السعودية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
رمروم
14-11-2022 - 02:32 pm
السلام عليكم بااهل المنتدى الكرام .....
اليوم جيتكم برواية رائعه عن رحلتي البريه الذي لايخلو من الفكاهه
واحببت ان اخبركم عن رحلتنا البريه الهائله التي ذهبنا بها الاسبوع الماضي ......
لكن للاسف مافي صور رغم ان بنتي ذكرتني واحنا طالعين ,,,لكن قلت يابنت خلاص بعدين ...
بيني وبينكم حتى لو صورت ماعرف انزل لكم الصور
لكن خيرها بغيرها .... وبحاول ان انزل لكم صور مشابهه لرحلتنا اذا وجدت مع البحث ..
اولا احب ان اخبركم انني من عاشقات البراري جدا ...صح اني خوافه من الدواب والزواحف
:spider: واكره الحر:36_1_47:
ولكن اعشق الرمال الذهبيه الحمراء وشبة النار والاكل بالبر ..الصراحه متعه ماوراءها متعه
الا رحمة الله علينا جميعا .....
من عادتنا اذا اردنا ان نطلع بر ..اما ان نطلع شوي لحم والا دجاج ......ونجلس على الرمال ونقعد نطعس برجولنا انا وعيالي وابونا ونطلع كل الخبال هناك مانرجع البيت الا احنا مهدودين حيل
او نطلع منتزه ونمشي العيال هناك ونقعد الين اخر الليل ونرجع ...
ونسوي حركات جنون في جنون بالرمال واحيانا اطبخ بالبيت من بدري ونطلع بالاكل جاهز على البر وناكل وماحلاها من اكل وسبحان الله لها لذه خاصة غير
راح احكي لكم عن رحلتنا هذه المره لانها كانت مميزه عن بقية الطلعات الماضيه والسر راح تجدونها بين اسطري القادمه وفيها بعض القفشات والحركات الكوميديه التي راح تعجبكم اكيد >>>>> واثقه البنت
اسمحوا لي اني راح استخدم الاسلوب العادي والعامي وراح اتكلم عادي عشان يطلع الكلام عفوي
والسهر يحلو ياحلوين
الاسبوع الماضي ...
المكان ...في البيت يوم الاربعاء....
كنت اجلس انا وابو الشباب وشوي الا افتكر الجو والغيوم والامطار الرائعه التي هطلت على :rain: الرياض فقلت في نفسي اكيد الحين ثمامه تجن ....
وشوي وانقز فوق زوجي.... هجوم ....... مسكين واخترع قال خير وش بلاءك بسم الله
قلت تكفى نبي بكره نطلع بر ونشب حطب ونسوي علوم البدو ... قعد فكر قال بشرط :m9:
تطبخين:222: وتنفخين هناك:36_1_25:
وبعد تفكير قلت طيب اوكي ..وانا قدها قال طيب نشوف :36_1_11:
اليوم الثاني الخميس .....
قمنا من بدري الساعه تقريبا 8 ونص ...:36_1_33: فرحانين العيال بالبر:36_7_2: ....
قمت انا والشغاله حضرنا قدورنا واغراض الرحله كلها من والى حتى الملابس اخذنا منها احتياط عشان الصغار ..واخذنا لحف عشان البرد ...المهم رتبنا كل شيء ..تقريبا خلصنا الساعه 10 الصباح ..
قام ابو الشباب من النوم وبراسه علوم :36_15_24: فطرنا وجهزنا ...حالنا للرحله ..قال خلاص استعديتم ...قلنا الحمدلله كل شيء .....قال طيب وش راح نتغدى ..قلت خلاص نشتري بطريقنا كم حبة دجاج وبعض الاغراض وخلاص وهناك بنطبخ طبعا كبسه هو في احلى من كبسات البراري ..
قال اسمعوا برووح مشوار وبرجع لكم وانتم جاهزين .....:36_1_12: اوكي ...قلنا طيب اوكي لا تتاخر طيب ... قال اكيد :36_9_4:
عاد انا فرحت ,:thumb_ico ,قلت يالله احسن عشان اريح شوي واتمدد لاحد مايجي:36_1_50: ...
.الوقت معنا وراءنا طبخ ونفخ ..:4: :36_1_5: .
المهم راح وهو وولدي ابو عشر سنين ...وانا عاد تمددت على الكنبه للراحه قبل الذهاب الى الرحلة البريه المنتظره :36_3_1:
وبعد نص ساعه تقريبا او ساعه الا ربع :36_7_14: رجع :36_9_4:
رجع .........وشو تتوقعون جاب معاه ..:36_1_42: .
وكان شرط علينا يوم شفنا هذه المفأجاة اللي جابها
في الحلقه القادمه راح اكمل لكم ,,,,,,
وباذن الله ماراح اتاخر عليكم بالكثير الليله لانه الحين مشغوله
تشاو:biggrin:


التعليقات (8)
نسيم نجد
نسيم نجد
.... ( ... ... )
..

alfarasha
alfarasha
رحلة جميلة أختي رمروم...
وفي انتظار البقية....
أتوقع جابلكم ذبيحه ؟
لكي يتعبكم( أمزح)
تحياتي....

