Fofa-ibrahem
07-01-2022 - 01:49 pm
اهلا و سهلا
شكرًا لاختياركم موضوعي،، أنا و زوجي حابين نروح شهر عسل في لندن وباريس وديزني وإسبانيا.
لندن 5 ايام باريس 5 ايام ديزني يومين و اسبانيا اسبوع او 5 ايام
لكن عندنا اكثر من استفسار
كيف نطلع فيزا شنغن؟
إحنا اول مره نروح اوروبا و زوجي مره مشغول ايش افضل مكتب يخلصها لنا
وكم تاخذ مده؟. من متي نبدا نقدم عليها
ثانيا ايش في مدن حلوه قريبه من فرنسا نروح و نرجع بنفس اليوم
وكم تبعد انسي عن باريس؟
وإيطاليا ايش اقرب مدينه لباريس
لان مدة شهر العسل شهر ومانعرف كيف نرتبه بالضبط إحنا نحب التنقلات
ونخب المدن الي فيها انشطه كثيره وسهر مو مره نحب الطبيعه
ياليت تساعدونا لان من جد محتارين بس الأساسيات لندن باريس ديزني برشلونه ونسيت
تقولون شهر العسل بيكون في 12 نوفمبر يعني خريف والجو بارد
تقبلوا تحياتنا ،، ابراهيم و نوف
بعطيك خطه للسفر
وانصحك تستبعدين لندن وتدخلين بدلاها مدن اخرى
لأن لها فيزا لحالها عملتها غير
كم يوم مدة سفرك اتوقع 15 يوم
برشلونه اسبانيا لمدة 4 ليالي
باريس فرنسا لمدة 5 ليالي اما انك تروحين من هناك على دزني لاند ذهاب وعوده او تاخذين يوم الى يومين في دزني لاند
جنيف ليله وترحين من هناك للريف الفرنسي المونت بلان وانسي وشمونيه
انترلاكن 4 ليالي ممكن تروحين من هناك لهايدي لاند واعلى قمه ثلجيه اذا ماتحبين الطبيعه ممكن تروحين على ايطاليا وتلغين انترلاكن
لوقانو ليلتين للتسوق وزيارة ميني يوروب
ميلانو ليله او ليلتين
فينيسيا ليله او ممكن تروحين لها من ميلانو روحه ورجعه لأنها مرره غاليه
والعوده من ميلانو او ممكن تكملين الى روما والعوده من هناك
انتى اول شئ حددي الايام والميزانيه وان شاء الله افيدك باللي عندي
وومكن مخطط ثاني
الهبوط في فرنسا 5 ليالي او 4 ليالي
الذهاب الى برشلونه والركوب في سفينه كروز لمده 7 ليالي تدوديك مدي في ايطاليا وفرنسا
ثم العوده الى برشلونه
وبعد ذلك بالطيران الى لندن