النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
FuNnY GiRL
13-04-2022 - 09:30 pm
  1. عندي كم سؤال الا وهم :-


مرحبا جميعا
كل عام وانتوا بخير والله يبلغكم رمضان ويعينكم على طاعته وحسن عبادته
يشرفني اني اكتب في بوابتكم وبصراحه احترت وتعبت من كثر التفكير وقلت مالي الا اخواني وخواتي العرب المسافرون
بدخل في الموضوع على طول واسمحولي على المقدمه الطويله نوعا ما

عندي كم سؤال الا وهم :-

1) ليه الكل يفضل السكن في كابرون على زيلامسي وشنو الشي اللي يميز كابرون عن زيلامسي
2) احنا 2 بس انا وزوجي وين تنصحونا نسكن في زيلامسي او كابرون شنو الاحسن واللي يناسبنا علماً ان احنا بنروح شهر 9 وكنت حاطه العين على فندق جراند بس شفت واجد يذموونه والفنادق واجد وتحير واخاف نسكن في فندق ويطلع مب اووكي واتوهق
3) شنو احلى اماكن في زيلامسي .. علماً اني ماحب الشلالات وماتعجبني زيارتها احسها ازعاج يفجر راسي ابي اماكن صدق يعني اللي مايشوفها كانه ماراح زيلامسي اماكن ادوخ حتى لوكانت مش في زيلامسي في قرى ومناطق شوي بعيده
علماً اني رحت للنمسا من قبل هاني موون وكان بوقت الكريسمس ماتتخيلون جمالها شي خرافي وزرت اغلب الاماكن الا زيلامسي قالوا لنا ماتصلح في هذا الوقت بسبب ان ثلوجها اكثر من اي مكان علشان كذا نوينا نرجع للنمسا علشان انشوف زيلامسي ولان الكل يقول طبيعتها روعه .. اتمنى مايخيب ظني فيها
انا اسفه ثقلت عليكم بس اتمنى تستحملوني لاني متاكده ماراح احصل ناس نفس خبرتكم ولااحسن منكم
وشكرا مقدما لكل شخص راح يجاوبني


التعليقات (9)
ابو نزيه
ابو نزيه
هلا بك
جواب السؤال الاول / انا من الناس اللي افضل زيلامسي على كابرون , الا اذا كانت معي عائله كبيره وقتها راح اسكن في شقق كابرون الرائعه
جواب السؤال الثاني / فندق القراند , فندق der sonnberg اذا معكم سياره , فندق Neue Post , فندق fischerwirt في السنتر , فندق سي فيلا مغلق للصيانه
جواب السؤال الثالث /
الأماكن السياحيه في زيلامسي ( كابرون ) :

1_ التجول حول بحيرة زيلامسي الجميله وركوب السفينه في البحيره
2_ الذهاب الى قمة كابرون الثلجيه
3_ الذهاب الى قرية سالفيدين وفيها الزحليقه الصيفيه
4_ الذهاب الى شلال زغموند ثون كلام والمشي على الخوانق الخشبيه الضيقه قريب من كابرون
5_ الذهاب الى قمة شميتين هويه
6_ الذهاب الى ساحة الطيران flug platz لركوب الطائرة السياحيه ولكن لازم الحجز يكون مسبق عن طريق الفندق
7_ الذهاب الى شلالات كريمل
8_ زيارة قرية walchsee وتبعد تقريبا مدة ساعه عن زيلامسي فيها زحليقه صيفيه أيضا وفيها بحيره جميله
9_ اذا عندك وقت فراغ ممكن زيارة ملاهي فاميلي لاند
0- شلال الوادي الضيق ليشتن شتاين وسانت يوهان والمشي على الخوانق الخشبيه يبعد ساعه عن زيلامسي
1- زيارة قرية Goldegg وتبعد 35 كلم عن زيلامسي
2- الذهاب الى مدينة انسبروك وزيارة عالم الكريستال ( سواروفسكي ) القريب منها

FuNnY GiRL
FuNnY GiRL
ابو نزيه
قول امين ... الله يحرم النار عليك ويكتب لك الفردووس الاعلى انت وكل من يعز عليك يارب العالمين
اجابه ولا اروع شكرا الف شكر لك اخي الكريم ويجزاك خير الجزاء

دمـوع الوجـد
دمـوع الوجـد
انصحك بهالفندق في زيلامسي فندق der sonnberg اذا معكم سياره
اما كابرون اغلب الخيارات ممتازه جدا

FuNnY GiRL
FuNnY GiRL
دموع الوجد
الف شكر لج يااختي الغاليه على الاجابه .. انا شفت الفندق في بوكنق شكله حلو بس احسه نظام شقق احنا نبي غرفه نظيفه وحلوه بس ننام فيها مانبي شقه
وللعلم احنا بيكون معانا سياره
والف شكر مره ثانيه

دمـوع الوجـد
دمـوع الوجـد
موشقق هو ما فيه مطبخ وتراه احلى اطلاله على البحيره وبعده السي فيلا رغم اني اشوف انه اذا معاك سياره بعد عن سنتر زيلامسي ويا اما كابرون او الفندق اللي دليتك عليه

FuNnY GiRL
FuNnY GiRL
دموع الوجد
مشكوره حبيبتي والله يجزاك خير ودامك مجربته بعد احلى واحلى اللي ابيه فنادق مجربه
شكرا عزيزتي مره ثانيه

FuNnY GiRL
FuNnY GiRL
هل صحيح ان اغلب فنادق زيلامسي مش مكيفه ؟؟؟

دمـوع الوجـد
دمـوع الوجـد
كل فنادق زيلامسي وكابرون مومكيفه لانه مايحتاج مكيف

نظم معلومات
نظم معلومات
في أي يوم من الشهر بتروحون ؟؟


خصم يصل إلى 25%