ههه والله اللي يدقق بكل شي ترى يتعب ... لا طبعا المشروبات الغازيه عادي مافيها شي عمر احد حط فيها كحول مثلا !
انت اهم شي لا تغلط متعمد وتروح تشتري بيره تحسبها مثل اللي عندنا باربيكان ولا موسي :>البيره هناك على طول تخليك تصلي شرق
البيبسي عموما سعره هناك من 1.5 الى 2 ليره على حسب المكان

يعطيك العافيه .والله المدام دقيقه مرره تقول يمكن فيه انواع
ههه حلوه تخليني اصلي شرق
طيب عندهم ديو المدام ماتشرب البيبسي ابد ماكني زودتها

ههه
ابو طلال - الله يبارك لمدام انت زوجها (( ماشاء الله تبارك الرحمن )) ,, شايل حسابها حتى في الديو
ايه هذا التدليع وين الي يقولون السعوديين موب رومنسيين يشوفون ابوطلال ههه
عموما يا الغالي تراي امزح والله يهنيك ويهنيها ويهنيكم ببعض ويا بخت سعيد بسعيده
بخصوص المشروبات الغازيه والعصيرات والأكل والشرب بشكل عام متوفر كل شي هنا وازيد حبتين
لا والبيبسي حقهم ازين من ببسينا ههه حلوه طلعت اتحداك تقول ببسيكم ازين من ببسينا عشر مرات
والمهم
بالنسبه للأكل المحرم (لحوم وشحوم الخنزير - الحلويات الي بها كحول - الخمور بأنواعها ) هذي طبعا يتم التنبيه
عليها من قبل الفنادق
لكن في الغالب بتركيا مسلمين الناس وهذي الأشياء تكون مبينه ... يعني ما عندك مشكله ,,
بقولك سالفه صارت لي قبل كم سنه
مره انا والمدام في اسطنبول ودخلنا محل كافي وحلويات فاخر جدا اضن اسمهم موزارت او شي من هالقبيل
المهم جلسنا على هذيك الطاوله وطلبنا اثنين كبتشينو , قالت لي المدام تبي حلى قلت لا ما ابي قالت اجل
انا ابي كيكه بروح اختار من الكونتر حق الحلى قلت اوكي انا جالس
المهم جت الحرمه ومعها هذيك الكيكه الي مخلوط معها شوكلاته وشكلها رهيبه ’ قالت خذ لك قطعه قلت لا ما ابي
كلت هي قطعه الا ( اجلكم الله ) بغت تطلعها .... تقول معفن كيكهم
قلت مو معقول هالفخامه وهاديكورات ومعفن لا مستحيل , وريني اشوف , المهم ذقت من الكيكه ولا فعلا طعمها
ماش فيه بلا , فتوقعت ان في الكيكه خمر او شي من هالقبيل , قلت لها بروح اشوف شالسالفه وخذت الكيكه معي
للي على الكونتر , وش هذي قال تراميسو بالواين !! يعني بالخمر !! قلت لعنه
نعنبو شيطانك ما تشوف الحرمه بعبايتها ونقابها !! قال انا ما ادري طلبتها وعطيتها اياه !!
طبعا انا سويت مشكله وطلبت المدير وفعلا جا وتعذر مني ومن المدام وقال فعلا الموظف مخطي المفروض يبين
( طبعا هو مكتوب على بيانات الكيكه تحت بس عندي وحده ما تعرف الا يس نو بليز ثنك يو )
عاد عطونا كيكه تراميسو صاحيه وعيوا يا خذون الحساب قالوا هديه تعويض !!
وصرت طول ذاك اليوم اعلق على الحرمه , هاه صاحيه ولا اشربك ليمون ههه

اخي بن زامل الله يعطيك العافيه ويسعدك يارب
ههه حلوه اشربك ليمون الله يهنيكم دائما يارب ..
يعني كل ماخذت شيء اقلبه يمين وشمال اشوف اذا مكتوب عليه بالواين يعني خمر ؟الله يعين ..ترا حتى انا ومدامتي ههه حدنا يس نو والطقه البسيطه اجل شكلنا بنتورط كثيير الله يستر

بالنسبه للأكل المحرم (لحوم وشحوم الخنزير - الحلويات الي بها كحول - الخمور بأنواعها ) هذي طبعا يتم التنبيه
عليها من قبل الفنادق
مافهمت هالنقطه ..طيب وبرا الفندق كيف ؟؟

ايوه نسيت اسألك بالواين باي لغه معناها خمر؟
لاني ترجمة بالانقليزي وبالتركي طلعت كلمات ثانيه؟

اي شي فيه مسكر راح يكون مكتبو عليه
Alcohol
بس اذا شفت هالكلمه انحش ..
واذا كان مو مكتوب عليه شي او مكتوب
Alcohol
Free
يعني مافيه شي
بالنسبه للأكل قلهم بالعربي حلال ,, لأن كلمة حلال معروفه بكافة انحاء العالم
وبعدين لا تنسى ترى في النهاية تركيا دوله مسلمه بالأجمال يعني ماراح يعطونك
شي حرام الا اذا انت طلبته ,, زي ما طلبته المعزبه وتوهقت ههه
تحياتي لك واتمنى لكم رحله ممتعه وسعيده

مشكور يابن زامل الله يرزقك سعادة الدارين
طيب شكلك غلطت وكتبت الكحول مرتين صح؟ وان شاء الله مانتوهق ههه

يعطيك العافيه اخ بن زامل والله استفت من توجيهاتك