السلام عليكم ورحمة الله وبركاته
يا جماعة الخير طالب مشورتكم
في البدايه .. كان مخطط هالسنه نسافر الفلبين ويا الشباب
وكنت مذاكر الفلبين عدل من واقع التقارير الموجوده للأخوان في قسم الفلبين
لكن لظروف تغيير الاجازات وعدم حصول البعض وتردد البعض .. سأسافر وحيداً إلى أندونيسيا
بحكم الأمان .. خاصه أني بكون لحالي
لكن للأسف .. كل شي صار اليوم .. وتمت الموافقة على أجازتي صباح اليوم
وقلت ألحق ما تلحق .. أحجز لك تذكره قبل لا تخلص الإجازه وما رحنا ولا ردينا
المهم .. حجزت على طيران الجارودا لان تقريبا الطيران الوحيد لي توصل فيه جاكرتا الصباح بدري
بتكون رحلتي ان شاء الله الكريم تاريخ 15/6/2011 الساعة 2050 من مطار دبي الدولي
وستصل بأذن واحد أحد إلى جاكرتا تاريخ 16/6/2011 الساعة 0840 صباحا
والعودة بأذن الله
بتاريخ 29/6/2011 الساعة 2030 بتوقيت جاكرتا .. والوصول إلى الإمارات بإذن الله تعالى بتاريخ 30/6/2011 الساعة 0200 فجراً .
المدة : 14 يوم ... 13 ليلة
بخصوص المدن ... وين اروح غير جاكرتا ؟ وكيف خط السير ؟ وطريقة المواصلات ( سيارة ، طيارة ) ؟
بخصوص المدن المقترحة .. وين أهم شارع فيها الواحد يحاول يسكن فيه ويكون كل شي قريب عليه ؟
شوه الفنادق الثلاث نجوم ..نظيفه ، أمان ، موقع .. الخ وسعرها بين 150 إلى 200 درهم الموصى بالسكن فيها ؟
شوه الاماكن الموصى بزيارتها في كل منطقه ؟
هل أسوي بكج يوم أوصل هناك من مكتب معروف لكامل المده تشمل السكن والمواصلات والأكل ؟
بأختصار ... احس عمري ضايع قبل لا أوصل
أسمحولي على كثرة الأسئله ... والإستفسارات ... وأتمنى ألقى لإسئلتي إجابات ... واي ملاحظات أخرى تفيدوني فيها
شاكر لكم .... وربي يوفقكم ان شاء الله