abu adam
06-11-2022 - 05:18 pm
تحية طيبة اخواني جميعا
ان شاء الله الاسبوع القادم مسافر على الاردن - العقبة - من فلسطين عن طريق جسر الملك حسين
حجزت في فندق الموفن بيك تلا باي و كل شي تمام
هلا شو بتنصحوني .... اوخد سيارة ايجار من الجسر للعقبة لانو معي مرتي و بيبي لسا شهرين و ما راح يكون مريح النا اذا كان في شوفير منشان الولد راح يجوع على الطريق.
السؤال شو الامكنيةايجار سيارة من الجسر مباشرة لانو ما راح انزل على عمان بس من الجسر للعقبة و بالعكس و شو بيطلبو بالزبط شركات ايجار السيارات
عمري 29 سنة و معي رخصة سياقة فلسطينية
هل بلزم رخصة دولية وعند الايجار بيطلبو حجر مبلغ مرهون امانة او بطاقة فيزا ؟
و الف شكر الكم سلف وانشا الله بتكون رحلة حلوة و بننبسط في بلدنا التاني الاردن
وحياك الله في الأردن
اسئلتك بدها بحث عن اجوبة اكيدة وكمان الاخوة مابقصروا ان شاء الله للي بيعرف.
ان شاء الله تنبسط بالعقبة مع عائلتك الكريمة.