- السلام عليكم ورحمة الله وبركاته
السلام عليكم ورحمة الله وبركاته
اول حاجة احب اشكر كل من في المنتدى لان لكم من بعد الله فضل كبير في جميع سفراتي وعلى فكره انا تقريبا شبه يوميا متواجده معاكم في هذا المنتدى الرائع ويشرفني انه يكون اول منتدى اشارك فيه واكتب فيه وبليز اعذروني على الاطاله وعلى اسلوبي المتواضع لكن اللي اتمناه ان الفكره توصل لكم
اول حاجه انا رحت سويسرا لاول مره في شتاء 2010 وكانت من اجمل وامتع رحلات السفر في الشتاء وفي وقت الثلوج فيها متعه غير طبيعيه مايحس فيها الا اللي يحب الشتاء مثلي عمري ماراح انسى المقاهي اللي قعدت فيها وانا اشوف الثلج ينزل بغزاره بس لما اتذكرها من جد احس بسعاده غير طبيعيه .. مستحيل انسى هاذي السفره
ولما رجعت عزمت انا وزوجي نرجع لها وكان اللقاء الثاني في ربيع 2011 من بعد باريس والمانيا كانت وجهتنا سويسرا وجمال سويسرا في الربيع اكيد غير .. لكن الشي اللي كدرني وخلاني اغير نظرتي لسويسرا هو السكن في لوزيرن .. كلنا مانختلف على جمال لوزيرن اللي يسمونها التفاحه لكن للاسف شفت الشي العكس ..
واعرف انو ناس كثار راح يخالفوني الراي انا بقول اللي شفته انا زرت تقريبا اشهر مناطق سويسرا عمري ماشفت اي عنصريه او كره مثل اللي شفته في لوزيرن شعب يكره الاسلام ويكره الحجاب انا ماكنت لابسه نقاب كنت لابسه لبس محتشم وحجاب ومع هذا الكل كان يطالعنا بحتقار غير اللي يشتمنا بكلمات بلغتهم الالمانيه ماعرف ليه وانا كنت طول الوقت اهدي في زوجي مابي اتصير مشاكل لاني متاكده ان احنا اللي بنطلع غلط وهم الصح
مره زوجي قالي خلينا نتعشا واقرب شي لنا كان مكدونالدز .. اللي جنب محطة القطار مشينا له مع نظرات الاحتقار منهم والكل يعقر انا طول مااني امشي استغفرالله ختمت القران في قلبي من الخوف واحاول ابين اني عادي من جد شي مرعب وصلنا ولله الحمد مكدونالدز لما جينا نطلب حتى الموظفه اتعاملنا بنفس شينه مايسوى علينا ان احنا مسلمين شفت شرطه برا قلت في قلبي الحمدالله في امن بعدين لما جينا نطلع حصلتهم واقفين على شكل دائره وكان جنب مكدونالدز بار كانوا يشربون خمر كلهم وقاموا كلهم يطالعونا قلت في قلبي يمه ياربي عدي هالليله على خير ..
من جد رعب بس في نفس الوقت مانقصوا علي فرحتي ولاراح ينقصون بالعكس استمتعت في كل لحظه
بس هالشي خلاني افكر واقول ليه هالحقد على الاسلام والمسلمين وهم اذا جاو عندنا يعيشون ملوك المهم لما وصلنا الفندق سالنا اللي على الرسبشن وكانت عجوز سبب الكره للعرب وللاسلام والحجاب قالت اهل لوزيرن يكرهون العرب وعنصرين بسبب اللي مكتوب في الجرايد عنكم ماخذين انطباع عنا مب أوكي عكس زيورخ وجنيف متعودين على الناس والسياح اكثر .. اللي ابي اوصله لكم ان لوزيرن غيرت فكرتي وفكرة زوجي عن سويسرا ماعرف ليه مع اني كنت مجنونه على سويسرا واعد الايام واقول متى راح ارجع لها ..
واحب اقول اني سكنت في فندق من فئة 3 نجوم حصلناه بالصدفه واحنا نمشي على البحيره سعره يجنن والانترنت ببلاش والفطور بعد واطلالته رهيبه كانت على البحيره لكن يعيبه مافيه مكيف بس مافي مشكله لان الشباك لحاله يكفي
من واقع تجربتي والمواقف اللي صارت لي انصحكم يااخواني واخواتي اللي يبي يسافر سويسرا مايسكن في لوزيرن بس يقضي يومه لانهم شعب عنصري وغير مريح شفت عندهم شي ماشفته في مناطق سويسرا اللي رحت لها وانا متاكده يمكن كثار يحبونها وشافوا العكس حبيت اوصلكم اللي صار معاي لانكم فدتوني في سفراتي كثير من تجاربكم ومن المواقف اللي صارت معاكم
اعذروني على الاطاله ودمتم بخير جميعا
السلام عليكم ورحمة الله وبركاته ..
أختي بنت أوروبا أولاً الحمدلله على سلامتكم وان شاء الله تكونوا أستمتعتوا في رحلتكم رغم المعاملة التي لمستوها ، حبيت أعلق على كلامك بحكم عشرتي للشعب السويسري ومعرفتي بعقليتهم ، ففي سويسرا معروف أن القطاع الألماني بشكل عام أخشن من القطاع الفرنسي وأكثر عنصرية ، وهذا متعارف عليه حتى في التصويت على القوانين التي تكون ضد الإسلام والمسلمين مثل قانون حظر المآذن ، فالقطاع الالماني صوت مع الحظر والقطاع الفرنسي كان معارض بشدة ، وغيرها كثير من الأمور التي تجعل القطاعين مختلفين في هذه النقطة ، كما أحب أضيف أنه كلما أبتعدتي عن المناطق الكبيرة والرئيسية كلما لمستي أستنكار بسبب قلة إختلاط تلك المناطق بالعرب والمسلمين وعدم تعودهم عليهم ومعرفتهم بعقليتهم ، وهناك معلومة أحب أوضحها تفرق كثير عند السويسريين وهي لبس النساء العباءة أو اللون الأسود فهم يضنوا أنها تشدد ، وان من تلبس اللون الأسود هي متطرفة دينياً بنفس الشكل في حالة لو كان الرجل مطول لحيته بشكل كبير ، وهذا جهل منهم ، ففي حال كانت المسلمة محتجبة ولابسه ألوان ( إما عباءة بلون غير الأسود أو لباس عادي محتشم غير الأسود الكامل ) ستلمس الفرق في المعاملة بعكس لو كانت ترتدي العباءة السوداء ، ولكن بالمجمل يبقى الشعب السويسري شعب راقي ولطيف جداً وخدوم خاصةً القطاع الفرنسي ، عن غيره من الشعوب الأوروبية ، وعندهم مبدئ يمشوا عليه وهو مافي قلبهم لايظهروه في التعامل حتى لو لم يكن يحبك ستجديه لطيف ومحترم معك بدون مزايده أو مبالغة في الإهتمام فمعروف عنهم الاخلاقيات وإحترام الأخر مهما كان .