بانكوك المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الديك الأحمر
04-09-2022 - 01:10 pm
صباح الخير حبايب قلبي
انشالله راح تكون سفرتي بتاريخ 11 سبتمبر اي بعد العيد مباشرة وللحين اخوكم محتار مع اي خطوط اسافر معاها وحاط عيوني على التايلندية بس محتاج رايكم فيها قبل لا احجز عليها
الحين خليني استعرض عليكم جدول الرحله
السفره بتكون 12 يوم ومتوزعه بين 3 مناطق : بتايا و بوكيت وبانكوك لشراء بعض الهدايا للأهل والأصدقاء
الحين خليني استعرض الفنادق لكم
نبتدي ببتايا:
3 أيام راح تكون في فندق Nova Platinum Hotel
يومين بتكون في فندق Pattaya Discovery Beach Hotel
الحين نتوجه لجزيرة الهدوء والاسترخاء محبوبتي بوكيت
يومين في فندق هوليدي ان في الباتونق بيش
ويومين The Nap Patong اذا ما خاب ظني هو نظام فلل مع وجود بركة سباحة خاصه لكل فله
والحين نتوجه لبانكوك
3 ايام بتكون في Fraser Suites Sukhumvit
او في Majestic Grande Hote
وتقريبا هذا الخيارات الي اخترتها انا بنفسي
ورايكم مهم جدا بالنسبه لي
تقبلوا تحياتي
أخوكم الديك الأحمر


التعليقات (9)
حسن الحمادي1
حسن الحمادي1
الجدول ممتاز و اختيارك للمدن و المدة مدروسة بشكل جيد و الفنادق المختارة خطوه موفقة و هنيا عليك .
الطيران التايلندي = نظافة - نظام - التزام بالمواعيد - خدمات + البتسامة
تقبل تحياتي """" *

الديك الأحمر
الديك الأحمر
تسلم لي يالغالي على المرور الطيب
بس عندي استفسار صغير
وين تنصحني اسكن في بانكوك لاني ولا مره كنت فيها
السنه الماضية يوم رحت تايلند كانت مشاكل القمصان الحمر علشان جديه ما جلست فيها
وانا شفت مواضيع اكثر الاعضاء ما ينصحون بالسكن بالقرب من حي نانا مع العلم احنا شباب مو عوائل
فا ياليت لو تنصح اخوك لاني ضايع في موضوع فنادق بانكوك
واشكرك على مرورك الغالي
اخوك الديك الأحمر

الرفاع الشرقي
الرفاع الشرقي
مرحباا اخي العزيز ...
بالنسبه لبتايا مابقدر افيدك بشي لان مازرتها ولا بزورها ههه
بالنسبه لبوكيت ... فالفنادق المختاره ممتازه ... بس حبيت اوضح لك ان فندق tha nap batong
فندق ممتاز وبالنسبه فيه الغرف من 5 انواع
DayDream Deluxe 72
MoonLight Deluxe 8
BlueMoon Suite 6
Atrium Pool Villa 4
Signature Pool Villa 1
هذه الانواع مع عدد الغرف ... ف اذا كنت تفكر بالفيلا مع مسبح خاص ف يفضل الحجز من الآن ولا راح تروح عليك .. او بالاصح بادر بالحجز من الآن للفنادق والطيران ارخص بيكون من الحجز في شهر سبتمبر ..
وبالنسبه لبانكوك .. اقترح عليك بالسكن بالبعد شوي عن منطقة العرب وهذا راجع لك لان عن نفسي افضل ذلك .. وهذه بعض الفنادق المقترحه ..
grand millennium sukhumvit
novotel bangkok at siam square
center point wireless road
amari water gate
aetas bangkok
solo hotel
Aspen Suites Bangkok
رحله موفقه ان شاء الله ..

الديك الأحمر
الديك الأحمر
تسلم لي اخوي الرفاع الشرقي
وبالنسبه حق الفندق المختار في بوكيت انا ناوي انشالله اختار الغرفه الي معاها مسبح خاص وانشالله الحجز راك يكون قريب
وبالنسبه حق بانكوك هل هاذي الفنادق قريبه من الاسواق ؟؟؟
انا كأني اشوف جراند ميلينوم ونوفيتل هم افضل الخيارات المتاحه في بانكوك
شاكر لك مرورك الغالي
أخوك الديك الأحمر

الرفاع الشرقي
الرفاع الشرقي
الديك الأحمر
الله يسلمك اخوي وحاضرين ..
ايوه قريبه ..
ميلينوم من 5 الى 10 بالتاكسي او القطار
نوفتيل دقيقه الى دقيقتين مشي وانت عند سيام براغون والاسواق الي مقابله
خيارات موفقه ..

الديك الأحمر
الديك الأحمر
الرفاع الشرقي
مشكور حبيب قلبي والله

q8hunter
q8hunter
فندق انتركونتيننتال في بانكوك موقعه ممتاز بالنسبة للاسواق

الديك الأحمر
الديك الأحمر
جاري البحث عنه في شيخ المواقع Google
تسلم لي يالغالي على مرورك الطيب

q8hunter
q8hunter
فندق بوكيت حلو وموقعه زين بعيد عن ازعاج الباتونق بيتش .
بالنسبة لبتايا انصحك وبقوة بالسكن في فندق Fraser ... موقع مميز + غرف حلوة + خدمات مريحة . واذا تبي فندق ثاني روح Discovery beach .


خصم يصل إلى 25%