السفارة الهندية بالرياض ومتطلبات التاشيرة وانواعها
http://www.indianembassy.org.sa/GenInfo.html
تعبيئة استمارة تاشيرة الهند من هنا وطباعتها
http://www.indianembassy.org.sa/Downloads/Passports/FormsPdf/Form9.pdf

أخوي أفهم من كلامك أنهم ما أخذوا رسوم على الفيزة
لأنو حنا طلب مننا المكتب 480 ريال لكل جواز عشان يطلع لنا الفيزة
سؤال معليش أحسه غبي شوي بس جد مو عارفة هو فيه فرق بين التأشيرة والفيزة وإيش هو الفرق؟
ألف شكر وأنتظر الرد
موفق دوما بإذن الكريم

وينكم ما حد يرد على أسئلتي بالمنتدى

بسمة حلوة
هذا المكتب نصاب بشكل فضيع ... 430 ريال للجواز الواحد ؟؟؟!!!
القيمه اللي يأخذونها على الفيزه الوحده هي 155 ريال فقط لا غير (تأشيرة سياحه لمدة 6 شهور)
يعني لو طلب 200 ريال للجواز الواحد .. تنبلع شوي
وهذا موقع سفارة الهند في الرياض يبين هذا الشيء :
http://www.indianembassy.org.sa/VisaForSaudiNationals.html
عموماً التقديم حسب ما أعرفه وحتى المذكور في موقع السفاره الهنديه بالرياض هو:
مدينة الرياض - حي السليمانيه - خلف أسواق السدحان - مركز الصفوه - الدور الثاني - مكتب رقم 2207
وهذا الموقع الألكتروني للمكتب : http://in.vfsglobal.sa.com/
(بالنسبه للمكتب اللي في البطحاء فهو لتجديد الجوازات الهنديه فقط)

لو سمحت ممكن تبين لنا المدة مدة استخراج التأشيرة ؟؟
والف شكر ع الموضوع المفيد

f_911
من مدة وأنا أنتظر رد
والله جابك
جزاك الجنة ما قصرت

بسمة حلوة
ومن قال .. يا رب
وأنا إن شاء الله هذا الأسبوع بسوي تأشيرتين عن طريق السفاره أو عن طريق المكتب اللي في السليمانيه
وراح أوافيكم بالتفاصيل

أنا اليوم رحت أطلع التأشيرات (الفيزا) لعدد شخصين من الرياض
في البدايه رحت للسفاره الهنديه في الرياض (الحي الدبلوماسي بقرب دوار رقم 1 القريب من البوابه الشماليه)
تقدر تستخرج من عندهم التأشيرة المستعجله (يخلصونها بنفس اليوم) وبقيمة 298 ريال للتأشيرة الواحده
ولكن لما سألتهم عن التأشيرة الغير مستعجله أخبروني إنها في المكتب اللي في السليمانيه
وبالفعل رحت لمكتب السليمانيه (هو عباره عن شركة تقوم بإستقبال الطلبات برسوم إضافيه وترسلها للسفاره)
وسويت الإجراءات المطلوبه عندهم وأخذوا مني مبلغ 238 ريال للتأشيره الواحده (يعني 476 ريال للتأشيرتين)
وسأستلم الجوازات إن شاء الله بعد 4 أيام عمل (يعني يوم الثلاثاء القادم)
الإجراءات المطلوبه:
1) أصل الجواز وصوره منه
2) عدد 2 صور ملونه
3) صورة من الإثبات (جبت لهم صوره لبطاقة الأحوال لي و صوره من بطاقة العائله لزوجتي)
4) تعبئة نموذج إستخراج التأشيره (صفحتين) + نموذج جديد (صفحه واحده) ===> توهم مألفينه
5) صوره لكل جواز من تذاكر الطيران (يعني من ناحيتي صورتين لي و لزوجتي)
6) صور لكل جواز من فاوتشرات الفنادق (2 إلى 3 فاوتشرات لكل جواز تكفي)
7) دفع الرسوم المطلوبه لكل تأشيره : 155 ريال (قيمة التأشيره) + 83 ريال (رسوم إضافيه للمكتب) = 238 ريال
وسلامتكم ,,
لا تنسوني من دعواتكم الطيبه
أخوكم فهد