عام المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
زوزوان
17-10-2022 - 07:50 am
السلام عليكم ورحمة الله وبركاته
شحالكم أعضاء المنتدى
من زمان ما دخلت المنتدى بس ترى دوم في بالي
بغيت أستشيركم في موضوع
أنا موظفة وللأسف ما حصلت إجازة في الصيف لأن وحده من زميلات العمل حجزت الإجازة الصيفية قبل الجميع
الله يوفقلها إن شاء الله
ع العموم اللي حابه أشاوركم فيه هو
في خاطري أسافر بس مب عارفه وين
عندي ثلاث فرص إذا الله حيانا
الفرصة الأولى شو رايكم في سفرة بعد عيد الفطر وقبل المدارس
أو في إجازة نصف السنة الأولى من 18/12 - 5/1 2012
أو في إجازة الفصل الدراسي الثاني 25/3 - 5/4 2012
الأشخاص اللي بيسافرون بإذن رب العالمين
الأم واللي هي أنا
بنتي 21
ولدي 17
بنتي 13
وبنتي 7
للعلم هاذي أول مرة أسافر فيها مع عيالي بس
لو سمحتو أريدكم تنصحوني وين أقدر أسافر يكون مكان مناسب لهم ولي في نفس الوقت
ونقدر نستمتع فيه وإستجمام
عارفه بتقولون بعده وقت ع السفرة بس أريد أعرف من ألحين عشان أقدر أرتب أموري اللازمة للسفر سواء كان حجز أو أمور مالية
سمحولي بتعبكم معاي بس شو أسوي للسفر مالي غير منتدى المسافرون العرب
أشكركم على تعاونكم


التعليقات (9)
ابومحمد فهد
ابومحمد فهد
بعد عيد الفطر وقبل المدارس
تركيا

ddd591
ddd591
روحي بلد تكون تأشيرة دخولها عند المطار
تعرفي رمضان لايصلح للسفر من اجل الإستجمام والراحة

صديق نفسه
صديق نفسه
دبي او تركيا
بس ترى انتم 5 اشخاص يعني يبيلكم ميزانيه ماتقل عن 20 الف ريال

عبدالله700
عبدالله700
ماليزيا لاتفوتكم .. والسفر في غير الاجازة الصيفية أو راس السنة ..لانه اسعار الفنادق تكون غالية شوي ..
وماليزيا بلد استوائي ينفع لجميع افراد العائلة ..

فيصل
فيصل
بشهر 12 الافضل طبعا استراليا
بعد عيد الفطر لندن حلوه
هونغ كونج

زوزوان
زوزوان
أشكر كل من رد علي
وجزاكم الله خيرا
بضايقكم بالأسئلة شوي
بس كيف أرتب أو من وين أبدأ بالترتيب
يعني كيف أحسب كم بيكلف كل من
التذاكر - السكن - الصرف - ألخ
تعرفون مثل ما خبرتكم ما عندي فكرة عن السفر فأريد أرتب أموري كل شي كم بيكلف تقريبا
عشان ما أتبهدل بعدين إن عزمت ع السفر
ولكم مني جزيل الشكر والإحترام
وسمحولي ع المغثه وكثر الأسئلة

بدايه عشق
بدايه عشق
حددي الوجهه و الباقي سهل والاعظاء هنا ماراح يقصرون
بعد الفطر وقبل المدارس ... ماليزياء بتكون حلوه

iFares
iFares
..
.. بما ان رحلتك عاائلية ... روحي ماليزيا ..
ممتازة للعائلة ..
..

T.R.A.N.Z.I.T
T.R.A.N.Z.I.T
اتوقع تايلند بتناسبكم رخيصه وحلوه
وادخلي على بوابة تايلند شوفي العجائب


خصم يصل إلى 25%