- مرسيدس كبير فوق 10 اشخاص 120 دولار
- ملاحظه :
السلام عليكم ..
موضوع مختصر مفيد من واقع تجربه خصيه وانا حاليا في اسطنبول التاريخ 27 / 6
موضوع التنقلات للعوائل يعني فوق 3 او 4 اشخاص
انا كنت من اكثر المؤيدين ان الواحد يسكن في منطقه قريبه من كل شي يعني محطه ترام وباصات وتكاسي والسكن في منطقه سياحيه لتقليل مصاريف المواصلات المكلفه ..
الحين وصلت لقناعه مافيه افضل من انك تستاجر سياره اذا معك عائله .. تستاجرها وتستاجر معها جي بي اس او نفقيشن .. او تستاجرها بسواق
موضوع انك تركب ترام على شان توفر لا مكان له من الصحه بوجود عائله وكذلك التكسي .. الا في حاله مشاوير محدوده يعني تروح باليوم مكانين وتقضي فيهم وقت طويل ..
واضرب لكم مثال بسيط مع الاسباب وتجربه وافيه وواضحه ..
احنا عائله من 6 اشخاص الوالد والوالده واخواني مع العلم انه مافيه الا الوالده واختي نساء فقط .. جربنا الترام من الفندق من محطه سيركجي للتوجه لمحطه السلطان احمد ( البلو موسك وهي تبعد محطتين فقط )
كانت الزحمه شديده بشكل غير طبيعي والناس ماتقدر معك حريم اللي يدف واللي يلصق ناهيك عن الروائح لانه موسم سياحه وكل العالم تستخدمه .. طبعا الاهل تضايقو جدا من الترام
ركبناه مره اخرى للتوجه من السلطان احمد الى القراند بازار محطتين كذلك .. وكانت طامه اكبر لانها محطه مرغوبه زحمه غير طبيعيه ..
انتهينا من زياره السوق ( القراند بازار ) نبي نوقف تكسي يودينا لمطعم الكنج في اكسراي وهي قريبه جدا يعني بالكثير 7 ليره
ولا تكسي وافق يودينا اولا زحمه سيارات قويه وثانيا مايستاهل المشوار بالنسبه له .. والاهل طبعا رفضو يركبون الترام مره ثانيه
اضطرينا نركب الباصات الحكوميه ونذهب وهي اريح بالف مره طبعا من الترام بس مشكلته يوقف كثير .. مشوارك يطول
تجربه اخرى مهمه على شان تعرف الوضع ..
قلنا نجرب التكاسي .. على شان العدد نضطر نركب تكسيين واذا الطريق زحمه يرفعون السعر عليك رضيت او مارضيت .. مع العلم ان اللي يفاضوهم صديق تركي يعني مايدرون عننا على شان لا يرفعون السعر ,,
مشوار من اكسراي الى الفندق عند محطه سيركجي 20 ليره للتكسي الواحد يعني 40 للتكسيين
المهم انه راج يومنا فقط على بلو موسك وقراند بازار وتوب كابي وغدا متأخر
مع العلم اننا طالعين من الساعه 10 الصبح
ولو فرضنا انك تبي تروح اكثر من مكان باليوم بالتكسي وتحتاج سيارتين بتدفع مبالغ عاليه على الفاضي ,, الذهاب والعوده ( خصوصا اذا اكثر من مكان )
هذا غير المرمطه انك تنتظر وتفهمه انه يتبعك وبعضهم اصلا يرفض انه يوديك .. وغير التكاليف العاليه اللي راح تصير
ممكن واحد يقولي طيب فيه ترام وعبارات توديك يعني ممكن تختصر .. بالنسبه لي اشوف ان الواحد اللي يقدر يدفع بس اهم شي يرتب اموره ياخذ سياره ويرتاح
مرات الوقت اللي تقضيه في انتظار الترام انه يجيك مافيه زحمه وانك تغير وسيله المواصلات الى عباره وخلافه ومشوار العباره خلص يومك على الفاضي ..
الزبده والشي الصح .. انه اذا معك عائله وتحتاج اكثر من تكسي مثلا استأجر سياره بسواق او بدون من مكاتب التاجير ..بس فيه شرط بسيط انك تحدد وين تروح بيومك على شان تستفيد من السياره وتروح لكل الاماكن البعيده مو تروح مشوارين وخلاص .. هذي الخساره بعينها ..
السيارات اللي لقيتها من بكرا ان شاءالله ناوين عليها مثلا
مرسيدس فيتو 6 اشخاص 130 دولار البنزين والسواق والسياره عليهم
مرسيدس كبير فوق 10 اشخاص 120 دولار
ملاحظه :
رحله شباب او اذا كنتو اثنين عدد بسيط يعني الترام ممكن يكون مفيد شرط انك تعرف انه ممكن تخسر وقت طويل في الانتظار والانتقال من مكان الى اخر وتغيير وسيله المواصلات والخ .. انا في كل رحلاتي كنت استخدم الترام لكن كانت تنقلاتي محدوده لاماكن معينه لغرض اعمال خاصه فماعندي مشكله
يعني ما اتوقع انك بتقدر تغطي المعالم المهمه اذا رحلتك ايامها بسيطه وراح تستخدم الترام
الموضوع مجرد راي شخصي وتجربه حبيت انقلها لكم
هل يوجد مكان مخصص لعربة الاطفال