LoveNight
16-11-2022 - 02:31 am
السلام عليكم ورحمة الله وبركاته ,,
تحياتي للجميع واتمنى من الله ان يرد كل مسافر الى وطنه واهله .. وان يحفظ الجميع من كل شر ,,
شاكر لكل من شاركني في تقاريري وتفاعل معي فيها .. واسال الله خير الجزاء لكل من دعا لي .. واتمنى ان اكون قد وفقت في نقل تجاربي لكي يستفيد منها كل من يريد السفر لتركيا ..
التقرير هذه المره سيكون مختلفا نوعا ما .. من ناحيه التصوير والمكان والمناظر اهتميت بالتصوير كثير لان المكان يجبرك صراحه ..
المكان قريب لكل من يزور اسطنبول .. واكاد اشبهه باوزنقول مصغره .. بس ناقصه شوي ضباب ..
هذا المكان حقيقه فكرنا نزوره مره ثانيه لان الزياره الاولى دائما استكشافيه اما الثانيه تكون للمتعه وتكون مجهز اغراضك وتقدر تقعد مثل ماتبي
بعد الخروج من غابات بلغراد توقعنا ان هذي الغابات هي خلاصه الطبيعه .. مشينا ولم نكن نتوقع ان نجد هذا المكان الجميل ..
هو عباره عن غابه او حديقه ولكن ارى انها تميل للغابه اكثر .. تحتوي على اشجار نادره وبحيرتين ! والكثير من الجمال والهدوء
انها غابه
ATATURK ARBORETUMU
طريقه الوصول اليها بعد الخروج من غابات بلغراد والعوده الى اسطنبول تأتيك على اليمين ..
الدخول 2 ليره للشخص
الغابه تحتوي على بحيرتين والكثير من المناطق البكر التي لم تتعرض لتخريب البشر .. وكذلك فيها بعض الحيوانات المائيه وخدمات مثل دورات مياه اعزكم الله ..
ومثل كل تقاريري احب الاختصار والزبده بدون كثره الردود وتشعب الموضوع لين يوصل عشرات الصفحات ..والصور افضل من تنقل لكم الصوره ,,
ملاحظه مااسمح ولا احلل نقل الصور لاي مكان اخر .. الصور حصريه لي وللمنتدى هنا فقط مابي اخربها بكتابه ايميل او اسم .. لذلك اتمنى تقدير هالشي
هنا بدايه الطريق بعد الخروج من غابات بلغراد ..
وهنا قطع التذاكر ... وبوابه الغابه
مثل ماتشوفون المنظر العام يغري انك تدخل وتتجول فيها .. طبعا ممنوع دخول السيارات
صوره للنافوره في وسط الحديقه والطرق تتفرع يمين ويسار والى الامام ..
صوره النافوره .. وعاجبني الرخام اللي يستخدمونه في تركيا حتى في الفندق مفس هالنوع وبالمساجد القديمه مادري من وين هل هو بتركيا ؟
بدينا بالطريق اللي على اليسار واول ماتمشي تجيك خريطه الحديقه .. والمنظر اللي خلفها
طبعا كل شجره في الغابه حاطين عندها لوحه توضح الاسم والنوع لانها في الغالب نادره وغريبه ..
وشوفو كيف الوان الاشجار سبحان الله ..
هذا الطريق تمشيه ويوصلك لمكان مادري وش اقول عنه تابعو معي ..
هنا بدت ملامح المكان .. مثل ماتشوفون من بعيد .. البحيره الاولى اخ بس
مادري كيف اوصف لكم المكان صراحه شي مختلف مهما كانت الصوره حلوه الطبيعه شي ثاني
لاحظو تباين الالوان بين الخضره ولون البحيره والسماء .. الصوره تستحق تكون في ناشونال جيوقرافيك
حارس البحيره .. يقولي الدخول عوايل بس .. قلت وين صرنا الرياض طلع يستظرف
وهنا بعد مابدينا نمشي نتابع السير ونكتشف الغابه .. ودعنا البحيره الاولى
هذا الطريق ياخذ فيك لفه على الغابه كلها اذا مشيت معه ..
بعض الصور العامه اثناء التجول ..
صوره جماعيه لمجموعه من الاشجار الكول مسوين حركه البيس شوفو كم لون سبحان الله في مكان واحد ..
طريق يشوقك انك تمشيه مع من تحب ويدينكم بيدين بعض ,, والعزوبي يحط يدينه ورى ظهره ويشبكهم ويمشي مثل حالتي
هنا قربت من البحيره الثانيه .. نتابع مع بعض ..
يمين وتجي البحيره على اليسار
ما اقول الا سبحان من خلق وفرق ..
وهنا صوره بحيره ثالثه صغيره فيها بط وحيوانات بحريه منوعه .. خلف البحيره الثانيه الكبيره
وهنا طريق العوده للبوابه وانتهاء رحله الغابه الكبيره والواسعه
طبعا المكان يستحق قضاء 3 الى 4 ساعات فيه .. تتغدا فيه مثلا تجيب اكل معك مافيه هناك مطعم .. وتجلس على البحيره وتعيش لحظات تأمل ومتعه ..
اضمن لكم واوعدكم ماراح تملون من المكان ابدا وبتزورونه اكثر من مره .. باقي صور كثيره بس اخترت اللي يغريكم
اتمنى ان هالتقرير ينال استحسانكم .. لاني تعبت بالتصوير على شان يظهر المكان بافضل صوره .. وانا لا ابيح ولا احلل ان يتم نقل الموضوع لاي منتدى اخر ولا حبيت اكتب على الصور ايميل او اسم او شي من هالقبيل ,, ولاتنسوي من صادق دعواتكم : )
واجازه سعيده للجميع
يعني قمة المتعه...
جزاك الله كل خير
تحياتي / مكة