القيصر2
22-06-2022 - 09:31 am
السلام عليكم ورحمة وبركاتة
انا حاليا في فندق موتيارا بلنكاوي
وكنت جدا فرحان فية كفندق 3 نجوم في البداية
ولكن في الليل اسمع ذاك الازعاج الي ماينطاق من البار الي عندهم
الحين هذي 3 ليلة وما زالت الاغاني تسوي لنا مشاكل
ماخذ غرفة مطلة على البحر والازعاج مركز 100% على الغرف المطلة على البحر ماعدا الغرف البعيدة شوي والشبة مظلمة ولكن تستطيع سماع الصوت منها
الوالدة اول شوي كلمتهم
وبعدين انا كلمتهم لاني حاجز غرفتين
وعسى الي جبنا اتصلوا لاني شفت البعض كان متضايق
ما اعرف هل هذا الازعاج مستمر يوميا ولكن حاليا الازعاج شبة يومي
ويوم كلمتهم علية قالوا تقدر تغير الغرفة وكأنة الازعاج راح يستمر
انا انصح في حالة الازعاج انك تبعدون عن البحر وتروحون الغرف المطلة على الحدبقة البعيدة عن البار
والله الاغاني تقدر تسمعها حتى من الاستقبال وهي مرة عالية
جيت لنكاوي عشان الهدوء وذول خربوها بذي الاغاني
حتى لو رحت اخر الشاطي تبي الهدوء راح تسمع الاغاني
احلى تجربة هنا في لنكاوي استجار سيارة خاصة يارس 2010 ب 320 رنقت لمدة 4 ايام
وبنزين 40 رنقت ولا احلى وما زلت ماصرفت الا شرطة واحدة من البنزين
وماعندي جي بي اس
مافية الا الخريطة والحمد للة اضيع شوي ولكن على طول القى الطريق
لاني اكثر الاماكن اما جنبنا او جنب البلانجي بيتش
على العموم لو فكرت اجي الموتيار مرة ثانية
اول راح ارسل رسالة بشأن الاغاني واذا قالوا فية راح احجز غرفة مطلة على الحديقة بعيدة شوي
ولكن انا عارف اني راح اسمعها لانها جدا عالية
بس على الاقل يكون داخل الغرفة هدوء
وجزاكم الله الف خير
وانتظروني مع افضل غرفه في بورت ديكسون
غرفة شهر عسل بالدرجة الاولى ولايوجد منها الا 3 اغرف فقط في فندق ليقند واتر
ولم ار اي تقرير عن هذه الغرفة هنا حتى الان(ربما احدهم عرضها قبلي ولكن عساها تجديد للصور)
خلال اسبوعين اذا يسر الله راح اعرضها لكم واكيد الحبايب لازم يأخذون يوم على الاقل فيها
أريد ان أاكد ان الفندق رائع جدا كفندق 3 نجوم وانه عجبني اكثر من البلانجي عشان الكبائن الصغيرة الي فية
والمشكلة كلها في الاغاني فقط
وايضا رأيت سحلية طولها متر ونصف الى مترين عاد انتبهوا على حريمكم
يخافون من الصرصار بس ما يخافون منكم
والله يشفي بنت الاح وافي
هذا دعاء في سفر وعساه مقبول ان شاء الله
أنا حاجز فيه ، والسفر بعد يومين ... ولكن ولله الحمد ما حصلت غرفة مطلة على البحر .. بس حصلت على الحديقة ..
وما مرتاح أني ما حصلت غرفة .. ولكن عسى أن تكرهوا شيئا وهو خير لكم ....
تسلم الغالي