أوم البنات
09-11-2022 - 09:59 am
السلام عليكم ورحمة الله وبركاته
اخواني واخواتي الكرام
انا حاجزه على الخطوط القطريه لشخصين
الرياض-- الدوحه -- كوالالمبور -- الدوحه -- الرياض
وبما اني بسافر مع ولدي لحالنا اقترحوا علي بناتي
نروح مع بعض الاربعاء عن طريق البر للدوحه نتمشى يومين في قطر وبعدين اطير مع ولدي يوم الجمعه لكوالا لمبور
فخط الرياض الدوحه ابغى الغيه او ما اروح وكأن الطياره فاتتني
فلما سألت المكتب اللي حجزت منه اني ما ابغي اروح الدوحه بالطياره وبروح بالسياره رفض وقال لو ما ركبتي معهم في رحلة الرياض الدوحه راح تتكنسل كل الرحله لانها خط واحد
وكذلك سألت القطريه قالوا نفس الكلام
مع اني ماابي يرجعون لي فلوسها ولاشي بس يوافقون اني اروح الدوحه مع بناتي الاربعاء عن طريق البر واطلع من الدوحه لكوالالمبور في وقت الرحله المحدد
مدري وين المشكله
انا طرحت سؤالي هنا لان اللي في المكتب اللي حجزت منه واللي في مكتب القطريه موظفين من الجنسيه الهنديه
فقلت يمكن ما فهموا وش ابي
معقوله الخطوط مافيها نوع من المرونه
علما اني لورحت طبيعي من الرياض للدوحه راح اجلس في الدوحه 8 ساعات انتظار لرحلة كوالا لمبور
ياليت اللي عنده اجابه دقيقه يفيدني
واسفه لوكثرت الكلام
وشكرا
انا ما استغرب هذا من الخطوط القطريه لانها شركه متخلفه من ناحية القوانين وخصوصا للمواطن القطري
ونصيحة غيري جحز الدوحة من يوم الجمعه الى يوم الاربعاء وتقابلي انتي والعائله في الدوحة واجلسي فيها يومين على اساس ترانزيت