قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أوم البنات
09-11-2022 - 06:59 am
السلام عليكم
رحت اليوم لمكتب القطريه
وسألتهم عن الفندق للي رحلتهم ترانزيت اكثر من 8 ساعات
لكنه فاجأني بعد ادخال معلومات تذكرتي اني ما يشملني السكن في فندق
لان مبلغ التذكره لم يصل الى الحد المقرر لمنح أقامه في فندق
علما ان سعر التذكره الواحده 5800 - درجه سياحيه لماليزيا
يقول ناقص مبلغ 480 عن كل شخص حتى تستحقوا اقامه
صراحه تفاجأت جدا
وانصدمت من كلامه
لو اروح خدمة الركاب بيساعدوني
ولا احجز على حسابي من بوكينق وافتك
ايش اسماء الفنادق القريبه من المطار
وشكرا


التعليقات (6)
مهندس قطري
مهندس قطري
والله ماادري ايش اقول لك الله يكون بعونك وفعلا تصرف سيء منهم . على العموم فندق المطار هو روتانا اوريكس هذا موقعم http://oryx-rotana-doha.hotel-rn.com/?lbl=ggl

أوم البنات
أوم البنات
اخوي الكريم مهندس قطري
الفندق اللي عطيتني سعر الغرفه 750 شوي غالي
وش رايك في ها الفندق موقعه زين
لو اخذت فيه جناح جونيور بيطلع علي ب 335

المثنى ابن الول
المثنى ابن الول
شوفي أختي من خلال تجربتي مع الخطوط القطرية انه ما راح يستمرون بصعودهم اذا استمروا بطريقتهم هذي
وللأسف ما اجزم بكلامي فيها ريحة عنصرية لان غالبية العاملين اجانب ويقدمون خدمات رائعة للترانزيت للأجانب
اللي جايين ورايحين الرحلات من الخليج والسعودية خصوصا شروطهم في تذاكرهم تعجيزية شوي من خلال تجربتي
ناهيك عن تعديل الطائرات من كبيرة لصغيرة ولايكون فيها شاشات ترفيه حسب اعلاناتهم طبعا جربتها لاروبا..
ما ودي اضيق صدرك بالكلام اتركي كل هالسوالف وراك واستمتعي برحلتك وربي يوسع صدوركم بالعافية
رابط لاجنحة اسمها ليوان اتمنى تعجبكم
https://www.booking.com/searchresults.html?aid=1300939
رحلة سعيدة وموفقة

مهندس قطري
مهندس قطري
أوم البنات
اي فندق ؟؟؟ ما طلع عندي شي ؟ عندك فندق كورال الدوحه وسويس بيل اسعارهم حول 400 رياال لا تنسين التاكسي 40 رايحه 40 ريال راجعه تقريبا اذا مو اغلى اذا اخذتيه من الفندق.

أوم البنات
أوم البنات
معليش اخوي
نسخت الرابط ونسيت الصقه
https://www.booking.com/hotel/qa/corp-executive-doha-suites.ar.html?aid=1300939
هذا الفندق مكتوب يبعد 5دقايق من المطار
كم بيكلف التاكسي من المطار والى المطار
وكمان لوحبيت اروح سوق فيلاجيو فترة الغداء هل السوق بعيد كم بيكلف التاكسي
ومشكور

مهندس قطري
مهندس قطري
الفندق هذا ما عندي فكرة عنه بس شكله زين صحيح انه مكانه قريب بس بمنطقه قديمة . بخصوص التاكسي من المطار يكون اغلى مجرد ما تركبين يحسب علييج 15 ريال وبعدين الكيلو ماادري بريالين او ثلاثه . طبعا اذا نزلتوا من المطار اسألوا عن التاكسي كروة لانه في ليموزين كروه سعره اغلى بعد. يمديكي بالراحة تروحين سووق فيلاجيو مو بعيد وااجد اذا بتروحينه يعني حطي ببالك 50 ريال رايح و 35 ريال راجعه للمطاار بحدود الخمسة ثمانين رياال.


خصم يصل إلى 25%