صعـب المنـا ل
صعـب المنـا ل
رمروم
باين عليها رحله ممتعه وشقيه من اولها
لكن الله يستر من تاليها ..
وابو الشباب اكيد انه جاب لكم ذبيحه
متابعين معك
تحياتي لك

رمروم
رمروم
nomn_94
شكرا لك ياابو اسامه ,,,,,
نسيم نجد
اتوقع جاب أكل جاهز من المطعم
اعرفهم الرجاجيل ماتهون عليهم الحريم
بس يبغون يختبرونكم أنتم نطيعونهم أو لا
أنت نجحت بالأختبار ....بقي دور أبو الشباب ( يارب مايفشلني ...تكفى يابو الشباب... و تكفى تهز الرجايجل )
لكن لو ماجاب لكم غداء من المطعم ..راح ارسل لكم أنا الأكل
هلا اخوي نسيم نجد

اشكر متابعتك وماتقصر والله راعي واجب
alfarasha
رحلة جميلة أختي رمروم...
وفي انتظار البقية....
أتوقع جابلكم ذبيحه ؟
لكي يتعبكم( أمزح)
تحياتي....
هلا اختي alfarasha
لا لا ماتمزحين صح كلامك
اشكر متابعتك ......
صعب المنا ل
رمروم
باين عليها رحله ممتعه وشقيه من اولها
لكن الله يستر من تاليها ..
وابو الشباب اكيد انه جاب لكم ذبيحه
متابعين معك
تحياتي لك
هلا اخوي صعب المنال .....
جاب لنا ذبيحه
اشكر متابعتك ....
وعاد تابعوني شوفوا وش صار ....

سواح وماشي
سواح وماشي
حلوه ابو الشباب
اكيد ابو الشباب جايب خروف ويبي يتعبك فيه
يعطيك العافيه عمتي رمروم متابعين

رمروم
رمروم
ومثل ماقلت لكم انه بعد مارجع لنا ابو الشباب :m9: الا هو جايب لنا مفاجأة
ويوم دخل ولدي علينا قال يمه يمه يمه يالله مشينا بابا يقول يالله يالله ....:36_1_33:
يمه تصدقين ابوي شرى خروف وجبنا كمان خيمه كبيره ويقول امكم تركبها لكم
:suprise:
عاد انا سمعت الخبر من هنا وصرت مثل صفارة القطار :5: :36_1_25:
وهو بالحوش ينتظرنا ميت من ال:36_11_6:
شوي الا هو داخل متشقق من الفرحه ويوم شافني قال يالله ياحرمه :36_1_39:
وانا خلاص :112: قلت هين هذه اخرتها طبعا كلها بقلبي
وبعدين شوي قعدت افكر واقول في نفسي وانا بنت ابوي والله لاوريك
من اللي يضحك بالاخر ..
قلت صحيح انت جبت خروف :16: قال لا لا ماهو خروف .:36_15_24: .
.تويس صغير هرفي هرفي صغير :36_9_2: :36_9_4:
قلت انا اه هرفي ماشاء الله ...ومين يذبحه ويسلخه
قال ماهى مشكله ,,,انتي والشغاله تساعدوا فيه ويضحك وانا:36_1_29:
قلت طيب والله عليك الذبح وانا الطبخ ......
قال طيب هين :36_9_4: يالله بس مشينا ,,,,,
المهم ركبنا السياره ......الله لايوريكم ..
المشكله ان سيارتنا فورد وتعالوا شوفوا الفضايح
الشنطه مليانه وراء والخيمه طالعه ثلاث امتار على بره والخروف مربوط
فوق العفش وخائف مسكين
المهم مشينا والاولاد فرحانين :bounce8: وين يابابا نروح ومين يابابا
يركب الخيمه ومين يابابا يذبح الخروف ...
قال ابوهم وهو في غيرها امكم الله يخليها قولوا امين
وانا خلاص :112:
وانا ولاحركه وفي نفسي اقول طيب مااكون بنت ابوي اما خليتك اليوم تكره البر
كله مااكون ريموه
المهم وصلنا ثمامه الساعه 1 ونص بعدالظهر ولقينا العالم زحمه والشباب طعوس وحركات
وعروضات بالدبابات والجيوب واحنا الله لايوريكم منظر يفشل ...
المشكله كل من مر من عندنا مانشوفه الا يضحك ليه ماادري
بالاخير جنب وفك الخروف ورماه عند عيالي وراء وهاتك ياضحك وخشمرة وراء ودقوا
الصحبه مع الهرفي وولدي الصغير اشتغلنا طول الطريق
باع باع وزوجي بس متشقق
وانا افكرفي :222: وصرت اندب حظي واقول انا اللي جبتها لنفسي :112: تستاهلين
ياريموه
طيب هذا اخرتها اذبح خرفان واركب خيام بعد .......:112:
المهم بعد البحث والدوران الين لقينا مكان حلو.... ....قلت انا
طيب ومين يركب الخيمه
قال انا اوريك مين اللي يركب الخيمه انزلي بس وهو بيتشقق من الابتسامات
المهم نزلنا وطلعنا اغراضنا الا والعصر ياذن ,,,,,
قلت خلنا نصلي وبعدين روح جيب لنا اي عامل يركب لنا الخيمه ويذبح لنا الخروف
قال نعم نعم ..ايه هين الحين اجيب لك عامل .....:36_1_12:
نزلوا عيالي ويلعبون مع الخروف ..ويقولون خروفي خروفي :36_1_33: :36_1_33:
المهم ارتحنا ,,,,قال يالله يالله همتكم ياحلوين الخيمه نركبها يالله يالله :x1:
عاد انا اسوي نفسي اني اطالع الرمال واسرح في السماء واسوي نفسي ماني سامعه اي شيء
:mf_leia: شوي الا والله مادريت الا طراخ على راسي بال :soccer_h4 من :36_9_4:
قلت طيب طيب :15: :15: :15: والله مااقوم اسوي شيء:119:
اشوي وتحول كل شيء الى معركه :36_6_7: وانا :120: >>>>>>> حشى ماصرت تمشيه هذه
الصحون والملاعق والقدور طراخ وطراخ :36_6_7: :36_6_10: :11ab:
المهم مطارده من هنا وشد من هنا وتشجيع عيالي من هنا والضحك
ملا المكان يخلطها الجد مع الهزل ...
وبالاخير :36_1_42: قبلت الامر الواقع ,,,,,,
وبعد جهد جهيد :36_1_47:
وجينا فردنا الخيمه ......وهاتك ياشد من هنا وثبت الوتد ياولد هنا وانتي يابنت من هنا ,,,,,
وبالاخيردخل الفريسه جوه عشان يرفع العمود من الوسط ,,,
قلت ايوه هنا فرصتي الوحيده ,,,,, وافك اثنين من الوتد وتطيح الخيمه كلها فوقه
,,,وهاتكم ياضحك
وهو من جوه ياولد ياحرمه ارفعوا معي .. والله لااوريكم ......
قلت وش تورينا ياحليلك ..:36_7_8: :36_7_8:
المهم بعد حوالي نص ساعه الا الخيمه راكبه ماشاء الله مااحلا منها
ويوم رتبنا كل شيء اغراضنا وفرشنا فرشنا واستوينا خلاص ,,,,,
وشبينا النار وصار المكان مره روعه .......
ياخساره الصور والله
المهم
صرنا نتذكر بعض المواقف ونضحك ونعلق
قلت يالله قوم اذبح الله يعينك عشان يمدينا نطبخ قبل المغرب على الاقل نلحق شوي من النهار
قال لا مايهم الليل طويل ماعلينا وش وراءنا على مهلنا .......
قلت حتى ولوياقلبي ... مانبي نقعد اكثر من الساعه 2 بالليل ,,,,,,,
قال ايه طيب ولايهمك ...

