تايلاند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عسل مغشوش
04-11-2022 - 11:28 pm
مرحبا جميعا
مساكم الله بالخير جميعا اخواني اعضاء المنتدى انا رجعت بالسلامة من تايلاند قبل 10 ايام وبصراحة انا سافرت الى 80% من دول العالم بس والله اللي ما يروح تايلاند اعتبره ما شاف من الدنيا شي خاصه للي يحبون السفر .. بلد تلقى فيها اللي تبيه من جمال طبعيه ومن اسواق ومن انواع الترفيه بجميع انواعها بالأضافه الى الجو الرائع وطيبة الشعب التايلاندي اللي بحياتي من شفت مثل هالشعب والأمان العجيب وراحة البال والأبسامه اللي تلحقك وين ما تروح بصراحه سفره عسل .. انا كتبت بموضوع بالمنتدى هذا قبل ما سافر اسمه العنوان (مسافر الى تايلاند بس سعودي) وبصراحه انا كنت متردد لأني ما املك تصريح بالسفر .. بس باعها عسل مغشوش ابشركم سافرت ورجعت بدون تصريح ولا شي ( ولا خليت السفره بخاطري ) ;) راح اتلكم بموضوع ثاني عن تافصيل دخول تايلاند للسعودين تنفعهم ووش يسوون ومعلومات فرش خاصه بالفيزا انتظروني بموضوع ثاني لأني لازم امشي الحين لأني بالدوام
سلامي للجميع
عسل مغشوش .. بس طبيعي صدقوني


التعليقات (9)
المهاجر
المهاجر
الاخ عسل صافي
الحمد الله على السلامة
هل تايلند احسن من ماليزياء واندنوسياء ادا كان الجواب( نعم ) ياليت توطح الفرق في كل الي شفتة ان كنت زرت ماليزياء واندنوسياء بالتفصيل الممل وشكرا سلفا

خيال
خيال
الحمد لله على السلامة
وتراك شوقتنا لهالبلد .. وايام بوكيت الله
حلوة .. بس الفساد فيها كثير .. وما تصلح عوائل

مرصد
مرصد
هلا عسل مغشوش و الله البلد رهييبه انا رحتلها قبل 6 شهور وجيت وما قالو ي شي بالجوازات طبعا عن طريق البحرين ونصحت واحد يروح وجلس هناك بدل من 15 43 يوم .........
الاسبوع الماضي كلمت واحد من الشباب في الجوازات قالي حنا ماعندنا مشكله بس المشكله اذا جيت تجدد لازم تكلم واحد تعرفه وبصراحه انا مخط اروح بعد رمضان لانها بصراحه ديره مافيه ممنوع والشعب داءما مبتسمين وسلامتكم مرصد الك

adam
adam
البلد حلوه فوق ما تتصور خلك طبيعى
روح ولا تفكره .......... نصف عمرك يروح اذا ماشفت تايلند خلك طبيعى
خلك طبيعى ويامحلا السفر الى تايلند خلك طبيعى
خلك طبيعى

Doha Land
Doha Land
السلام عليكم ورحمة الله وبركاته
الحمدلله على سلامتك ياعسل طبيعي
شوقتنا لتفاصيل رحلتك
خذ راحتك وانت اتفصل .. قصدي تشرح ..

البدر
البدر
النص الأصلي مرسل من قبل عاشق السياحة
الحمد لله على السلامة
وتراك شوقتنا لهالبلد .. وايام بوكيت الله
حلوة .. بس الفساد فيها كثير .. وما تصلح عوائل

Hesham
Hesham
حمدالله على السلامه اخي عسل ....
والله انك عسل مصفى موب مغشوش ....
ننتظر موضوعك على أحر من الجمر
تحياتي

