بسم الله الرحمن الرحيم
بعد أن صليت الظهر ورجعت البيت وإذا بتلفوني يرن "ترن ترن" وشلت التلفون وإذا بصديقي أبو علوش : "طبعاً مايتصل الظهر إلا علشان الغداء"
أنا : مرحبا
أبو علوش : السلام عليكم،،،
أنا : وعليكم السلام ورحمة الله وبركاته
أبو علوش : ها أبو عبدالرحمن ،،،، شلونك ؟؟؟
أنا : بخير الله يسلمك ،،،، بشرنا عنك؟؟؟
أبو علوش : الحمد لله كل شي تمام وعلى ما يرام ... ،،، شنو غداكم ؟؟؟
أنا : صوتك يقطع ما أسمعك ؟؟؟
أبو علوش : ههه شرايك نروح نغدا بمطعم ؟؟
أنا : لي الحين صوتك يقطع
أبو علوش : يبا على حسابي ,,..
أنا : إي الحين صوتك واضح ، بس آنا مسوي رجيم ، وعلى شانك اليوم أوقف الرجيم وقت الغدا بس,,, بس شوف لنا واحد نفر زياده علشان نصير ثلاثة وتحلا القعدة "وتزيد التكلفه"
أبو علوش : مو مشكله خلني أشوف وأدق عليك
@@@ بعد عش10ر دقايق @@@
التلفون : ترن ترن
أنا : مرحباً أبو علوش
أبو علوش : السلام عليكم
أنا : وعليكم السلام ورحمة الله ،،،،
أبو علوش : الظاهر مافيه خوي
أنا : أجل خلنا نتوكل على الله "لايطوفك غدا ببلاش" ،،، مرني أنطرك بالبيت ...
@@@بعد خم5سة دقايق@@@
التلفون : ترن ترن
أدري عصبتوا بس يا جماعة هذه القصه بحذافيرها شتبوني أسوي،،، ما بقى شي
أنا : مرحباً
أبو علوش : السلام عليكم ،،، أنا عند بابكم
أنا : وعليكم السلام ،، يلا طالعلك...,
وطلعت ولقيت سيارة أبو علوش في مظلتنا
وركبت معاه وتوكلنا على الله ،،، طبعاً منعاً للإطاله صار حوار بالتلفون حول المطعم وإتفقنا سريعاً على مطعم بيت ديكسون
وصلنا المطعم
صورة للعمارة اللي فيها المطعم
في الإستقبال
ومن الخلف
نظرة عامة للمطعم من الداخل
المنيو
المنيو من الداخل
أبو علوش يتأمل في المنيو
وهذه بسطة السمك الطازج ، أخنا منه 1/2 كيلو ربيان مشوي على القريل
وبما أن أبو علوش يتأمل في المنيو ويشوف الطلبات قلبت كامرتي في المناظر اللي حولي وأنا جالس
هذه
وهذه بعد
والبداية طبعاً
خبز تنور حار
وبدأ وصول طلبنا طبقاً طبقاً
سلطة خضراء
تبولة
ربيان مشوي
هذا الصحن ينزل مع الربيان المشوي
عيش مشخول "للرجيم"
حمسة ربيان
مطبق هامور
دقوس
تشريب لحم
وبسم الله على بركة الله
صحني "رجيم"
وبعد الوجبة الهنية والسوالف الجهنمية والقعدة الخيالية ،،، غسلنا إيدينا ،،،، وعلى طول إلى
بيت الشعر ،،، وهذا موجود للإنتظار وشر ب الشاي والقهوة
أبو علوش في بيت الشعر ينتظر الشاي المخدر
وأنا أخذت لفه بين المناظر والتحف أصور للمنتدى الغالي
هذا منظر عام
منظر-1
منظر -2
لا تملون تكفون
منظر-3
منظر-4
منظر-5
منظر-6
وهذه كبينة من الكبائن للعوائل اللي عددها كبير
منظر-7
الشاي والقهوة في بيت الشعر
وطلبت أنا محلبية "رجيم"
وشربنا الشاي المخدر ...,,,...
وهذا حسابنا
والحمد لله رب العالمين
أرجوا أن تكونوا قد استمتعتم بالمشاهدة ،،، أدري قاعد تسعبلون من تصويري لكن خيرها بغيرها
كل واحد ياكل بسكون وشاي ويسكر جوع بطنه
ونلقاكم على خير بإذنه تعالى
وأقول لأبو علوش
أنعم الله عليك وكثر الله خيرك ،،، وترى كل خميس الظهر اتصل علي وأرد عليك على طول
والسلام عليكم ورحمة الله وبركاته
تعجبني صور التراث القديم لكويتنا الحبيبة تسلم الايادي والله ,وترى ها من طمع طبع ترى صاحبك مبين عليه طيب وشكلك قاص عليه بس المرة الياية بشوف تقرير حلو وانت عازمة عالغدا مثل ماعزمك
ويسلمو مرة ثانية من اختك اصول.