبعا هو يسوي مقارنات لارخص 5 او 7 مواقع وفق متطلبات حجزك والفندق الي تبي وانت تختار الي تبي
طبعا المواقع الي يتعامل معها تكون عادة موثوقه.
تحياتي

1- إيش هي البطاقة مسبقة الدفع ؟ هل تقصد البطاقة التي تسحب من رصيدي وليس من رصيد البنك ؟
بطاقة فيزا رسومها السنوية 100 ريال تكون فاضية مافيها رصيد اذا بغيت تحجز من موقع تودع فيها فلوس عن طريق البنك أو تحول لها فلوس من حسابك وتستخدم الفلوس في الحجز .
2- إيش أحسن البنوك في السعوديه نشيط في شراء او التسوق عبر الإنترنت هل هو سامبا في نظرك ؟
على حد علمي وآخر شيء أعرفه أن مايقدم البطاقة الا الراجحي والأهلي والرياض والصراحة ما أدري عن البنوك الثانية لكن زي ماقريت هنا أن الاهلي أفضل في صرف الدولار من الراجحي لكن التقديم علي البطاقة في الاهلي يأخذ وقت
3- مارأيك في بطاقة llc من سامبا ؟
أول مره أسمع بها واللي عنده خلفيه يفيدنا فيها لأن حسابي في سامبا ولا أخذت منه بطاقات
4- زميلي جرب يحجز من موقع بوكينج للنمسا وقال أسعاره تفرق واجد وأحسن من المكتب السياحي
بدون نقاش أكيد أنها أرخص بإعتراف أصحاب المكاتب السياحية

نسيت اسمي
الله يعطيك العافية
بنبه بنقطه أنا دايم أستخدم الموقع hotelscombined وألاحظ عليه أنه يفوت بعض الأحيان بس يبي لك زيادة حرص تتأكد من روابط مواقع الحجز وأنا أشوف أنه أفضل موقع للمقارنة وتفوق على غيره