عسل مغشوش
عسل مغشوش
اول شي يا جماعه انا رحت للتايلاند عن طريق الكويت مع شباب اعرفهم خبركم الخليجين عادي يروحون هناك وهم من قبل سنه وهم يحاولون اني اروح معهم بس انا متردد وانتوا تعرفون السبب الجواز المهم خربتها هالمره وقلت لازم اروح وبالفعل رحت وكانت رحله 7 ساعات بس حلوه خاصه اذا معاكم شباب .. المهم اول ما وصلنا مطار بانكوك كانت المناظر حلوه والمطار حلو ومرتب على حسب الأصول وفي ملاحظه اللي يدخن بالمطار اول ما يوصل راح يروح فيها غرامه ماليه 1500 بات يعني 140 ريال سعودي نصحيه للمدخنين انتظروا الين ما تطلعون وقفت طابور للجوازات مع اخواني الكويتين ويوم جا دوري قالي موظف الجوازات السعودي لازم فيزا وبعد انتظار بالطابور رحت لمكان ثاني داخل المطار يعطونك فيزا وصول قيمتها 300 بات يعني 26 ريال سعودي الله يديم الرخص وتعبي استماره ومعها صوره وانح اللي يروح يجيب معه صوره عشان لا يخلونه يصور عندهم ويدفع عليها فلوس وكان معاي واحد سعودي من الرياض ونفس المشكله انتظرنا انا معه بالطابور يمكن 10 دقايق الين ما طلعت الفيزا بس كانت المعامله حلوه مره بس اول للسعودين ما كان فيها فيزا والحين غير بكل مكان وللمعلوميه يوم طلعت الفيزا مدتها كانت 15 يوم فقط وانا كنت ناوي اقعد والله لا يوريكم الفيزا العمى يشوفها من كبر الختم اللي بالجواز يعني فضيحه فضحيه ويوم رجعت كنت متأخر على موعد الفيزا 6 ايام جلست 21 يوم ودفعوني غرامة تأخير عن كل يوم 200 بات يعني 17 ريال عن كل يوم تأخير بس لا تشيلون هم انا رحت ورجعت وسافرت مره ثانيه ولا احد انتبه ولا قالي شي ;) المهم طلعنا من المطار وكل انواع التكاسي اللي تبيها موجوده واسعارها رخيصه حلوه وسيارت ممتازه ومكيفه واخذنا تاكسي من المطار الى بتايا 1500 بات سياره جديده يعني 140 ريال سعر حلو وكانت اول نقطه للوصول بتايا وكانت حلوه مره بس ما تصلح للعوايل قعدنا فيها 5 ايام وبعدين رجعنا الى بناكوك ومنها الى جزيره بوكت بالطياره الجزيره الي اعتبرها من الجزر الرهيبه اللي شفتها وكانت سعر التذكره الداخليه 480 ريال سعودي وهالجزيره في حواليها مجموعة جزر رهيبه وتعتبر من احلى الجزر بالعالم من حيث المنظار وصفاوت المياه والله جزيره ما تتفوت وفيها عرسان كثار حلوه للعوايل وشهر العسل ;) وقعدنا فيها 7 ايام وبعدين طرنا منها الى جزيرة سموي تبعد عن بوكت نص ساعه تقريبا بالطياره وهاذي الجزيره جنه وهاديه مره وحلوه مره للعرسان الجدد وجلسنا فيها 3 ايام وبعدين رجعنا الى بانكوك المدينه الصاخبه المزدحمه مره يوه لا تشوفون الزحمه بس متعه جلسنا فيها عشان التسوق اخر الرحله فيها مجمعات غير طبيعيه واسعار خياليه مره وانصحكم في مجمع طوكيو سنتر كل اللي تبيه موجود فيها .. وسوق الليل سوق الماركات الملقلده كل الماركات العالميه موجود فيها وبأسعار خياله بعد اسمه باتبونق والله ادري اني طولت عليكم مره سامحوني وان شاء الله راح اعطيكم احسن الفنادق في كل منطقه زرتها لأني دخلت كل الفنادق تقريبا في كله مدينه وعرفت عنها كل شي وانا حاضر عن اي اسئله يا شباب .. بس والله ديره يا جماعه ديره وبرجع لها مره ثانيه
اسف طولت عليكم مره ولي رجعه ثانيه لكم
اخوكم اللي ازعكم عسل مغشوش ;)

طيف الورود
طيف الورود
الحمد لله على سلامتك /عسل مغشوش .........
الله يعطيك العافية على الرحلة بانتضار الباقي.
ولو توضح لنا كم كلفة رحلتك وفي كم يوم .......................


خصم يصل إلى 25%