رمروم
رمروم
اثاريه ضامر لنا نيه ماهى طيبه .........بعدين اقولكم ... وش كان ناوي
المهم قام قال يالله من يجي يساعدني بالذبح ........:36_6_2: .
قلت والله ياعيوني انا قلبي رهيف ومااسطى اشوف الدم
مسك الخروف الضعيف ......وسدحه تسديحا واسمعه يقول بسم الله الله اكبر ,,,,,
قلت انا ياه
حرام عليك
قالت بنتي لا يابابا حرام لاتوجعه ولدي يقول لاتعوره
ومانسمع الا الغرغره وياقلبي لاتحزن
وقلبناها عزاء ونحيب وبكاء ياويلك من الله
يالضيعف والله انها عشره وياحليله يوم شاف العيال يلعبون معه انبسط
المهم بعد ماخلصنا النحيب والعويل , ,,,,,
قال للشغاله تعالي علقيه وعلقته على خشبه لقيناها مركبه من اول من بقايا حوش كان موجود من زمان ,,,,المهم نفعنا ذلك الخشب استفدنا منه كثير ... .
وشوي الا الدبابات من عندنا:36_7_14: طوط طوط:36_7_14: طوط طوط
اشكال وانواع وحتى لبسهم كله غربي بغربي لاحول
المهم بعد الذبح ..... .......وشبينا نار الطبخ .... وجهزنا اسياخ الشوي عشان نشوي بعض
اللحم ونسد شوي من جوعنا لاحد مايجهز العشاء ..خلاص ماصار غداء صار عشاء طبعا
هناك مواقف اخرى كانت مضحكه جدا ......ومواقف جدا روعه ولاتنسى ,,,,,,
انتظروا ..وش حصل يوم بدا المغرب ؟؟ وش افتكرنا ؟؟؟؟ ومين اللي ساعدنا خ
وكمان وش صار يوم تعشينا وخلصنا
انتظروني ..........وصدقوني راح تنبسطوا
راح احضر البقيه قريبا .........ولا يهمكم ,,,,,,
تحياتي

صعـب المنـا ل
صعـب المنـا ل
خ
حلوه الرحله مشاء الله وتركيب الخيمه وشكل السياره شكله كان حلو
واصلي


خصم يصل إلى 25%